အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ဟေ​ရှာ​ယ 30:28 - မြန်​​​မာ့​​​စံ​​​မီ​​​သမ္မာ​​​ကျမ်း​​

ကိုယ်တော်​၏​ထွက်သက်လေ​သည် လည်ပင်း​အထိ​ရောက်​သည့် တစ်ဟုန်ထိုးစီးဆင်း​သော​မြစ်ရေ​ကဲ့သို့​ဖြစ်​၏​။ တိုင်းနိုင်ငံ​တို့​ကို ဖျက်ဆီး​ခြင်း​ဆန်ခါ​ဖြင့် စစ်ချ​မည်​။ လမ်းလွဲ​စေ​သော​ဇက်ကြိုး​ကို လူ​တို့​၏​မေးရိုး​၌ တပ်​ထား​မည်​။

အခန်းကိုကြည့်ပါ။

Common Language Bible

ကိုယ်​တော်​သည်​လေ​ပြင်း​ကို​တိုက်​ခတ်​စေ တော်​မူ​လိမ့်​မည်။ ထို​လေ​သည်​အ​ရာ​ခပ်​သိမ်း ကို​မြော​ပါ​သွား​စေ​တတ်​သည့်​မြစ်​ရေ​လျှံ သ​ကဲ့​သို့​လူ​မျိုး​တ​ကာ​ကို​ဆုံး​ပါး​ပျက်​စီး စေ​၍၊ သူ​တို့​၏​ဆိုး​ညစ်​သော​အ​ကြံ​အ​စည် များ​ကို​ပျက်​ပြား​စေ​လိမ့်​မည်။-

အခန်းကိုကြည့်ပါ။

Garrad Bible

ထွက် သက် တော် သည် လူ မျိုး ခြား တို့ အ ကျိုး ကို ဖျက် စ ကော ဖြင့် ချ အံ့ သော ငှာ၊ လည် ထိ လွှမ်း မိုး သော မြစ် ရေ သ ဖွယ်၊ လူ အ မျိုး မျိုး တို့၏ ပါး စောင် တွင် လမ်း လွဲ စေ သော ပါး ချပ် သ ဖွယ် ဖြစ် ၏။

အခန်းကိုကြည့်ပါ။

Judson Bible

ထွက်​သက်​တော်​သည်​လည်း၊ လူ​မျိုး​တို့​ကို ရှင်း​ရှင်း ဖျက်​ဆီး​ခြင်း​ငှာ၊ လွှမ်း​မိုး​သော​ရေ​ကဲ့​သို့ လည်​ပင်း​ကို မီ​လိမ့်​မည်။ လမ်း​လွဲ​စေ​သော​ဇက်​ကို သူ​တို့​ပါး​စပ်၌ ခွံ့​တော်​မူ​လိမ့်​မည်။

အခန်းကိုကြည့်ပါ။



ဟေ​ရှာ​ယ 30:28
34 ပူးပေါင်းရင်းမြစ်များ  

ထိုအခါ အဗရှလုံ​နှင့် အစ္စရေး​အမျိုးသား​အပေါင်း​တို့​က “​အာခိ​လူမျိုး ဟုရှဲ​ပေး​သော​အကြံ​သည် အဟိသောဖေလ​ပေး​သော​အကြံ​ထက် ကောင်း​သည်​”​ဟု ထောက်ခံ​ကြ​၏​။ အကြောင်းမှာ အဗရှလုံ​ကို ဘေး​တွေ့​စေ​မည့်​အကြောင်း အဟိသောဖေလ​ပေး​သော​အကြံ​ပျက်ပြား​ရန် ထာဝရဘုရား စီစဉ်​တော်မူ​ပြီ​။


သင်​သည် ငါ့​ကို​အမျက်ထွက်​ပြီး စော်ကားပြောဆို​သော​စကား​ကို ငါ​ကြား​ရ​သောကြောင့် ငါ​သည် သင့်​ကို နဖားကြိုး​တပ်​မည်​၊ ဇက်ခွံ့​မည်​။ သင်​လာ​သော​လမ်း​ဖြင့် သင့်​ကို​ပြန်​စေ​မည်​။


အကြောင်းမူကား ဘုရားသခင်​သည် သူ့​အား ဉာဏ်ပညာ​ရှိ​ခွင့်​မပေး​။ အသိဉာဏ်​ကို​လည်း မ​ပေး​။


အို ထာဝရဘုရား​၊ ကိုယ်တော်​၏​ဆုံးမ​ခြင်း​နှင့် နှာခေါင်း​တော်​ထဲမှ ရှူထုတ်​သော​လေ​ကြောင့် ပင်လယ်​ကြမ်းပြင်​များ ပေါ်လာ​၍ ကမ္ဘာကြီး​၏​အောက်ခြေ​တို့​သည် ဟင်းလင်းပြင်​ဖြစ်​လေ​၏​။


