Nehemia 7 - Baiboly Katolika

¹ Nony vita ny manda ka efa nalatsako ny lela vavahady, dia ny mpiandry varavarana, ny mpihira, ny levita no napetraka hiambina.

² Ary i Hananì rahalahiko sy i Anania lehiben’ny rova no nomeko fahefana amin’i Jerosalema, fa lehilahy mahatoky sy mahatahotra an’Andriamanitra mihoatra noho ny maro izy.

³ Dia hoy aho tamin’izy ireo: «Aza vohaina ny vavahadin’i Jerosalema mandra-pahatongan’ny hafanan’ny masoandro, ary ny hariva dia ny mbola eo ny mpiambina no hanidiana ny vavahady sy hametrahana ny barany, ary amin’ny alina, dia hanendrena mpiambina ny mponina eto Jerosalema samy hatao amin’ny anjara toerany ny tandrifin’ny tranony avy.»

Nonenana indray i Jerosalema

⁴ Sady malalaka no lehibe ny tanàna, nefa vitsy ny mponina eo afovoany, sady mbola tsy voaorina indray ny trano.

⁵ Ka nomen’Andriamanitra hevitra aho hamory ny lehibe sy ny andriambaventy mbamin’ny vahoaka, mba hakana ny isany. Ary nahita boky nanoratana ny firazanan’izay niakatra voalohany aho, ka izao no hitako voasoratra ao:

Anaran’ireo Siônista voalohany sy isany

⁶ Ireto ny ambanivohitra avy nasesitany izay nentin’i Nabokodonozora, mpanjakan’i Babilôna, ho babo ary niverina ho any Jerosalema sy i Jodà, samy any an-tanànany avy;

⁷ dia ireo niara-niverina tamin’i Zôrôbabela, i Jôsoe, i Nehemia, i Azariasa, i Raamiasa, i Nahamanì, i Mardokea, i Belsàna, i Mesfarata, i Beboaì, i Nahoma, i Baanà. Izao no isan’ny lehilahy tamin’ny vahoakan’i Israely:

⁸ nisy 2.172 ny taranak’i Farosa;

⁹ nisy 372, ny taranak’i Safatiasa;

¹⁰ nisy 652, ny taranak’i Areà;

¹¹ nisy 2.818, ny taranak’i Fahata-Moaba, avy amin’ny taranak’i Jôsoe sy i Jôaba;

¹² nisy 1.254, ny taranak’i Elama;

¹³ nisy 845 ny taranak’i Zetoà;

¹⁴ nisy 760, ny taranak’i Zakaì;

¹⁵ nisy 648, ny taranak’i Banaì;

¹⁶ nisy 628 ny taranak’i Bebaì;

¹⁷ nisy 2.322, ny taranak’i Azgada;

¹⁸ nisy 667 ny taranak’i Adônikama;

¹⁹ nisy 2.067 ny taranak’i Begoai;

²⁰ nisy 655 ny taranak’i Adìna;

²¹ nisy 98, ny taranak’i Atera, zanak’i Ezekiasa;

²² nisy 328 ny taranak’i Hasema;

²³ nisy 324 ny taranak’i Besaì;

²⁴ nisy 112, ny taranak’i Harefa;

²⁵ nisy 95, ny taranak’i Gabaôna;

²⁶ nisy 188, ny mponina tao Betlehema sy i Netôfa;

²⁷ nisy 128 ny mponina tao Anatôta;

²⁸ nisy 42 ny mponina tao Beta-Azmôta;

²⁹ nisy 743 ny mponina tao Kariatiarima sy i Kefirà ary i Berôta;

³⁰ nisy 621, ny mponina tao Ramà sy i Gabaà;

³¹ nisy 122 ny mponina tao Makmasa;

³² nisy 123 ny mponina tao Betela sy i Haì;

³³ nisy 52 ny mponina tao amin’ny Nebao anankiray;

³⁴ nisy 1.254 ny taranak’i Elama anankiray;

³⁵ nisy 320 ny taranak’i Harema;

³⁶ nisy 345 ny zanak’i Jerikô;

³⁷ nisy 721 ny zanak’i Loda sy i Hadida ary i Onô;

³⁸ ary nisy 3.930, ny zanak’i Senaà.

³⁹ Mpisorona: 973 ny taranak’i Idaiasa, avy amin’ny fianakavian’i Jôsoe;

⁴⁰ nisy 1.052 ny taranak’i Emera;

⁴¹ nisy 1.247 ny taranak’i Faseora;

⁴² ary nisy 1.017 ny taranak’i Arema.

