အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




ယေ​ဇ​ကျေ​လ 47:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

ထို​သူ​သည် ငါ့​အား အိမ်​တော်​ဝင်ပေါက်​သို့ ပြန်လည်​ခေါ်ဆောင်​လာ​ရာ အိမ်​တော်​တံခါးခုံ​အောက်​မှ အိမ်​တော်​မျက်နှာမူ​ရာ​အရှေ့ဘက်​သို့ ရေ​စီးထွက်​သွား​သည်​ကို တွေ့​ရ​၏​။ ထို​ရေ​တို့​သည် အိမ်​တော်​လက်ယာ​ဘက်​အောက်​၊ ယဇ်ပလ္လင်​တော်​တောင်ဘက်​မှ စီးဆင်း​သွား​၏​။

အခန်းကိုကြည့်ပါ။

Common Language Bible

ထို​လူ​သည်​ငါ့​အား​ဗိ​မာန်​တော်​အ​ဝင်​တံ​ခါး ဝ​သို့​ခေါ်​ဆောင်​သွား​၏။ တံ​ခါး​ခုံ​အောက်​မှ ရေ​သည်​ယဇ်​ပလ္လင်​၏​တောင်​ဘက်​ကို​ဖြတ်​ကာ ဗိ​မာန်​တော်​မျက်​နှာ​မူ​ရာ​အ​ရှေ့​ဘက်​သို့ စီး​ဆင်း​လျက်​နေ​၏။-

အခန်းကိုကြည့်ပါ။

Garrad Bible

ထို့ နောက် ဗိ မာန် တော် တံ ခါး ဝ ရောက် ငါ့ ကို ခေါ် သွား ပြန် သော်၊ အ ရှေ့ ဘက် သို့ ဗိ မာန် တော် မျက် နှာ မူ သည့် အ လျောက်၊ တံ ခါး ခုံ တောင် စွန်း အောက် မှ၊ ပူ ဇော် ရာ ပ လ္လင် တော် တောင် ဘက်၊ အ ရှေ့ မျက် နှာ သို့ စီး ထွက် သော ရေ ကို ငါ မြင် ၏။

အခန်းကိုကြည့်ပါ။

Judson Bible

ထို​နောက်​မှ အိမ်​တော်​တံ​ခါး​သို့ တစ်​ဖန်​ငါ့​ကို​ဆောင်​ခဲ့၍၊ တံ​ခါး​ခုံ​အောက်​မှာ အ​ရှေ့​ဘက်​သို့​ထွက်​သော ရေ​ကို​ငါ​မြင်၏။ အိမ်​တော်​ဦး​သည် အ​ရှေ့​သို့​မျက်​နှာ​ပြု၍၊ ရေ​သည် အိမ်​တော်​တံ​ခါး​ခုံ​လက်​ယာ​အောက်၊ ယဇ်​ပ​လ္လင်​တော် တောင်​ဘက်​မှ စီး​သွား​လေ၏။

အခန်းကိုကြည့်ပါ။



ယေ​ဇ​ကျေ​လ 47:1
20 ပူးပေါင်းရင်းမြစ်များ  

မြစ်​တစ်​မြစ်​ရှိ​၏​။ ၎င်း​၏​ရေစီးကြောင်း​တို့​သည် အမြင့်ဆုံး​သော​အရှင်​၏ သန့်ရှင်း​သော​ကိန်းဝပ်​တော်မူ​ရာ​တဲ​တော် တည်းဟူသော ဘုရားသခင်​၏​မြို့​တော်​ကို ဝမ်းမြောက်​စေ​၏​။


ဘုရားသခင်​သည် ထို​မြို့​တော်​အလယ်​၌ ရှိ​တော်မူ​သည်​ဖြစ်၍ ထို​မြို့​တော်​သည် တုန်လှုပ်​မည်​မ​ဟုတ်​။ နံနက်အချိန်​ရောက်​သောအခါ ဘုရားသခင်​သည် ထို​မြို့​တော်​ကို​ကူညီမစ​တော်မူ​လိမ့်မည်​။


သီချင်းဆို​သူ​များ​နှင့်အတူ ကခုန်​သူ​များ​က​လည်း “​ငါ​၏​စမ်းရေတွင်း​ရှိသမျှ​တို့​သည် သင်​၌​ရှိ​၏​”​ဟု ဆို​ကြ​လိမ့်မည်​။


