ဟေ​ရှာ​ယ 30:26 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁶ ထာဝရဘုရား​သည် မိမိ​လူမျိုး​တော်​၏​ဒဏ်ရာ​ကို ပတ်စည်း​ပေး​၍ မိမိ​ဒဏ်ခတ်​တော်မူ​သည့်​အနာ​ကို ပျောက်ကင်း​စေ​တော်မူ​သော​နေ့ရက်​၌ လ​၏​အလင်း​သည် နေ​၏​အလင်း​ကဲ့သို့​ဖြစ်​မည်​။ နေ​၏​အလင်း​သည် ခုနစ်ဆ​တိုး​၍ ခုနစ်​ရက်​အလင်း​ကဲ့သို့ လင်း​မည်​။

Common Language Bible

²⁶ လ​သည်​နေ​တ​မျှ​ထွန်း​လင်း​တောက်​ပ​လျက် နေ​သည်​လည်း ခု​နစ်​စင်း​ပြိုင်​တူ​ထွက်​သ​ကဲ့ သို့ ခါ​တိုင်း​ထက်​ခု​နစ်​ဆ​ထွန်း​လင်း​တောက်​ပ လိမ့်​မည်။ ကိုယ်​တော်​သည်​မိ​မိ​၏​လူ​မျိုး​တော် ရ​ရှိ​ခဲ့​သည်​ဒဏ်​ရာ​ဒဏ်​ချက်​များ​ကို​အ​ဝတ် နှင့်​ပတ်​စည်း​၍ အ​နာ​များ​ကို​ကု​သ​ပျောက် ကင်း​စေ​တော်​မူ​သော​အ​ခါ၊ ဤ​အ​မှု​အ​ရာ အ​ပေါင်း​သည်​ဖြစ်​ပျက်​၍​လာ​လိမ့်​မည်။

Garrad Bible

²⁶ ထာ ဝ ရ ဘု ရား သည် လူ မျိုး တော်၏ အ နာ တ ရ ကို စည်း ပတ် လျက်၊ ဒဏ် ရာ ဒဏ် ချက် ကို ကု သ တော် မူ သော နေ့ ရက် ကာ လ၊ စန္ဒ အ လင်း သည် သူ ရိ ယ အ လင်း နှင့် အ မျှ၊ သူ ရိ ယ အ လင်း လည်း ခု နစ် ဆ တိုး၍ ခု နစ် ရက် အ လင်း နှင့် အ မျှ လင်း လိမ့် မည်။

Judson Bible

²⁶ ထာ​ဝ​ရ​ဘု​ရား​သည် မိ​မိ​လူ​တို့၏ ကျိုး​ပျက်​ရာ​ကို ပြု​ပြင်၍၊ သူ​တို့​ခံ​ရ​သော ဒဏ်​ချက်​ရာ​ကို ပျောက်​စေ​တော်​မူ​သော​အ​ခါ၊ လ၏​အ​လင်း​သည် နေ၏​အ​လင်း​ကဲ့​သို့​ဖြစ်၍၊ နေ၏​အ​လင်း​သည်​လည်း ပ​က​တိ​ထက် ခု​နစ်​ဆ​လင်း​လိမ့်​မည်။

ဟေ​ရှာ​ယ 30:26 ပူးပေါင်းရင်းမြစ်များ

ယောဘဝတ္တု။ 5:18

အကြောင်းမူကား ထို​အရှင်​သည် နာကျင်​စေ​သော်လည်း အနာ​ကို ပတ်စည်း​ပေး​တော်မူ​၏​။ ဒဏ်ရာ​ရ​စေ​သော်လည်း ဒဏ်ရာ​ကို​ပျောက်ကင်း​စေ​တော်မူ​၏​။

ဟေ​ရှာ​ယ 11:9

ငါ​၏​သန့်ရှင်း​သော​တောင်​တစ်တောင်လုံး​ကို ထိခိုက်​ဖျက်ဆီး​ကြ​မည်​မ​ဟုတ်​။ အကြောင်းမူကား ပင်လယ်​သည် ရေ​များ​နှင့်​ပြည့်လျှံ​နေ​သကဲ့သို့ ကမ္ဘာမြေကြီး​သည် ထာဝရဘုရား​ကို သိကျွမ်း​ခြင်း​နှင့်​ပြည့်​လိမ့်မည်​။

