အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




တ​ရား​ဟော 31:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

သင်​တို့​၏​ပုန်ကန်​တတ်​သော​သဘော​၊ ခေါင်းမာ​တတ်​သော​သဘော​ကို ငါ​သိ​၏​။ ယနေ့ ငါ​သည် သင်​တို့​နှင့်အတူ​အသက်ရှင်​နေ​စဉ်တွင်ပင် သင်​တို့​သည် ထာဝရဘုရား​ကို​ပုန်ကန်​ကြ​ပြီ​။ ငါ​သေ​ပြီးလျှင် ထိုထက်မက ပုန်ကန်​ကြ​လိမ့်မည်​။

အခန်းကိုကြည့်ပါ။

Common Language Bible

သူ​တို့​သည်​ခေါင်း​မာ​၍​ပုန်​ကန်​တတ်​သော သ​ဘော​ရှိ​ကြောင်း​ကို​ငါ​သိ​၏။ သူ​တို့​သည် ငါ​မ​သေ​ခင်​က​ပင်​ထာ​ဝ​ရ​ဘု​ရား​အား ပုန်​ကန်​ခဲ့​လျှင် ငါ​သေ​လွန်​ပြီး​နောက်​သာ ၍​ပုန်​ကန်​ကြ​ဦး​မည်။-

အခန်းကိုကြည့်ပါ။

Garrad Bible

ငါ သည် သင် တို့ ပုန် ကန် ခြင်း၊ နှ လုံး ခဲ ယဉ်း ခြင်း များ ကို သိ လှ လေ စွ။ ယ ခု ငါ အ သက် ရှင်၍ ပါ ရှိ လျက် ပင်၊ ထာ ဝ ရ ဘု ရား ကို ပုန် ကန် လေ့ ရှိ ကြ ပြီ။ ငါ သေ လျှင် မူ ကား၊ သာ၍ ပုန် ကန် ကြ လိမ့် မည်။

အခန်းကိုကြည့်ပါ။

Judson Bible

သင်​တို့​အ​မျိုး​သည် ပုန်​ကန်​တတ်​သော​သ​ဘော၊ ခိုင်​မာ​သော​သ​ဘော​ရှိ​ကြောင်း​ကို ငါ​သိ၏။ ငါ​အ​သက်​ရှင်၍၊ သင်​တို့​တွင်​နေ​စဉ်​အ​ခါ၊ ယ​နေ့​ပင် သင်​တို့​သည် ထာ​ဝ​ရ​ဘု​ရား​ကို ပုန်​ကန်​ကြ​ပြီ။ ငါ​သေ​သော​နောက် ထို​မျှ​မ​က​ပြု​ကြ​လိမ့်​မည်။

အခန်းကိုကြည့်ပါ။



တ​ရား​ဟော 31:27
18 ပူးပေါင်းရင်းမြစ်များ  

ယခုမှာ ဘိုးဘေး​တို့​ကဲ့သို့ သင်​တို့ ခေါင်း​မ​မာ​ကြ​နှင့်​။ ထာဝရဘုရား အစဉ်​သန့်ရှင်း​စေ​တော်မူ​သော​သန့်ရှင်းရာဌာန​တော်​သို့​လာ​၍ ဆက်ကပ်​ကြ​လော့​။ သင်​တို့​၏​ဘုရားသခင်​ထာဝရဘုရား​ကို အစေခံ​ကြ​လော့​။ သို့မှ ပြင်းထန်​သော​အမျက်​တော်​သည် သင်​တို့​ထံမှ ပြန်လှည့်​သွား​လိမ့်မည်​။


သို့သော် အကျွန်ုပ်​တို့​၏​ဘိုးဘေး​တို့​သည် အတင့်ရဲ​၍ ခေါင်းမာ​ကြ​၏​။ ကိုယ်တော်​၏​ပညတ်တော်​များ​ကို မ​နာခံ​ကြ​။