အသိဉာဏ်​မ​ရှိ​သော​မြင်း​၊ သို့မဟုတ် လား​ကဲ့သို့​မ​ဖြစ်​နှင့်​။ ၎င်း​တို့​ကို ဇက်သွား​နှင့်​ဇက်ကြိုး​တန်ဆာ​ဖြင့် ထိန်း​ရ​၏​။ သို့မဟုတ်လျှင် သင့်​ထံသို့​လာ​လိမ့်မည်​မ​ဟုတ်​။


မြင်း​အတွက်​ကျာပွတ်​၊ မြည်း​အတွက်​ဇက်ကြိုး​ရှိ​၏​။ မိုက်မဲ​သော​သူ​၏​ကျောကုန်း​အတွက်​ကား ကြိမ်လုံး​ရှိ​၏​။


ဆင်းရဲ​သော​သူ​တို့​ကို ဖြောင့်မတ်​စွာ​တရားစီရင်​မည်​။ နိမ့်ကျ​သော​မြေကြီးသား​တို့​အတွက် တရားမျှတ​စွာ​ဆုံးဖြတ်​မည်​။ မြေကြီး​ကို သူ​၏​နှုတ်​ကြိမ်လုံး​ဖြင့် ရိုက်နှက်​၍ ဆိုးယုတ်​သော​သူ​တို့​ကို နှုတ်ထွက်​လေ​ဖြင့် ကွပ်မျက်​မည်​။


လူ​တို့​သည် ရေလုံးကြီး​တို့​၏​မြည်ဟည်းသံ​ကဲ့သို့ မြည်ဟည်း​ကြ​သော်လည်း ကိုယ်တော်​သည် သူ​တို့​ကို​ဆုံးမ​တော်မူ​သောအခါ အဝေး​သို့​ထွက်ပြေး​ကြ​ရ​လိမ့်မည်​။ တောင်​ပေါ်မှ​ဖွဲ​ကို လေ​တိုက်​သကဲ့သို့​၊ ဖုန်မှုန့်​ကို လေပွေ​တိုက်​၍ လုံးထွေး​လိမ့်ပါ​သွား​သကဲ့သို့ အလိုက်​ခံရ​ကြ​၏​။


ကြည့်ရှု​လော့​။ နေဝင်​ချိန်​၌ ထိတ်လန့်ဖွယ်ဘေး​ရောက်လာ​သောကြောင့် နံနက်​ရောက်သော် သူ​တို့​မ​ရှိ​တော့​ချေ​။ ဤသည်ကား ငါ​တို့​ကို တိုက်ခိုက်လုယက်​ခဲ့​သော​သူ​တို့​၏​ဝေစု​၊ ငါ​တို့​ကို သိမ်းပိုက်​ခဲ့​သော​သူ​တို့​၏​ပေါက်မဲ ဖြစ်​၏​။


အီဂျစ်​ပြည်သား​တို့​သည် စိတ်ပျက်​ကြ​လိမ့်မည်​။ သူ​တို့​၏​အကြံအစည်​ကို​လည်း ငါ​ဖျက်ဆီး​မည်​။ ထိုအခါ သူ​တို့​သည် ရုပ်တု​၊ နတ်​၊ နတ်ဝင်သည်​၊ နတ်ထိန်း​တို့​ထံ မေးမြန်း​ကြ​လိမ့်မည်​။


သင်​တို့​က “​ငါ​တို့​သည် သေ​ခြင်း​နှင့် ပဋိညာဉ်​ဖွဲ့​ကြ​ပြီ​။ မရဏာနိုင်ငံ​နှင့် သဘောတူညီမှု ပြု​ကြ​ပြီ​။ လွှမ်းမိုး​သော​ဘေးဆိုး​ဖြတ်သွား​သည့်အခါ ငါ​တို့​ထံ​လာ​မည်​မ​ဟုတ်​။ အကြောင်းမူကား ငါ​တို့​သည် လိမ်လည်မှု​ကို ငါ​တို့​၏​ခိုလှုံ​ရာ​ဖြစ်စေ​လျက် မုသား​ထဲ၌ ပုန်း​နေ​ကြ​ပြီ​”​ဟု ဆို​ကြ​၏​။


ကြည့်ရှု​လော့​။ ဘုရားရှင်​၌ တန်ခိုး​ခွန်အားကြီး​သော​သူ​ရှိ​၏​။ ထို​သူ​သည် မိုးသီး​မုန်တိုင်း​၊ ဖျက်ဆီး​တတ်​သော လေပြင်းမုန်တိုင်း​၊ ရေလွှမ်းမိုး​စေ​သည့် ပြင်းထန်​သော​မိုးသက်မုန်တိုင်း​ကဲ့သို့ သေသောက်ကြူးသူ​ဧဖရိမ်​အမျိုး​တို့​၏​မာန​သရဖူ​ကို မိမိ​လက်​ဖြင့် မြေကြီး​ပေါ်သို့​ပစ်ချ​မည်​။


