ယုဒသည် ယဇ်ပုရောဟိတ်ခေါင်းဆောင်များနှင့် ဗိမာန်တော်အစောင့်တို့၏ခေါင်းဆောင်များထံ သွား၍ ယေရှုကို မည်သည့်နည်းဖြင့် သူတို့လက်သို့ အပ်ရမည်ကို တိုင်ပင်၏။
တမန်တော်ဝတ္ထု 5:24 - ခေတ်သစ်မြန်မာ သမ္မာကျမ်း ထိုစကားကိုကြားသောအခါ ဗိမာန်တော်တပ်မှူးနှင့် ယဇ်ပုရောဟိတ်ခေါင်းဆောင်များသည် စိတ်ရှုပ်ထွေးကာ မည်သည့်အမှုဆက်ဖြစ်လာမည်ကို တွေးတောလျက်နေကြ၏။ Common Language Bible ထိုစကားကိုကြားလျှင်ဗိမာန်တော်အစောင့် တပ်မှူးနှင့်ယဇ်ပုရောဟိတ်ကြီးတို့သည် ``ဤ အမှုကားအဘယ်သို့ဖြစ်ပါလိမ့်မည်နည်း'' ဟုတွေးတောကြ၏။- Garrad Bible ထို စ ကား ကို ဗိ မာန် တော် မ ဟာ ဒါန် ဝန် နှင့် ပ ရော ဟိတ် ကြီး တို့ ကြား သော်၊ အ ဖြစ် အ ပျက် အ ကြောင်း တွေး တော လျက် နေ ကြ စဉ်၊ Judson Bible ယဇ်ပုရောဟိတ်မင်းနှင့် ဗိမာန်တော်မှူးအစရှိသော ယဇ်ပုရောဟိတ်အကြီးတို့သည် ထိုစကားကို ကြားလျှင်၊ ထိုအမှုသည် အဘယ်သို့သောအမှု ဖြစ်လိမ့်မည်နည်းဟူ၍ တွေးတောခြင်းရှိကြ၏။- မြန်မာ့စံမီသမ္မာကျမ်း ဗိမာန်တော်အစောင့်တပ်မှူးနှင့်ယဇ်ပုရောဟိတ်အကြီးအကဲတို့သည် ထိုစကားကိုကြားလျှင် ဤအမှုသည် မည်သို့ဖြစ်လိမ့်မည်နည်းဟု တမန်တော်တို့နှင့်ပတ်သက်၍ ဝေခွဲမရဖြစ်ကြလေ၏။ |
ယုဒသည် ယဇ်ပုရောဟိတ်ခေါင်းဆောင်များနှင့် ဗိမာန်တော်အစောင့်တို့၏ခေါင်းဆောင်များထံ သွား၍ ယေရှုကို မည်သည့်နည်းဖြင့် သူတို့လက်သို့ အပ်ရမည်ကို တိုင်ပင်၏။
ထို့နောက် ယေရှုသည် မိမိအားဖမ်းဆီးရန် ရောက်ရှိလာသော ယဇ်ပုရောဟိတ်ခေါင်းဆောင်များ၊ ဗိမာန်တော်အစောင့်များ၏ခေါင်းဆောင်များနှင့် အကြီးအကဲများအား “ဓားပြတစ်ဦးကို ဖမ်းဆီးသကဲ့သို့ ငါ့ကိုဖမ်းဆီးရန် တုတ်များ၊ ဓားများနှင့် လာကြရသလော။
ထိုအခါ ဖာရိရှဲတို့က “ငါတို့ မည်သို့မျှမတတ်နိုင်တော့ပါ။ တစ်လောကလုံးသည် သူ့နောက်သို့ လိုက်သွားကြပြီ” ဟု အချင်းချင်းပြောဆိုကြ၏။
ထိုလူအပေါင်းတို့သည် အံ့ဩတွေဝေလျက် “ဤအခြင်းအရာသည် မည်သည့်အရာကို ဆိုလိုသနည်း” ဟူ၍ အချင်းချင်းပြောဆိုကြ၏။
ပေတရုနှင့် ယောဟန်တို့သည် လူတို့အား တရားဟောလျက်နေစဉ် ဗိမာန်တော်အစောင့်တပ်မှူးအပါအဝင် ယဇ်ပုရောဟိတ်များနှင့် ဇဒ္ဒုကဲတို့သည် သူတို့ထံသို့ ရောက်လာကြ၏။
တရားလွှတ်တော်အဖွဲ့ဝင်တို့သည်လည်း တမန်တော်တို့ကို ထပ်မံခြိမ်းခြောက်သတိပေး၍ လွှတ်လိုက်ကြ၏။ လူအပေါင်းတို့သည် ဖြစ်ပျက်ခဲ့သောအရာအတွက် ဘုရားသခင်ကို ချီးမွမ်းကြသောကြောင့် တရားလွှတ်တော်အဖွဲ့ဝင်တို့သည် တမန်တော်တို့အား ပြစ်ဒဏ်ပေးရန် နည်းလမ်းရှာမတွေ့ကြပေ။
“ထောင်ကို လုံခြုံစွာ သော့ခတ်လျက် တံခါးရှေ့တွင်လည်း အစောင့်များရပ်နေကြသည်ကို ကျွန်ုပ်တို့တွေ့ခဲ့ပါ၏။ သို့သော် ထောင်တံခါးကို ဖွင့်ကြည့်သောအခါ အထဲတွင် မည်သူ့ကိုမျှ မတွေ့ပါ” ဟု ပြန်ပြောကြ၏။
ထို့နောက် လူတစ်ဦးသည် ရောက်လာပြီးလျှင် “သင်တို့ ထောင်အတွင်း၌ ထည့်ထားသောသူတို့သည် ဗိမာန်တော်၌ရပ်လျက် လူတို့အား ဟောပြောသွန်သင်နေကြ၏” ဟု သတင်းပို့လေ၏။
ထို့နောက် ဗိမာန်တော်တပ်မှူးသည်အစောင့်တပ်သားများနှင့်အတူ သွားကြပြီးလျှင် တမန်တော်တို့ကို ခေါ်ဆောင်လာကြ၏။ သို့သော်လည်း လူတို့သည် မိမိတို့အား ကျောက်ခဲနှင့် ပေါက်သတ်မည်ကိုကြောက်သောကြောင့် တမန်တော်တို့ကို အကြမ်းမဖက်ကြ။