ပညတ်တရားတော်​ကို လိုက်နာ​ရန် ကိုယ်တော်​သည် သူ​တို့​ကို သတိပေး​ခဲ့​၏​။ သို့သော် သူ​တို့​သည် မာနထောင်လွှား​လျက် ကိုယ်တော်​၏​ပညတ်ချက်​တို့​ကို မ​နာခံ​ကြ​။ ‘လိုက်နာ​သော​သူ​တိုင်း အသက်ချမ်းသာ​ရာ​ရ​မည်’​ဟူသော စီရင်ထုံးဖွဲ့ချက်​များ​ကို ဆန့်ကျင်​၍ အပြစ်ပြု​ကြ​၏​။ သူ​တို့​သည် ကိုယ်တော့်​ကို ကျောခိုင်း​၍ ဆန့်ကျင်ပုန်ကန်​လျက်​၊ ခေါင်းမာ​လျက် မ​နာခံ​ဘဲ​နေ​ကြ​၏​။


သို့သော် သူ​တို့​သည် အမြင့်ဆုံး​သော​အရှင်​ကို ခြောက်သွေ့​သော​အရပ်​တွင်​ပုန်ကန်​သော​အားဖြင့် နောက်တစ်ဖန်​ထပ်၍ ကိုယ်တော်​ကို​ပြစ်မှား​ကြ​၏​။


ထိုသို့​အားဖြင့် သူ​တို့​သည် သူ​တို့​၏​ဘိုးဘေး​များ​ကဲ့သို့ ဖြစ်​ကြ​တော့​မည်​မ​ဟုတ်​။ ထို​ဘိုးဘေး​တို့​သည် ခေါင်းမာ​၍ ပုန်ကန်​တတ်​သည့်​မျိုးဆက်​၊ သူ​တို့​၏​စိတ်နှလုံး​တည်ကြည်​ခြင်း​မ​ရှိ​သကဲ့သို့ သူ​တို့​၏​ဝိညာဉ်​သည်​လည်း ဘုရားသခင်​အပေါ် သစ္စာ​မ​ရှိ​သော​မျိုးဆက်​ဖြစ်​ကြ​၏​။


အကြောင်းမူကား သူ​တို့​သည် ပုန်ကန်​တတ်​သော​လူမျိုး​၊ လိမ်ညာ​တတ်​သော​သားသမီး​များ​၊ ထာဝရဘုရား​၏​ပညတ်တရား​ကို မ​နာခံ​လို​သော သားသမီး​များ ဖြစ်​ကြ​၏​။


သင်​၏​လည်ပင်း​သည် သံချောင်း​ကဲ့သို့​၊ သင်​၏​နဖူး​သည် ကြေးဝါ​ကဲ့သို့​ဖြစ်၍ သင်​သည် ခေါင်းမာ​သော​သူ​ဖြစ်ကြောင်း ငါ​သိ​သောကြောင့်


သို့သော်လည်း ဤ​လူမျိုး​မူကား ခေါင်းမာ​၍ ပုန်ကန်​တတ်​သော​သဘော​ရှိ​၏​။ လမ်းလွဲ​၍ ထွက်သွား​ကြ​လေ​ပြီ​။


သို့သော် သူ​တို့​၏​သားသမီး​တို့​သည် ငါ့​ကို​ပုန်ကန်​ကြ​၏​။ ‘လိုက်နာ​သော​သူ​တိုင်း အသက်ချမ်းသာ​ရာ​ရ​မည်’​ဟူသော ပြဋ္ဌာန်းချက်​တို့​ကို မ​လိုက်လျှောက်​ကြ​၊ စီရင်ထုံးဖွဲ့ချက်​တို့​ကို မ​စောင့်ထိန်း​ကြ​။ ဥပုသ်နေ့​ကို​လည်း ညစ်ညူး​စေ​ကြ​၏​။ ထို့ကြောင့် တောကန္တာရ​တွင် ငါ​၏​ဒေါသ​ကို သူ​တို့​အပေါ်​သို့​သွန်ချ​၍ သူ​တို့​ကို ငါ့​အမျက်မီး လောင်ကျွမ်း​သွား​စေ​မည်​ဟု ငါ​မိန့်ဆို​ခဲ့​၏​။