ကောင်းကင်​ဗိုလ်ခြေ​အရှင်​ထာဝရဘုရား​သည် မိုးချုန်း​ခြင်း​၊ ငလျင်လှုပ်​၍​အသံ​မြည်ဟည်းခြင်း​၊ လေပွေ​နှင့်​မုန်တိုင်း​တိုက်ခတ်​ခြင်း​၊ မီးတောက်​မီးလျှံ​လောင်ကျွမ်း​ခြင်း​တို့​ဖြင့် သင့်​ကို ဒဏ်ခတ်​မည်​။


သင်​တို့​သည် သန့်ရှင်း​သော​ပွဲတော်​ကျင်းပ​သည့်​ည​၌​ကဲ့သို့ သီချင်းဆို​ရ​မည်​။ အစ္စရေး​လူမျိုး​တို့​၏​ကျောက်ဆောင်​ဖြစ်​သော ထာဝရဘုရား​၏​တောင်​သို့ ပလွေ​မှုတ်​လျက်​သွား​သော​သူ​ကဲ့သို့ စိတ်နှလုံး​ဝမ်းမြောက်​ခြင်း​ရှိ​မည်​။


အကယ်စင်စစ် တောဖက်​အရပ်​ကို ရှေးယခင်​ကပင် ပြင်ဆင်​ထား​လေ​ပြီ​။ ထို​အရပ်​ကို ရှင်ဘုရင်​အတွက် အဆင်သင့်​ဖြစ်စေ​ပြီ​။ ထို​အရပ်​သည် နက်​၍​ကျယ်ဝန်း​ပြီး မီးရှို့​ရန်​ထင်း​အမြောက်အမြား​ပုံထား​၏​။ ထာဝရဘုရား​၏​ထွက်သက်လေ​သည် ကန့်ရည်စီးကြောင်း​ကဲ့သို့​ထွက်လာ​၍ ထို​အရပ်​ကို မီးစွဲလောင်​စေ​မည်​။


သင်​သည် ငါ့​ကို​အမျက်ထွက်​သောကြောင့်​၊ သင်​စော်ကားပြောဆို​သော​စကား​ကို ငါ​ကြား​ရ​သောကြောင့် ငါ​သည် သင့်​ကို နဖားကြိုး​တပ်​မည်​၊ ဇက်ကြိုး​တပ်​မည်​။ သင်​လာ​သော​လမ်း​ဖြင့် သင့်​ကို​ပြန်​စေ​မည် ဟူ၍​မိန့်ဆို​ပြီ​’​ဟု မိန့်​တော်မူ​၏​။


ထို့ကြောင့် သူ​တို့​သည် ထာဝရဘုရား​၏​နာမ​တော်​ကို အနောက်​အရပ်​မှ​လည်းကောင်း​၊ ဘုန်းအသရေ​တော်​ကို နေထွက်​ရာ​အရပ်​မှ​လည်းကောင်း ကြောက်ရွံ့​ကြ​လိမ့်မည်​။ အကြောင်းမူကား ထာဝရဘုရား​၏​ထွက်သက်လေ​မှုတ်ထုတ်​တော်မူ​၍ အရှိန်အဟုန်​နှင့်​စီးဆင်း​သော​မြစ်ရေ​ကဲ့သို့ ကိုယ်တော်​ကြွလာ​တော်မူ​မည်​။


အို ထာဝရဘုရား​၊ ကိုယ်တော်​သည် ကျွန်ုပ်​တို့​ကို အဘယ်ကြောင့် လမ်း​တော်​မှ​လမ်းလွဲ​စေ​သနည်း​။ ကိုယ်တော်​ကို မ​ကြောက်ရွံ့​စေရန် ကျွန်ုပ်​တို့​၏​စိတ်​ကို အဘယ်ကြောင့် ခိုင်မာ​စေ​သနည်း​။ ကိုယ်တော်​၏​အစေအပါး​၊ ကိုယ်တော်​၏​အမွေ​တော်​လူမျိုးစု​အတွက် ပြန်လာ​တော်မူ​ပါ​။


ယုဒ​ပြည်​ထဲသို့​ဖြတ်သန်း​စီးဝင်​၍ လည်ပင်း​တိုင်အောင် လွှမ်းမိုး​သွား​မည်​။ မိမိ​၏​တောင်ပံ​များ​ကို​ဖြန့်​၍ သင့်​ပြည်​တစ်ပြည်လုံး​သို့ ရောက်​လိမ့်မည်​၊ အို ဧမာနွေလ​”​ဟု မိန့်​တော်မူ​၏​။


