Zakaria 10:4 - DIEM PROTESTANTA

⁴ Avy ao aminy no hipoiran’ny filoha rehetra izay azo antoka toy ny vatofehizoro, matotra toy ny tsatokan-day, ary hentitra toy ny tsipîkan’ady.

Baiboly Protestanta Malagasy 2011

⁴ Avy ao aminy no hiavian’ny vato fehizoro, avy ao aminy no hiavian’ny tsatòkan’ny tranolay, avy ao aminy no hiavian’ny tsipìka fiadiana, avy ao aminy no hiavian’ny mpitarika rehetra.

Dikateny Iombonana Eto Madagasikara

⁴ Avy ao aminy no hipoiran’ny filoha rehetra izay azo antoka toy ny vatofehizoro, matotra toy ny tsatokan-day, ary hentitra toy ny tsipîkan’ady.

Baiboly Katolika

⁴ Avy aminy no hiavian’ny antoko-miaramila, avy aminy ny orin-kazo, avy aminy ny tsipìka fiadiana; avy aminy avokoa no hivoahan’ny filoha rehetra.

Baiboly Protestanta Malagasy

⁴ Avy ao aminy no hihavian’ny fehizoro, Avy ao aminy no hihavian’ny fihantonan-javatra, Avy ao aminy no hihavian’ny tsipìka fiadiana, Avy ao aminy no hihavian’ny mpampahory rehetra.

Malagasy Bible

⁴ Avy ao aminy no hihavian'ny fehizoro, Avy ao aminy no hihavian'ny fihantonan-javatra, Avy ao aminy no hihavian'ny tsipìka fiadiana, Avy ao aminy no hihavian'ny mpampahory rehetra.

La Bible en Malgache

⁴ Avy ao aminy no hiavian’ny vato fehizoro, avy ao aminy no hiavian’ny tsatòkan’ny tranolay, avy ao aminy no hiavian’ny tsipìka fiadiana, avy ao aminy no hiavian’ny mpitarika rehetra.

Zakaria 10:4 Rohy Ifampitohizana

Genesisy 49:24

Kanjo nateza mafy ny tsipîkan’i Jôsefa, ary kinga hatrany ny sandry aman-tanany. Noho ny fiarovan’ilay Andriamanitra maherin’i Jakôba, noho ny anaran’ilay Mpiandry izay vatolampy iankinan’i Israely,

Ezra 9:8

Kanefa ankehitriny, ry TOMPO Andriamanitray ô, no fotoanandro nanehoanao famindrampo taminay, ka navelanao ho nisy sisa afaka izahay ary hiorim-ponenana eto amin’ity faritrao masina ity; dia nampamirapiratinao ny masonay ary nataonao velombelona kely ny ainay ao anatin’izao fahandevozanay izao.

Salamo 118:22

Ny vato nolavin’ny mpanao trano no efa tonga vatofehizoro.

Isaia 19:13

Lasa adala ny printsin’i Tsôhàna ary tena voafitaka ny ao Memfisa; ireo filohan’ny faritaniny ireo ihany no nampivembena an’i Ejipta.

Isaia 28:16

Koa izao no lazain’ny Tompo ANDRIANANAHARY: «Indro Aho hametraka vato iray ao Tsiôna mba hizahan-toetra anareo, dia vato fehizoro sarobidy natao ho fanorenana mafy; ka izay matoky azy tsy hihontsina.

Isaia 49:2

Nataony toy ny sabatra maranitra ny teniko, sady arovany ao ambany aloky ny tanany aho; nataony toy ny zana-tsipîka voarangitra tsara aho ka voaafiny tao amin’ny tranon-jana-tsipîkany.

Isaia 54:16

Jereo fa Izaho ihany no nahary ny mpanefy izay mifofotra ny afon’arina ka mahavita fitaovam-piadiana hampiasaina amin’izay ilana azy; nefa Izaho ihany koa no nahary ny mpandrava izay hamotika izany fitaovam-piadiana izany.

Jeremia 1:18

Manomboka izao dia hataoko mafy toy ny tanànamimanda ianao sy toy ny andry vy ary toy ny manda varahina raha mifanandrina amin’ny mponina rehetra eto amin’ny tany amin’ny mpanjakan’i Joda sy ireo mpitondra fanjakana sy ny mpisorona ary ny sarambabem-bahoaka ao amin’ny tany.

Jeremia 51:20

«Ry Babilôna, hoy ny Tompo, kanonta sy fitaovam-piadiana ho Ahy ianao. Ianao no nampiasaiko hanorotoroana firenena sy hanapotehana fanjakana maro.

Zakaria 9:10

Hofoanany tsy ho ao Efraîma intsony ny kalesy ary tsy ho ao Jerosalema ny soavaly fitondra miady Hopotehiny ny tsipîkan’ady ary hilaza fiadanana amin’ny firenena Izy. Ny fifehezany dia hatreo amin’ny ranomasina iray ka hatrany amin’ny ranomasina iray hafa, ary hatreo amin’ny onin’i Eofrata ka hatrany am-paran’ny tany.

Zakaria 9:8

Hiambina manodidina ny taniko Aho mba hiaro azy amin’ireo tafika izay mihaodihaody mandalo; ka tsy hisy intsony hamaky eo hampahory ny vahoakako fa efa hitako ankehitriny ny fahoriany.»

Nomery 24:17

«Izao no hitako, saingy tsy mbola ankehitriny no hisehoany; izao no tazako, saingy mbola any aoriana lavitra no hitrangany; Misy kintana mipoitra avy amin’ny taranak’i Jakôba, misy mpanjaka mipongatra avy amin’ny Israelita ka ny tehim-panjakàny no mamely ny fihirifan’ny Môabita sy ny lohan’ny mpanakorontana rehetra.

Matio 9:38

Koa angataho ny Tompom-bokatra mba haniraka mpiasa hamory ny vokany.

Lioka 20:17

Fa nojeren’i Jesoa ry zareo sady nataony hoe: –Inona àry no dikan’ity andinin’ny Soratra Masina ity: «Ny vato nolavin’ny mpanao trano no nanjary vato fehizoro»?

Efesiana 2:20

Taotrano najoron’Andriamanitra ianareo, ka ny fanorenana dia ny apôstôly sy ny mpaminany; ary i Kristy Jesoa mihitsy no vato fehizoro.

2Timoty 2:4

Ny miaramila miantafika dia tsy maningo-tena amin’ny raharaha fanaom-bahoaka, raha te hankasitrahin’izay mandatsaka azy hiantafika.

1Petera 2:6

Fa izao no voalaza ao amin’ny Soratra Masina: «Indro Aho mametraka vatofehizoro ao Tsiôna, dia vato voafidy sady sarobidy; ary izay mino Azy tsy mba hangaihay.»

Apokalipsy 17:14

Hiady amin’ny Zanakondry izy rehetra, nefa haharesy azy ny Zanakondry satria Izy no Tompon’ny tompo sy Mpanjakan’ny mpanjaka; ary haharesy miaraka amin’ny Zanakondry koa ireo olona voaantso sy voafidy, dia ireo mpino Azy.

1Samoela 14:38

Dia hoy i Saoly tamin’ny filohan’ny vahoaka: –Avia atỳ ianareo rehetra ka fantaro tsara izay fahotana natao androany.