လူ​များစွာ​တို့​သည်​လာ​ကြ​၍ “​လာ​ကြ​လော့​။ ထာဝရဘုရား​၏​တောင်​တော်​၊ ယာကုပ်​၏​ဘုရားသခင့်​အိမ်​တော်​သို့ တက်​ကြ​ကုန်​စို့​။ ကိုယ်တော်​သည် မိမိ​၏​နည်းလမ်း​တော်​တို့​ကို ငါ​တို့​အား​သွန်သင်​တော်မူ​၍ ငါ​တို့​သည် ကိုယ်တော်​၏​လမ်း​တော်​၌ လျှောက်လှမ်း​ကြ​မည်​”​ဟု ဆို​ကြ​လိမ့်မည်​။ ပညတ်တရား​သည် ဇိအုန်​တောင်​မှ ထွက်ပေါ်​လာ​လိမ့်မည်​။ ထာဝရဘုရား​၏​နှုတ်ကပတ်တော်​သည် ဂျေရုဆလင်​မြို့​မှ ထွက်ပေါ်​လာ​လိမ့်မည်​။


သတ်ဖြတ်မှု​နေ့​ကြီး​၌ ရဲတိုက်​များ​ပြိုလဲ​သောအခါ မြင့်မား​သော​တောင်​၊ အထွတ်အမြတ်​ထား​သော​တောင်ကုန်း ရှိသမျှ​တို့​ပေါ်၌ ချောင်း​ရေ​များ​စီး​မည်​။


အို ရေငတ်​သော​သူ​အပေါင်း​တို့​၊ ရေ​ရှိ​ရာ​သို့​လာ​ကြ​လော့​။ မိမိ​၌​ငွေ​မ​ရှိ​သော​သူ​တို့​၊ လာ​ကြ​။ ဝယ်​၍​စား​ကြ​လော့​။ ငွေ​မ​ပါ​ဘဲ​၊ အဖိုးအခ​မ​ပေး​ဘဲ စပျစ်ဝိုင်​၊ နို့​တို့​ကို လာ​၍​ဝယ်​ကြ​လော့​။


“အကယ်စင်စစ် ငါ့​လူမျိုး​တော်​သည် မကောင်းမှု​နှစ်​မျိုး​ကို ပြု​ကြ​ပြီ​။ သက်​စမ်းရေတွင်း​ဖြစ်​သည့် ငါ့​ကို​စွန့်ပယ်​ကြ​ပြီ​။ ရေကန်​များ​ကို​တူး​ကြ​ပြီ​။ ထို​ရေကန်​တို့​သည် ကွဲအက်​သဖြင့် ရေ​လှောင်​၍​မ​ရ​။


ထို့နောက် အရှေ့​မုခ်ဆောင်​တံခါးဝ​သို့​သွား​၍ လှေကား​ကို​တက်​ပြီးမှ တံခါးဝ​ရှိ တံခါးခုံ​ကို​တိုင်း​ရာ အနံ​ကျူချောင်း​တစ်ပြန်စာ​ရှိ​၏​။ နောက်​တံခါးခုံ​တစ်​ခု​မှာ​လည်း အနံ​ကျူချောင်း​တစ်ပြန်စာ​ရှိ​၏​။


တံခါးပေါက်​မှာ အတောင်​တစ်ဆယ်​ကျယ်​၏​။ တစ်ဖက်တစ်ချက်​ရှိ​တံခါးတိုင်​၏​ထု​မှာ ငါး​တောင်​စီ​ရှိ​၏​။ ဗိမာန်တော်​အပြင်ခန်း​ကို​တိုင်း​ရာ အလျား​အတောင်​လေးဆယ်​၊ အနံ​အတောင်​နှစ်ဆယ်​ရှိ​၏​။


ထို​သူ​က ငါ့​အား “ဤ​နေရာ​သည် လူ​တို့​ပေးလှူ​သော​ယဇ်ကောင်​ကို အိမ်​တော်​အမှုထမ်း​တို့ ချက်ပြုတ်​ပေး​ရ​သော မီးဖိုဆောင်​ဖြစ်​၏​”​ဟု ပြောပြ​၏​။


မြစ်​ကမ်းဘေး​တစ်ဖက်တစ်ချက်​တွင် သီးပင်စားပင်​အမျိုးမျိုး ပေါက်ရောက်​လိမ့်မည်​။ သန့်ရှင်းရာဌာန​မှ​စီးလာ​သော မြစ်ရေ​ကို ရ​ရှိ​သောကြောင့် အပင်​တို့​သည် အရွက်​မ​ညှိုးနွမ်း​၊ အသီး​လည်း မ​ပြတ်​။ လစဉ်​အသီး​သီး​လိမ့်မည်​။ အသီး​သည် စား​ဖို့​၊ အရွက်​သည် အနာရောဂါ​ပျောက်ကင်း​ဖို့ ဖြစ်​လိမ့်မည်​”​ဟု ဆို​၏​။


