ဂလာတိ 5:26 - ခေတ်သစ်မြန်မာ သမ္မာကျမ်း ဘဝင်မြင့်ခြင်း၊ အချင်းချင်းအမျက်ကိုနှိုးဆော်ခြင်း၊ အချင်းချင်းမနာလိုခြင်းတို့မရှိဘဲ နေကြစို့။ Common Language Bible ငါတို့သည်မာန်မာနမရှိရ။ အချင်းချင်း အမျက်ထွက်အောင်မဆွရ။ မနာလိုခြင်း မရှိရ။ Garrad Bible တစ် ယောက် ကို တစ် ယောက် အ မျက် တိုက် ခြင်း၊ ငြူ စူ ခြင်း များ ကို ရှောင် လျက် ဝါ ကြွား ခြင်း ကင်း လျက် နေ ကြ ကုန် အံ့။ Judson Bible အချည်းနှီးသော ကျော်စောကိတ္တိကို တပ်မက်ခြင်း၊ အချင်းချင်း ချုပ်ချယ်နှောင့်ယှက်ခြင်း၊ အချင်းချင်း ငြူစူခြင်းတို့ကို ရှောင်၍နေကြကုန်အံ့။ မြန်မာ့စံမီသမ္မာကျမ်း စိတ်ကြီးဝင်၍ အချင်းချင်းရန်လိုသောစိတ်၊ အချင်းချင်းမလိုမုန်းထားသောစိတ်မရှိဘဲနေကြကုန်စို့။ |
သို့ဖြစ်၍ သင်သည် ဖိတ်ခေါ်ခြင်းခံရသောအခါ နောက်ဆုံးနေရာ၌သာ ထိုင်လော့။ ထိုသို့ပြုလျှင် ပွဲရှင်သည် သင့်ကို မြင်သောအခါ ‘မိတ်ဆွေ… ရှေ့၌ နေရာရှိပါသည်’ ဟူ၍ ပြောလိမ့်မည်။ ထိုအခါ သင်နှင့်အတူထိုင်သော ဧည့်သည်အားလုံး ရှေ့တွင် သင်သည် ဂုဏ်အသရေရှိလိမ့်မည်။
မျိုးစေ့စိုက်သူနှင့် ရေလောင်းသူတို့သည် အဓိကမဟုတ်ပေ။ အပင်ကို ကြီးထွားစေတော်မူသော ဘုရားသခင်သာလျှင် အဓိကဖြစ်၏။
သို့သော် သင်တို့သည် အချင်းချင်း ကိုက်ဖြတ်ဝါးမျိုကြလျှင် အချင်းချင်းကြောင့် ပျက်စီးသွားမည်ဖြစ်၍ သတိပြုကြလော့။
ထို့ပြင် ဖိလိပ္ပိမြို့သူမြို့သားတို့… သတင်းကောင်းကို သင်တို့ စတင်ကြားသိချိန်၊ မာကေဒေါနိပြည်မှ ကျွန်ုပ်ထွက်လာသောအချိန်၌ သင်တို့သာလျှင် ငွေကြေးလှူဒါန်းခြင်းဖြင့် ပါဝင်ကူညီခဲ့ကြ၏။ အခြားမည်သည့် အသင်းတော်ကမျှ မလှူဒါန်းခဲ့ကြောင်း သင်တို့သိကြ၏။
ယခုတွင်မူ သင်တို့သည် လုပ်ဆောင်မည့်အစီအစဉ်အကြောင်း မာနထောင်လျက် ကြွားဝါတတ်ကြ၏။ ထိုသို့သော ကြွားဝါခြင်းမှန်သမျှသည် မကောင်းမှုဖြစ်၏။
ထိုနည်းတူ ငယ်ရွယ်သောသူတို့… အသင်းတော်အကြီးအကဲတို့ကို နာခံကြလော့။ တစ်ဦးကိုတစ်ဦး အချင်းချင်း ဆက်ဆံရာ၌ နှိမ့်ချသောစိတ်ကို တန်ဆာဆင်ကြလော့။ အဘယ်ကြောင့်ဆိုသော် ကျမ်းစာ၌ “မာနထောင်လွှားသောသူတို့ကို ဘုရားသခင်သည် ဆန့်ကျင်၍ နှိမ့်ချသောသူတို့ကို ကျေးဇူးပြုတော်မူ၏” ဟု ဆိုထားသောကြောင့်ဖြစ်၏။