ဟေ​ရှာ​ယ 19:22

ထာဝရဘုရား​သည် အီဂျစ်​ပြည်​ကို​ဒဏ်ခတ်​တော်မူ​မည်​။ ဒဏ်ခတ်​ပြီးမှ ဒဏ်ရာ​ကို​ပျောက်ကင်း​စေ​တော်မူ​မည်​။ သူ​တို့​သည် ထာဝရဘုရား​ထံ ပြန်လာ​ကြ​မည်​။ ကိုယ်တော်​သည် သူ​တို့​၏​ဆုတောင်း​သံ​ကို နားညောင်း​၍ သူ​တို့​ဒဏ်ရာ​ကို ပျောက်ကင်း​စေ​တော်မူ​မည်​။

ဟေ​ရှာ​ယ 24:23

ကောင်းကင်​ဗိုလ်ခြေ​အရှင်​ထာဝရဘုရား​သည် ဇိအုန်​တောင်​ပေါ် ဂျေရုဆလင်​မြို့​၌​စိုးစံ​လျက် မိမိ​၏​သက်ကြီးဝါကြီး​များ​ရှေ့​တွင် ဘုန်းအသရေ​ထွန်းတောက်​တော်မူ​မည်​ဖြစ်၍ လ​သည် မျက်နှာပျက်​၍ နေ​သည်​လည်း အရှက်ကွဲ​လိမ့်မည်​။

ဟေ​ရှာ​ယ 30:13

ဤ​ဒုစရိုက်​သည် ဖောင်းကြွ​လာ​၍ ပြိုလဲ​တော့​မည့် မြင့်မား​သော​မြို့ရိုး​ပေါ်က အက်ကွဲ​ရာ​ကဲ့သို့​ဖြစ်​၍ ရုတ်ခြည်း​ကျိုးပဲ့​သွား​လိမ့်မည်​။

ဟေ​ရှာ​ယ 30:14

အိုးထိန်းသည်​သည် အိုး​ကို​မ​နှမြော​ဘဲ ခွဲ​လိုက်​သဖြင့် အကျိုးအပဲ့​များ​ကြား​တွင် မီးဖို​ထဲမှ​မီး​ကို​ကော်ယူ​၍​ရ​လောက်​သော​၊ ရေတိုင်ကီ​ထဲမှ​ရေ​ကို​ခပ်ယူ​၍​ရ​လောက်​သော အိုးခြမ်းပဲ့​တစ်​ခု​မျှ​မ​တွေ့​ရ​သည်​အထိ ကွဲကြေ​သွား​သော​အိုး​ကဲ့သို့ ကျိုးပဲ့​သွား​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 33:24

မြို့သူမြို့သား​တစ်​ဦး​မျှ “​ငါ​ဖျားနာ​၏​”​ဟု ပြော​မည်​မ​ဟုတ်​။ ထို​မြို့​၌ နေထိုင်​သော​လူ​တို့​သည် အပြစ်​လွတ်ခွင့်​ရ​ကြ​လိမ့်မည်​။

ဟေ​ရှာ​ယ 57:18

သူ​၏​လမ်း​တို့​ကို ငါ​မြင်​ပြီ​။ သို့သော် ငါ​သည် သူ့​ကို​ကုသ​၍ လမ်းပြ​ပေး​မည်​။ သူ့​ကို​လည်းကောင်း​၊ သူ​နှင့်အတူ​ငိုကြွေးမြည်တမ်း​သော​သူ​တို့​ကို​လည်းကောင်း ပြန်လည်​နှစ်သိမ့်​ပေး​မည်​။

ဟေ​ရှာ​ယ 58:8

ထိုသို့​ပြု​လျှင် သင်​၏​အလင်း​သည် အရုဏ်ဦး​အလင်း​ကဲ့သို့ ထွက်ပေါ်​လာ​မည်​။ သင်​၏​အနာရောဂါ​သည် အလျင်အမြန်​ပျောက်ကင်း​မည်​။ သင်​၏​ဖြောင့်မတ်​ခြင်း​သည် သင့်​ရှေ့​၌​သွား​မည်​။ ထာဝရဘုရား​၏​ဘုန်းအသရေ​သည် သင့်​ကို အနောက်မှ​ကာကွယ်​တော်မူ​မည်​။