ထို့နောက် ငါ့​အား မြောက်ဘက်​မုခ်ဆောင်​မှ အပြင်ဘက်​သို့ ခေါ်ဆောင်​သွား​ပြီး အပြင်ဘက်​အရှေ့​မုခ်ဆောင်​ကို လှည့်လည်​ကြည့်ရှု​စေ​၏​။ လက်ယာ​ဘက်​တွင် ရေ​များ​စီးဆင်း​နေ​သည်​ကို တွေ့​ရ​၏​။


ထို​နေ့ရက်​ကာလ​တွင် တောင်​များ​ပေါ်မှ စပျစ်ဝိုင်​အသစ်​ယိုစီး​၍ တောင်ကုန်း​များ​မှ နို့ရည်​စီးကျ​လိမ့်မည်​။ ယုဒ​မြစ်ချောင်း​ရှိသမျှ​တို့​သည် ရေ​များ​စီးဆင်း​နေ​လိမ့်မည်​။ စမ်းရေ​သည်​လည်း ထာဝရဘုရား​အိမ်​တော်​မှ စီးထွက်​၍ ရှိတ္တိမ်​လွင်ပြင်​ကို ရေဝ​စေ​လိမ့်မည်​။


ထို​နေ့ရက်​တွင် ဒါဝိဒ်​အမျိုးအနွယ်​မှစ၍ ဂျေရုဆလင်​မြို့သူမြို့သား​တို့ အပြစ်​နှင့်​မစင်ကြယ်မှု​များ​ကို ဆေးကြော​ရန် စမ်းရေတွင်း​တစ်​ခု ပေါ်လာ​လိမ့်မည်”​ဟု မိန့်​တော်မူ​၏​။


ထို​နေ့ရက်​တွင် ကိုယ်တော်​သည် ဂျေရုဆလင်​မြို့​အရှေ့​ဘက်​ရှိ သံလွင်​တောင်​ပေါ်၌ ခြေချ​တော်မူ​လျှင် သံလွင်​တောင်​သည် အရှေ့ဘက်​မှ အနောက်ဘက်​တိုင်အောင် နှစ်ခြမ်းကွဲ​၍ ကျယ်ပြန့်​သော​ချိုင့်ဝှမ်းလွင်ပြင်​ကြီး ပေါ်လာ​လိမ့်မည်​။ ထို​တောင်​၏​တစ်ဝက်​သည် မြောက်ဘက်​သို့​လည်းကောင်း​၊ ကျန်​တစ်ဝက်​သည် တောင်ဘက်​သို့​လည်းကောင်း ရွေ့သွား​လိမ့်မည်​။


ထို​နေ့ရက်​တွင် ဂျေရုဆလင်​မြို့​မှ အသက်စမ်းရေ စီးထွက်​လိမ့်မည်​။ ထို​ရေ​သည် နွေရာသီ​ဖြစ်စေ​၊ ဆောင်းရာသီ​ဖြစ်စေ အရှေ့​ပင်လယ်​သို့ တစ်ဝက်​၊ အနောက်​ပင်လယ်​သို့ တစ်ဝက် စီးဆင်း​လိမ့်မည်​။


ထို့နောက် ကောင်းကင်​တမန်​သည် ကျောက်​သလင်း​ကဲ့သို့​ကြည်လင်​တောက်ပ​သော အသက်​ရေ​စီး​ရာ​မြစ်​ကို ငါ့​အား​ပြ​လေ​၏။ ထို​မြစ်​သည် ဘုရားသခင်​နှင့်​သိုးသငယ်​တော်​၏​ပလ္လင်​တော်​မှ ထွက်​၍


ဝိညာဉ်​တော်​နှင့်​သတို့သမီး​တို့​က “ကြွလာ​တော်မူ​ပါ”​ဟု ဆို​ကြ​၏။ ကြားနာ​သော​သူ​က​လည်း “ကြွလာ​တော်မူ​ပါ”​ဟု ဆို​ပါစေ။ ရေငတ်​သော​သူ​သည် လာ​ပါစေ။ အလိုရှိ​သော​သူ​သည် အသက်​ရေ​ကို အခမဲ့​ယူ​ပါစေ။