ထိုအခါ ဖာရိရှဲတို့သည် စုဝေးလျက် ယေရှုမိန့်တော်မူမည့် စကားတော်ထဲမှ အမှားကို ရှာ၍ ဖမ်းဆီးရန် တိုင်ပင်ကြ၏။
လုကာ 11:54 - ခေတ်သစ်မြန်မာ သမ္မာကျမ်း ကိုယ်တော်၏ဟောပြောတော်မူချက်များတွင်လည်း အမှားတစ်စုံတစ်ခုကို ရှာလျက်နေကြ၏။ Common Language Bible နှုတ်တော်ထွက်စကားတွင်အမှားရှာရန် များစွာသောအကြောင်းအရာတို့ကိုမေး မြန်းကြ၏။ Judson Bible ချောင်းမြောင်းလျက် စကားတော်ကိုဖမ်းခြင်းငှာ ရှာကြံလျက်၊ ကျပ်ကျပ်တိုက်တွန်း၍ အရာရာတို့၌ မေးစစ်ကြ၏။ မြန်မာ့စံမီသမ္မာကျမ်း နှုတ်တော်ထွက်စကားတစ်စုံတစ်ခုဖြင့် ကိုယ်တော်ကိုအပြစ်ရှာနိုင်ရန် ချောင်းမြောင်းနေကြ၏။ မြန်မာ ချောင်းမြောင်းလျက် စကားတော်ကိုဖမ်းခြင်းငှာ ရှာကြံလျက်၊ ကျပ်ကျပ်တိုက်တွန်း၍ အရာရာတို့၌ မေးစစ်ကြ၏။ |
ထိုအခါ ဖာရိရှဲတို့သည် စုဝေးလျက် ယေရှုမိန့်တော်မူမည့် စကားတော်ထဲမှ အမှားကို ရှာ၍ ဖမ်းဆီးရန် တိုင်ပင်ကြ၏။
သို့သော်လည်း ယေရှုသည် ထိုသူတို့၏ ဆိုးညစ်သောအကြံအစည်ကို သိတော်မူသဖြင့် “သူတော်ကောင်းယောင်ဆောင်သူတို့… သင်တို့သည် အဘယ်ကြောင့်ငါ့ကို ထောင်ချောက်ဆင်ဖမ်းရန် ကြိုးစားကြသနည်း။
ထို့နောက် သူတို့သည် ကိုယ်တော်၏ စကားတော်ထဲတွင် ဖမ်းဆီးရနိုင်သည့် အမှားမျိုးကို ရှာရန် ဖာရိရှဲတချို့နှင့် ဟေရုဒ်ဘက်တော်သားများကို ကိုယ်တော်ထံသို့ စေလွှတ်ကြ၏။
ဖာရိရှဲတို့သည် ယေရှုကို ပြစ်တင်စွပ်စွဲလိုသဖြင့် ယေရှုသည် ဥပုသ်နေ့တွင် ထိုသူအား ကုသမည်၊ မကုသမည်ကို စောင့်ကြည့်နေကြ၏။
ယေရှုသည် အပြင်သို့ ထွက်တော်မူစဉ် ကျမ်းတတ်ဆရာများနှင့် ဖာရိရှဲတို့သည် ယေရှုကို အလွန်ရန်လိုမုန်းတီးသဖြင့် အကြောင်းအရာများစွာနှင့်ပတ်သက်၍ စစ်ဆေးမေးမြန်းခြင်းများ ပြုလာကြ၏။
ထို့ကြောင့် သူတို့သည် ယေရှုကို အထူးစောင့်ကြည့်လျက် နေကြ၏။ စကားတော်ထဲမှလည်း အပြစ်ရှာ၍ အစိုးရအာဏာပိုင်လက်သို့ အပ်နိုင်ရန် သူတော်ကောင်းယောင်ဆောင်ထားသော သူလျှိုများကို စေလွှတ်ထားကြ၏။
ထိုသူတို့သည် လူများရှေ့တွင် ယေရှု၏စကားတော်ထဲမှ အပြစ်ရှာမရသည့်အပြင် မိန့်တော်မူသောအဖြေစကားကြောင့် အံဩ၍ တိတ်ဆိတ်နေကြ၏။
ထို့ကြောင့် သူတို့တောင်းဆိုချက်အတိုင်း မလိုက်လျောပါနှင့်။ အဘယ်ကြောင့်ဆိုသော် သူတို့ထဲမှ လူလေးဆယ်ကျော်သည် ပေါလုကို ချောင်းမြောင်းသတ်ပစ်ရန် စောင့်နေကြသောကြောင့်ဖြစ်၏။ သူတို့သည် ပေါလုကိုမသတ်ရမချင်း မစားမသောက်ဘဲနေရန် သစ္စာဆိုထားကြပါ၏။ ယခု သူတို့သည်အဆင်သင့်ရှိ၍ တပ်မှူးကြီး၏သဘောတူညီချက်ကို စောင့်ဆိုင်းနေကြသည်” ဟု လျှောက်လေ၏။