ဟေ​ရှာ​ယ 61:1

ဘုရားရှင်​ထာဝရဘုရား​၏​ဝိညာဉ်​တော်​သည် ငါ့​အပေါ်​တည်​တော်မူ​၏​။ အကြောင်းမူကား ဆင်းရဲသား​တို့​အား ကောင်းမြတ်​သော​သတင်း​ကို​ဟောပြော​ရန် ထာဝရဘုရား​သည် ငါ့​ကို​ဘိသိက်ပေး​တော်မူ​ပြီ​။ စိတ်နှလုံး​ကြေကွဲ​သော​သူ​တို့​ကို ဖြေသိမ့်​ပေး​ရန်​၊ ဖမ်းဆီးချုပ်နှောင်​ခံရ​သူ​တို့​အား လွတ်မြောက်​ခြင်း​တရား​ကို​ဟောပြော​ရန်​၊ အကျဉ်းချ​ခံရ​သော​သူ​တို့​အား လွတ်ငြိမ်း​ခြင်း​တရား​ဟောပြော​ရန် ငါ့​ကို​စေလွှတ်​တော်မူ​ပြီ​။

ယေ​ရ​မိ 30:17

ထာဝရဘုရား​က “​ထို​သူ​တို့​သည် သင့်​ကို ‘​အပယ်​ခံရ​သော​သူ​၊ မည်သူမျှ​ဂရု​မ​စိုက်​သော​ဇိအုန်​မြို့​’​ဟု ခေါ်​ကြ​သောကြောင့် ငါ​သည် သင့်​ကို ပြန်လည်​ကျန်းမာ​စေ​မည်​။ သင့်​အနာ​ကို ကုသ​ပေး​မည်​”​ဟု မိန့်​တော်မူ​၏​။

မြည်​တမ်း​စ​ကား 2:13

အို ဂျေရုဆလင်​သမီး​၊ သင့်​ကို မည်သို့​ပြော​ရ​မည်နည်း​၊ မည်သည့်​အရာ​ဖြင့် နှိုင်းပြ​ရ​မည်နည်း​။ အို ဇိအုန်​သမီး​ပျို​၊ သင့်​ကို မည်သူ​နှင့်​ခိုင်းနှိုင်း​ပြီး နှစ်သိမ့်​ပေး​ရ​မည်နည်း​။ အကယ်စင်စစ် သင်​၏​ဒဏ်ရာ​သည် ပင်လယ်​ကဲ့သို့​နက်​၍ သင့်​ကို မည်သူ​ကုသ​ပေး​နိုင်​မည်နည်း​။

ဟော​ရှေ 6:1

လာ​ကြ​၊ ထာဝရဘုရား​ထံ ပြန်လှည့်​ကြ​စို့​။ ကိုယ်တော်​သည် ငါ​တို့​ကို အပိုင်းပိုင်း​ဆွဲဖဲ့​သော်လည်း ပြန်လည်​ကုသ​ပေး​တော်မူ​မည်​။ ဒဏ်ရာ​ရ​စေ​သော်လည်း အနာ​ကို​ပတ်စည်း​ပေး​တော်မူ​မည်​။

ဟော​ရှေ 6:2

နှစ်​ရက်​လွန်​ပြီးနောက် ငါ​တို့​ကို ပြန်လည်​ရှင်သန်​စေ​တော်မူ​မည်​။ သုံး​ရက်​မြောက်​သော​နေ့​တွင် ငါ​တို့​ကို ပြန်လည်​ထမြောက်​စေ​တော်မူ​မည်​ဖြစ်၍ ငါ​တို့​သည်​လည်း ကိုယ်တော့်​ရှေ့​တော်​တွင် အသက်ရှင်​ခွင့်​ရ​ကြ​လိမ့်မည်​။