ထို့ကြောင့် သူ​တို့​သည် နံနက်အချိန်​၌​ကျ​သော​မြူခိုး​ကဲ့သို့​၊ စောစော​ပြယ်လွင့်​သွား​သော​နှင်းစက်​ကဲ့သို့​၊ လေ​ထဲတွင် လွင့်ပါ​သွား​သော​ကောက်နယ်တလင်း​မှ ဖွဲ​ကဲ့သို့​၊ မီးခိုးခေါင်းတိုင်​မှ ထွက်​သော​မီးခိုး​ကဲ့သို့ ဖြစ်​ကြ​လိမ့်မည်​။


“ကြည့်ရှု​လော့​။ ငါ​မိန့်ဆို​ပြီ​။ လူမျိုး​တကာ​တို့​အလယ်​တွင် အစ္စရေး​အမျိုးအနွယ်​ကို ဆန်ခါ​ခါ​သကဲ့သို့ ခါချ​မည်​။ ဆန်တစ်စေ့​မျှ မြေကြီး​ပေါ် မ​ကျ​ရ​။


လက်​တော်​၌​လည်း ဆန်ကော​ကို​ကိုင်​ထား​လျက် မိမိ​၏​ကောက်နယ်​တလင်း​ကို အကုန်အစင်​ရှင်းလင်း​ပြီး မိမိ​၏​ဂျုံဆန်​ကို ကျီ​၌​စုသိမ်း​၍ အဖျင်း​ကို​ကား မ​ငြိမ်း​နိုင်​သော​မီး​ဖြင့်​ရှို့​တော်မူ​လိမ့်မည်”​ဟု ဆို​လေ​၏။


ရှိမုန်၊ ရှိမုန်၊ နားထောင်​လော့။ ဂျုံ​ကို​ဆန်ခါချ​သကဲ့သို့ စာတန်​သည် သင်​တို့​ကို ဆန်ခါချ​ရန် အခွင့်​တောင်း​လေ​ပြီ။


ထို့ကြောင့် မုသား​ကို သူ​တို့​ယုံကြည်​ကြ​စေရန် ဘုရားသခင်​သည် လှည့်ဖြား​ခြင်း​တန်ခိုး​ကို သူ​တို့​ထံသို့ စေလွှတ်​တော်မူ​၏။


ထို့နောက် တရားမဲ့​သော​သူ​သည် ထင်ရှား​လာ​လိမ့်မည်။ သခင်​ယေရှု​သည် ထို​သူ​ကို မိမိ​နှုတ်​တော်​မှ​ထွက်သက်လေ​အားဖြင့် ကွပ်မျက်​၍ မိမိ​ကြွလာ​တော်မူ​ခြင်း​၏​ရောင်ခြည်​အားဖြင့် ပယ်ဖျက်​တော်မူ​လိမ့်မည်။


ဘုရားသခင်​၏​နှုတ်ကပတ်တော်​သည် အသက်ရှင်​၍ ထက်မြက်​ကာ အသွား​နှစ်​ဖက်​ပါ​သည့် ဓား​ရှိသမျှ​တို့​ထက် သာ၍​ထက်​သဖြင့် အသက်​နှင့်​ဝိညာဉ်​တို့​အထိ​လည်းကောင်း၊ အဆစ်အမြစ်​နှင့်​ခြင်ဆီ​တို့​အထိ​လည်းကောင်း ထိုးဖောက်​ပိုင်းခြား​တတ်​၏။ စိတ်နှလုံး​၏​စဉ်းစား​ဆင်ခြင်​မှု​နှင့်​သဘောထား​တို့​ကို​လည်း ထိုးထွင်း​သိမြင်​နိုင်​၏။


သူ​၏​လက်ယာ​လက်​တွင် ကြယ်​ခုနစ်​လုံး​ရှိ​၍ အသွား​နှစ်ဖက်​ပါ​သည့် ထက်​သော​သန်လျက်​သည် သူ​၏​ခံတွင်း​ထဲမှ ထွက်​နေ​၏။ သူ​၏​မျက်နှာ​သည် မိမိ​အရှိန်အဝါ​ဖြင့် ထွန်းလင်း​နေ​သော​နေ​ကဲ့သို့​ဖြစ်​၏။


ထို့ကြောင့် နောင်တရ​လော့။ သို့မဟုတ်လျှင် ငါ​သည် သင့်​ထံသို့​အလျင်အမြန်​လာ​၍ ငါ့​ခံတွင်း​မှ​သန်လျက်​ဖြင့် သူ​တို့​ကို​တိုက်ခိုက်​မည်။