ဆာ​လံ 147:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ကိုယ်တော်​သည် သင်​၏​နယ်နိမိတ်​ထဲ၌ ငြိမ်းချမ်းမှု​ရှိ​စေ​၍ အကောင်းဆုံး​သော​ဂျုံဆန်​ဖြင့် သင့်​ကို​ဝပြော​စေ​တော်မူ​၏​။

Common Language Bible

¹⁴ ကိုယ်​တော်​သည်​သင်​၏​မြို့​တံ​ခါး​ကို​ဘေး​မဲ့ လုံ​ခြုံ​စွာ​ထား​တော်​မူ​၍ သင့်​အား​အ​ကောင်း​ဆုံး​သော​ဂျုံ​ဆန်​ဖြင့် ရောင့်​ရဲ​စေ​တော်​မူ​၏။

Garrad Bible

¹⁴ ပြည် နယ် စွန်း အ ထိ ရန် ငြိမ်း စေ လျက်၊ ဂျုံ ဆန် ကောင်း နှင့် ကြွယ် ဝ စေ တော် မူ ၏။

Judson Bible

¹⁴ သင်၏ ပြည်​စွန်း​ပြည်​နား​မှာ အ​မှု​အ​ရေး​ကို​ငြိမ်း​စေ၍၊ အ​ကောင်း​ဆုံး​သော​စ​ပါး​နှင့် သင့်​ကို​ဝ​စွာ ကျွေး​မွေး​တော်​မူ၏။

ဆာ​လံ 147:14 ပူးပေါင်းရင်းမြစ်များ

၁ ရာ​ချုပ် 22:9

ကြည့်ရှု​လော့​။ သင်​သည် သား​တော်​တစ်ပါး​ကို ရ​လိမ့်မည်​။ သူ​သည် အေးချမ်း​စွာ​နေ​ရ​သော​သူ ဖြစ်​လိမ့်မည်​။ ငါ​သည် သူ့​ဝန်းကျင်​ရှိ​ရန်သူ​အားလုံး​တို့​ကို သူ​နှင့်​သင့်မြတ်​စေ​မည်​။ သူ့​အမည်​ကို ရှောလမုန် ဟု​မှည့်ခေါ်​ရ​မည်​။ သူ့​လက်ထက်​တွင် အစ္စရေး​ပြည်​ကို ငြိမ်းချမ်း​ခြင်း​၊ ငြိမ်ဝပ်​ခြင်း ရှိ​စေ​မည်​။

ဆာ​လံ 122:6

“​သင့်​ကို​မြတ်နိုး​သော​သူ​တို့​သည် ကောင်းစား​ကြ​ပါစေသော​။ သင်​၏​တံတိုင်း​အတွင်း​၌ ငြိမ်းချမ်းသာယာ​ခြင်း​ရှိ​ပါစေသော​။ သင်​၏​ခံတပ်​များ​အတွင်း​၌ လုံခြုံစိတ်ချမှု​ရှိ​ပါစေသော​”​ဟု ဂျေရုဆလင်​မြို့​၏​ငြိမ်းချမ်းသာယာ​ခြင်း​အတွက် ဆုတောင်း​ကြ​လော့​။

ဆာ​လံ 132:11

ထာဝရဘုရား​သည် ဒါဝိဒ်​အား သစ္စာ​နှင့်​ကျိန်ဆို​ပြီး ပြန်လည်​ရုပ်သိမ်း​တော်မူ​မည်​မ​ဟုတ်​သော​စကား​မှာ “​ငါ​သည် သင်​မှ​ပေါက်ဖွား​သော​ရင်သွေး​တစ်ဦး​ကို သင်​၏​ရာဇပလ္လင်​ပေါ်​ထိုင်​စေ​မည်​။

ဆာ​လံ 132:15

ထို​အရပ်​ကို ကောင်းချီးပေး​မည်​။ စားနပ်ရိက္ခာ​ပေါများ​စေ​မည်​။ နွမ်းပါး​သော​သူ​တို့​ကို အစားအစာ​နှင့် ဝပြော​စေ​မည်​။

ဆာ​လံ 29:11

ထာဝရဘုရား​သည် မိမိ​၏​လူမျိုး​တော်​အား အစွမ်းသတ္တိ​ကို​ပေး​တော်မူ​၏​။ ထာဝရဘုရား​သည် မိမိ​၏​လူမျိုး​တော်​အား ငြိမ်းချမ်း​ခြင်း​ကောင်းချီးမင်္ဂလာ​ကို​ပေး​တော်မူ​၏​။