⁴³ Levita: 74 ny taranak’i Josoe sy i Kedmiela avy amin’ny taranak’i Odoiasa.

⁴⁴ Mpihira: 148 ny taranak’i Asafa.

⁴⁵ Mpiandry varavarana: 138 ny taranak’i Seloma, ny taranak’i Atera, ny taranak’i Telmôna, ny taranak’i Akoba, ny taranak’i Hatita ny taranak’i Sôbay.

⁴⁶ Natineanina: ny taranak’i Sohà, ny taranak’i Hasofà, ny taranak’i Tebaôta;

⁴⁷ ny taranak’i Kerôsa, ny taranak’i Sià, ny taranak’i Fadôna;

⁴⁸ ny taranak’i Lebàna, ny taranak’i Hagabà;

⁴⁹ ny taranak’i Selmay, ny taranak’i Hanàna, ny taranak’i Gedela, ny taranak’i Gahera,

⁵⁰ ny taranak’i Raaiasa, ny taranak’i Rasìna, ny taranak’i Nekôdà,

⁵¹ ny taranak’i Gezema, ny taranak’i Azà, ny taranak’i Faseà, ny taranak’i Besea,

⁵² ny taranak’i Monima, ny taranak’i Nefosima;

⁵³ ny taranak’i Bakboka, ny taranak’i Hakofà;

⁵⁴ ny taranak’i Harora, ny taranak’i Beslota, ny taranak’i Mahidà, ny taranak’i Harsà,

⁵⁵ ny taranak’i Berkôsa, ny taranak’i Sisarà, ny taranak’i Temà,

⁵⁶ ny taranak’i Nasià, ny taranak’i Hatifà.

⁵⁷ Taranaky ny mpanompon’i Salômôna: ny taranak’i Sôtaì, ny taranak’i Sôfereta,

⁵⁸ ny taranak’i Faridà, ny taranak’i Jahalà, ny taranak’i Darkôna, ny taranak’i Jedela,

⁵⁹ ny taranak’i Safatiasa, ny taranak’i Hatilà, ny taranak’i Fôkereta-Asebaima, ny taranak’i Amôna.

⁶⁰ Ary nisy 392 no tontalin’ny Natineanina sy ny taranaky ny mpanompon’i Salômôna.

⁶¹ Izao no nandeha niala tany Tel-Melà, Tel-Harsà, Keroba, Adaona, ary Emera, izay tsy nahalaza ny fianakavian-drainy amam-pirazanany, hanamarina ny maha-Israely azy:

⁶² ny taranak’i Dalaisa, ny taranak’i Tobia, ny taranak’i Nekôdà, 642.

⁶³ Ary ny tamin’ny mpisorona dia ny taranak’i Hôbià, ny taranak’i Akôsa, ny taranak’i Berzelai, izay naka ho vady ny anankiray tamin’ny zanaka vavin’i Berzelai, Galaadita, ka dia nantsoina amin’ny anarany.

⁶⁴ Nikaroka ny taratasy vavolombelon’ny firazanany izy ireo, fa tsy nahita, ka dia nolazaina ho tsy madio, tsy mahatana ny fisoronana;

⁶⁵ ary noraran’ny governora tsy hihinana ny zavatra masina indrindra izy ireo, mandra-pitsangan’izay mpisorona hanontany amin’Andriamanitra, amin’ny Orima sy ny Tomima.

⁶⁶ Ary nisy 42.360 no tontalin’ny fiangonana rehetra,

⁶⁷ afa-tsy ny mpanompony, lahy amana vavy, izay nisy 7.337. Nisy mpihira, lahy amana vavy, 200 tamin’izy ireo.

⁶⁸ Ary izao no nananany: soavaly 736, mole 245,

⁶⁹ rameva 435, ary ampondra 6.720.

⁷⁰ Maro tamin’ny loham-pianakaviana no nanao fanomezana, hanaovana ny asa. Ny governora nanome darìka volamena 1.000, kopy 50, akanjom-pisoronana 530, hatao amin’ny rakitra.

⁷¹ Ny sasany amin’ny loham-pianakaviana nanome darìka volamena 20.000, mina volafotsy 2.200, hatao amin’ny rakitra hanaovana ny asa.

⁷² Ny vahoaka sisa kosa nanome darìka volamena 20.000, mina volafotsy 2.000, ary akanjom-pisoronana 67.

⁷³ Dia toy izany no nahatafapetraka tamin’ny tanànany avy ny mpisorona sy ny levita, ny mpihira, ny mpiandry varavarana, ny olona amin’ny ankapobem-bahoaka, ny Natineanina, ary i Israely rehetra.