အာ​မုတ် 9:11

ထို​နေ့ရက်​၌ ပြိုလဲ​ခဲ့​သည့်​ဒါဝိဒ်​၏​တဲ​ကို ပြန်လည်​ထူထောင်​မည်​။ ပေါက်ပြဲ​ရာ​များ​ကို ပြန်လည်​ဖာထေး​မည်​။ ပျက်စီး​ရာ​များ​ကို ပြန်လည်​ပြုပြင်​မည်​။ ရှေး​ကာလ​ကဲ့သို့ ပြန်လည်​တည်ဆောက်​မည်​။

ဇာ​ခ​ရိ 12:8

ထို​နေ့ရက်​တွင် ထာဝရဘုရား​သည် ဂျေရုဆလင်​မြို့သား​တို့​ကို ကာကွယ်​မည်​။ ထို​နေ့ရက်​၌ သူ​တို့​တွင် အားနည်း​သော​သူ​သည် ဒါဝိဒ်​မင်းကြီး​ကဲ့သို့​ဖြစ်​မည်​။ ဒါဝိဒ်​အမျိုးအနွယ်​သည် သူ​တို့​အဖို့ ဘုရားသခင်​ကဲ့သို့​လည်းကောင်း​၊ ထာဝရဘုရား​၏​ကောင်းကင်တမန်​ကဲ့သို့​လည်းကောင်း ဖြစ်​လိမ့်မည်​။

ဇာ​ခ​ရိ 14:7

ထို​နေ့ရက်​သည် နေ့​လည်း​မ​ဟုတ်​၊ ည​လည်း​မ​ဟုတ်​။ နေဝင်ချိန်​၌​ပင် အလင်းရောင်​ရှိ​လိမ့်မည်​။ ထာဝရဘုရား​သာ သိ​တော်မူ​သော​နေ့​တစ်​နေ့ ဖြစ်​မည်​။

မာ​လ​ခိ 4:2

“ငါ​၏​နာမ​တော်​ကို ကြောက်ရွံ့ရိုသေ​သော သင်​တို့​အဖို့ ဖြောင့်မတ်​ခြင်း​နေမင်း​သည် ကုသ​ခြင်း​တောင်ပံ​နှင့်တကွ ပေါ်ထွန်း​လာ​လိမ့်မည်​။ သင်​တို့​သည်​လည်း တင်းကုပ်​မှ နွားသငယ်​ကဲ့သို့ ခုန်ပေါက်​လျက် ထွက်လာ​မည်​။

တ​ရား​ဟော 32:39

ငါ​သာလျှင် ဘုရား​ဖြစ်​၏​။ ငါ​မှတစ်ပါး အခြား​ဘုရား​မ​ရှိ​။ ငါ​သည် အသက်​ကို​သေ​စေ​နိုင်​၏​၊ ရှင်​စေ​နိုင်​၏​။ ငါ​သည် ဒဏ်ရာရ​စေ​နိုင်​၏​၊ ပျောက်ကင်း​စေ​နိုင်​၏​။ မည်သူ​မျှ ငါ့​လက်​မှ မ​လွတ်မြောက်​နိုင်​။

ဗျာ​ဒိတ် 21:23

ဘုရားသခင်​၏​ဘုန်း​အသရေ​တော်​သည် ထို​မြို့​ကို​ထွန်းလင်း​စေ​၍ သိုးသငယ်​တော်​သည် ထို​မြို့​၏​ဆီမီး​ဖြစ်​သောကြောင့် ထို​မြို့​ကို​ထွန်းလင်း​စေရန် နေ​နှင့်​လ​တို့​ကို မ​လိုအပ်​ပေ။

ဗျာ​ဒိတ် 22:5

ည​သည် ရှိ​တော့မည်​မ​ဟုတ်။ ထာဝရ​အရှင်​ဘုရားသခင်​သည် သူ​တို့​အပေါ်​ထွန်းလင်း​တော်မူ​သည်​ဖြစ်၍ ဆီမီး​၏​အလင်း​နှင့်​နေ​၏​အလင်း​တို့ မ​လိုအပ်​တော့​ပေ။ သူ​တို့​သည် ကမ္ဘာ​အဆက်ဆက်​စိုးစံ​ကြ​လိမ့်မည်။