ယေဇကျေလ 27:26 - မြန်မာ့စံမီသမ္မာကျမ်း တက်ခတ်သမားများသည် သင့်ကို ကျယ်ပြန့်သောသမုဒ္ဒရာထဲသို့ ဆောင်ယူသွား၍ အရှေ့လေသည် သင့်ကို သမုဒ္ဒရာအလယ်၌ ရိုက်ချိုးပစ်လေပြီ။ Common Language Bible သင့်အားလှော်ခတ်သူတို့သည်ပင်လယ်ထဲသို့ ထုတ်ဆောင်လာသောအခါ၊ အရှေ့လေသည်ပင်လယ်ထဲ၌သင့်ကို ပျက်စီးသွားစေ၏။ Garrad Bible တက် ခတ် သူ တို့ လှော် ခတ် သ ဖြင့်၊ သ မု ဒ္ဒ ရာ ဝဲ သို့ ရောက် သော သင် သည်၊ သ မု ဒ္ဒ ရာ ဗ ဟို ၌ အ ရှေ့ လေ တိုက် ၍ ပျက် လေ စွ။ Judson Bible ယခုမူကား၊ သင်၏တက်ခတ်သားတို့သည် သင့်ကို ကြီးစွာသောရေထဲသို့ ဆောင်သွား၍၊ အရှေ့လေသည်လည်း ပင်လယ်အလယ်၌ ချိုးလေပြီ။ |
ငါတို့ကြားခဲ့ရသည့်အတိုင်း ကောင်းကင်ဗိုလ်ခြေအရှင်ထာဝရဘုရား၏ မြို့တော်တည်းဟူသော ငါတို့ဘုရားသခင်၏မြို့တော်တွင် ငါတို့မြင်ရကြလေပြီ။ ဘုရားသခင်သည် ထိုမြို့တော်ကို ကာလအစဉ်အဆက်တည်စေတော်မူမည်။(စေလာ)
တာရှုသင်္ဘောတို့၊ ညည်းတွားငိုကြွေးကြလော့။ သင်တို့၏ခံတပ်သည် ဖျက်ဆီးခြင်းခံရလေပြီ။
သင်၏ကြိုးတို့သည် လျော့၍ ရွက်တိုင်ကို မြဲမြံစွာမဆွဲထားနိုင်၊ ရွက်ကိုလည်း မဖြန့်နိုင်။ ထိုအခါ သင်တိုက်ခိုက်လုယူထားသည့် ဥစ္စာပစ္စည်းများစွာတို့ကို ခွဲဝေယူကြလိမ့်မည်။ ခြေမသန်သူတို့ပင် တိုက်ရာပါပစ္စည်းကို သိမ်းယူနိုင်ကြလိမ့်မည်။
ငါသည် အရှေ့လေကဲ့သို့ သူတို့ကို ရန်သူရှေ့တွင် ကွဲလွင့်စေမည်။ သူတို့ဘေးဒုက္ခရောက်သောနေ့၌ သူတို့ကို မျက်နှာမပြ၊ ကျောခိုင်းထားမည်”ဟု မိန့်တော်မူ၏။
ဘုရားရှင်ထာဝရဘုရားက ‘လူမနေသောမြို့ကဲ့သို့ သင့်ကို တိတ်ဆိတ်ခြောက်ကပ်စေသောအခါ၊ ဟုန်းဟုန်းထသောသမုဒ္ဒရာရေဖြင့် သင့်ကို လွှမ်းမိုးစေသောအခါ
သင်ကျိုးပဲ့သွားသောနေ့တွင်ပင် သင်၏စည်းစိမ်များ၊ ကုန်စည်စလယ်များ၊ သင်္ဘောသားများ၊ မာလိန်မှူးများ၊ အပျက်အစီးပြုပြင်ဖာထေးပေးသူများ၊ ဖောက်သည်များ၊ စစ်သူရဲများနှင့်တကွ သင်၌ရှိသောလူအပေါင်းတို့သည် သမုဒ္ဒရာအောက်သို့ နစ်မြုပ်သွားကြလေပြီ။
ယခုတွင် သမုဒ္ဒရာသည် သင့်ကိုရိုက်ချိုးလေပြီ။ သင်၏ကုန်စည်နှင့် သင်၌ရှိသောလူအပေါင်းတို့သည် နက်ရှိုင်းသောသမုဒ္ဒရာထဲတွင် နစ်မြုပ်သွားကြလေပြီ။
သင့်ကို တွင်းထဲသို့ ဆွဲချပစ်မည်။ သင်သည် ပင်လယ်ပြင်တွင် အသေဆိုးနှင့်သေရမည်’ဟု ဘုရားရှင်ထာဝရဘုရားမိန့်တော်မူ၏။
သို့သော် မကြာမီအတွင်း ဥရုကလုဒုန်ဟုခေါ်သည့် လေမုန်တိုင်းသည် ကုန်းတွင်းပိုင်းမှ တိုက်ခတ်လာလေ၏။
သို့သော် သင်္ဘောသည် ဒီရေနှစ်ကြောင်းစုဆုံရာသို့ရောက်သွား၍ သောင်တင်သဖြင့် သင်္ဘောဦးသည် သောင်၌စိုက်ပြီး လှုပ်ရှား၍မရတော့ချေ။ ပဲ့ပိုင်းမှာမူ လှိုင်းလုံးများရိုက်ခတ်သဖြင့် ကျိုးပျက်လေ၏။
ထို့နောက် ထိုကောင်းကင်တမန်က “သင်မြင်ရသော ပြည့်တန်ဆာထိုင်နေသည့်ရေများသည် တိုင်းနိုင်ငံများ၊ ဘာသာစကားအမျိုးမျိုးပြောဆိုသော လူမျိုးများနှင့် လူထုပရိသတ်များဖြစ်ကြ၏။