ဆာ​လံ 81:16

အစ္စရေး​လူမျိုး​ကို​ကား အကောင်းဆုံး​သော​ဂျုံဆန်​ဖြင့် ကိုယ်တော်​ကျွေးမွေး​တော်မူ​လိမ့်မည်​။ “​ငါ​သည် ကျောက်ဆောင်​မှ​ထွက်​သော​ပျားရည်​ဖြင့် သင့်​ကို​ဝပြော​စေ​မည်​။​”

ဟေ​ရှာ​ယ 66:12

ထာဝရဘုရား​က “​ကြည့်ရှု​လော့​။ ငါ​သည် ငြိမ်းချမ်းမှု​ကို မြစ်ရေ​ကဲ့သို့​လည်းကောင်း​၊ လူမျိုးတကာ​တို့​၏​ဘုန်းအသရေ​ကို စီးဆင်း​သော​စမ်းချောင်း​ကဲ့သို့​လည်းကောင်း ဂျေရုဆလင်​မြို့​ထဲသို့ စီးဆင်း​စေ​မည်​။ သင်​တို့​ကို နို့တိုက်​မည်​၊ ခါးစောင်း​၌ ချီထား​မည်​၊ ကလေး​ကဲ့သို့ ဒူး​ပေါ်တွင်​မြှူ​မည်​။

ယေ​ဇ​ကျေ​လ 16:13

ဤသို့ဖြင့် သင်​သည် ရွှေ​ငွေ​ကို ဆင်ယင်​ရ​၏​။ ပိတ်ချောထည်​၊ ပိုးထည်​၊ ဇာပန်းထိုးထည်​တို့​ကို ဝတ်ဆင်​ရ​၏​။ အကောင်းဆုံး​ဂျုံမှုန့်​၊ ပျားရည်​၊ သံလွင်ဆီ​တို့​ကို​စားသုံး​ရ​၏​။ သင်​သည် လှသွေးကြွယ်​ပြီး ဘုရင်မ​တစ်ဆူသဖွယ် ဖြစ်လာ​၏​။

ယေ​ဇ​ကျေ​လ 27:17

ယုဒ​ပြည်​၊ အစ္စရေး​ပြည်​တို့​သည်​လည်း သင်​နှင့်​ကုန်သွယ်​ကြ​၏​။ သင့်​ကုန်စည်​တို့​ကို မိန္နိတ်​မြို့​မှ​ထွက်​သော ဂျုံ​၊ မုန့်​၊ ပျားရည်​၊ ဆီ​၊ လိမ်းဆေး စသည်​တို့​နှင့် လဲလှယ်​ကြ​၏​။

ဝတ်​ပြု 26:6

ငါ​သည် ထို​ပြည်​၌ ငြိမ်းချမ်းမှု​ရှိ​စေ​သဖြင့် သင်​တို့​အိပ်​သောအခါ မည်သူ​မျှ သင်​တို့​ကို ကြောက်ရွံ့တုန်လှုပ်​အောင် လုပ်​လိမ့်မည်​မ​ဟုတ်​။ ငါ​သည် ဘေးအန္တရာယ်​ပေး​တတ်​သော တောရိုင်းတိရစ္ဆာန်​တို့​ကို ထို​ပြည်​ထဲမှ ဖယ်ရှား​မည်​။ သင်​တို့​ပြည်​သည် ဓားဘေး​နှင့် ကြုံတွေ့​ရ​လိမ့်မည်​မ​ဟုတ်​။

ဇာ​ခ​ရိ 9:8

ငါ့​အိမ်​တော်​၌ ကျူးကျော်​ဝင်ရောက်​သူ​မ​ရှိ​အောင် ကင်းစောင့်​ချ​ထား​မည်​။ ငါ​ကိုယ်တိုင်​စောင့်ကြည့်​မည်​ဖြစ်၍ ညှဉ်းဆဲ​တတ်​သော​သူ​တို့ နောက်တစ်ဖန် မ​ကျူးကျော်​ရ​။

တ​ရား​ဟော 32:14

နွား​မှ​ရ​သော​ထောပတ်​၊ သိုး​မှ​ရ​သော​သိုး​နို့​၊ သိုးသငယ်​အဆီ​၊ ဗာရှန်​ပြည်​သိုးထီး​၊ ဆိတ်ထီး​နှင့်တကွ အကောင်းဆုံး​ဂျုံ​ဖြင့်​လည်းကောင်း ကျွေးမွေး​တော်မူ​၏​။ စပျစ်​သွေး​တည်းဟူသော​ဝိုင်နီ​ကို​လည်း သောက်​ရ​၏​။