ခေါင်းမာ​၍ နား​နှင့်​စိတ်နှလုံး​တို့​၌ အရေဖျား​လှီး​ခြင်း​မ​ရှိ​သော​သူ​တို့၊ သင်​တို့​သည်​လည်း သင်​တို့​၏​ဘိုးဘေး​များ​နည်းတူ သန့်ရှင်း​သော​ဝိညာဉ်​တော်​ကို အစဉ်​ဆန့်ကျင်ဘက်​ပြု​ကြ​၏။


“​ဤ​ပညတ်တရား​ကျမ်း​ကို​ယူ​၍ သင်​တို့​၏​ဘုရားသခင်​ထာဝရဘုရား​၏​ပဋိညာဉ်​သေတ္တာ​တော်​ဘေး​၌ ထား​ရ​မည်​။ သင်​တို့​ကို​ဆန့်ကျင်​သော​သက်သေ​အဖြစ် ရှိ​နေ​စေ​ရ​မည်​။


‘​သူ​တို့​ကို ငါ​မျက်နှာ​လွှဲ​မည်​။ သူ​တို့​၏​နိဂုံး​သည် မည်သို့​ဖြစ်​မည်​ကို ငါ​စောင့်ကြည့်​မည်​။ သူ​တို့​သည် ဖောက်ပြန်​တတ်​သော​မျိုးဆက်​၊ သစ္စာ​မ​ရှိ​သော​သားသမီး​များ ဖြစ်​ကြ​၏​။


တစ်ဖန် ထာဝရဘုရား​က ငါ့​အား ‘​ဤ​လူမျိုး​သည် ခေါင်းမာ​သော​လူမျိုး​ဖြစ်​သည်​ကို ငါ​မြင်​ပြီ​။


သင်​တို့​ကို ငါ​သိ​သည့်​နေ့​မှစ၍ သင်​တို့​သည် ထာဝရဘုရား​ကို​ပုန်ကန်​လျက်​ရှိ​ကြ​ပြီ​။


သင်​၏​ဘုရားသခင်​ထာဝရဘုရား​သည် ထို​သူ​တို့​ကို သင့်​ရှေ့မှောက်​မှ​နှင်ထုတ်​တော်မူ​သောအခါ သင့်​စိတ်​ထဲ၌ ‘​ထာဝရဘုရား​သည် ငါ​၏​ဖြောင့်မတ်​ခြင်း​ကြောင့် ဤ​ပြည်​ကို​ပိုင်ဆိုင်​ရန် ငါ့​ကို​ပို့ဆောင်​တော်မူ​၏​’​ဟု မ​အောက်မေ့​ရ​။ ထာဝရဘုရား​သည် ထို​လူမျိုး​တို့​ကို သူ​တို့​၏​ဆိုးယုတ်မှု​ကြောင့် သင့်​ရှေ့မှောက်​မှ နှင်ထုတ်​တော်မူ​ခြင်း​ဖြစ်​၏​။


အကယ်၍ သင်​တို့​သည် ထာဝရဘုရား​၏​စကား​တော်​ကို မ​နာခံ​ဘဲ ထာဝရဘုရား​၏​အမိန့်​တော်​ကို​ဖီဆန်​လျှင် ထာဝရဘုရား​၏​လက်​တော်​သည် သင်​တို့​၏​ဘိုးဘေး​တို့​ကို ဒဏ်ခတ်​သကဲ့သို့ သင်​တို့​ကို ဒဏ်ခတ်​တော်မူ​မည်​။