Obadia 1:7 - DIEM PROTESTANTA

⁷ Ny olona rehetra izay nanao fifanekena taminao no mandroaka anao hatrany ivelan’ny sisin-taninao. Ny olona tsara fihavanana taminao no mamitaka anao ka naharesy anao. Ireo niara-nisakafo taminao no mamela-pandrika eo amin’ny lalan-kodiavinao. Ka hoy ireo ny aminao hoe: ‹Tsy misy matsilo saina intsony ao aminy›.

Baiboly Protestanta Malagasy 2011

⁷ Ny olona rehetra izay vita fanekena taminao no nandroaka anao hatrany amin’ny sisintany; izay tsara fihavanana aminao no namitaka ka naharesy anao; izay mihinana ny haninao no nanao vela-pandrika ao ambaninao. Tsy misy fisainana intsony ao aminy.

Dikateny Iombonana Eto Madagasikara

⁷ Ny olona rehetra izay nanao fifanekena taminao no mandroaka anao hatrany ivelan’ny sisin-taninao. Ny olona tsara fihavanana taminao no mamitaka anao ka naharesy anao. Ireo niara-nisakafo taminao no mamela-pandrika eo amin’ny lalan-kodiavinao. Ka hoy ireo ny aminao hoe: ‹Tsy misy matsilo saina intsony ao aminy›.

Baiboly Katolika

⁷ Nanosika anao hatrany an-tsisin-tany avokoa, ireo vita fanekena taminao; namazivazy anao, naharesy anao ireo izay nifaly tamin’ny fihavanany aminao; ry zareo nihinana ny haninao, namela-pandrika eo ambanin’ny dianao. Tsy misy saina azo aminy.

Baiboly Protestanta Malagasy

⁷ Ny olona rehetra izay vita fanekena taminao no nampandeha anao hatramin’ny sisin-tany; Izay tsara fihavanana aminao no namitaka ka naharesy anao; Izay mihinana ny haninao no namela-pandrika ao ambaninao– Tsy misy fahalalana ao aminy;

Malagasy Bible

⁷ Ny olona rehetra izay vita fanekena taminao no nampandeha anao hatramin'ny sisin-tany; Izay tsara fihavanana aminao no namitaka ka naharesy anao; Izay mihinana ny haninao no namela-pandrika ao ambaninao Tsy misy fahalalana ao aminy!

Obadia 1:7 Rohy Ifampitohizana

Salamo 41:10

Na dia ny sakaiza tiako indrindra aza, izay nitokiako ka niara-nihinana tamiko, dia nanjary nitsangana hanohitra ahy.

Salamo 41:9

Hoy ireo hoe: «Voan’ny aretin-dratsy io ka milamaka tsy ho tafarina intsony!»

Isaia 27:11

Rehefa maina ny rantsan-kazo, dia hotapahina; ary ho avy ny vehivavy ka handoro azy. Tsy manam-pahalalana tokoa ity firenena ity ka tsy hiantran’ilay Mpahary azy, sady tsy hangorahan’ilay Mpamorona azy.

Jeremia 20:10

Reko ny besinimaro miteny ratsy ahy ka manome anaram-bosotra hoe: «Fihorohoroana hatraiza hatraiza.» «Torio izy», hoy ny sasany; «Eny, hotorintsika izy», hoy ny hafa. Ireo sakaiza tiako indrindra aza dia miandry kendry tohina hahavoa ahy: «Izay angamba no hahavoafitaka azy sy haharesentsika azy, hoy ireo, ka hisamborantsika azy hanaovana valifaty

Jeremia 30:14

Manadino anao avokoa ireo sakaizanao ary tsy misy miahy anao mihitsy; satria Izaho no nikapoka anao toy ny fahavalo namely anao, ka nofaiziko mafy ianao.

Jeremia 38:22

Ny vehivavy rehetra izay tafajanona ao an-dapan’ny mpanjaka dia hoentina eo amin’ny manamboninahitry ny mpanjakan’i Babilôna, ka hanao izao hira izao ny aminao hoe: Nangolen’ireo sakaiza tianao ianao ka roboka! Fa nony tafalatsaka tao amin’ny honahona ny tongotrao, dia nilaozany nandositra ianao!

Jeremia 4:30

Ary inona ity ataonao, ry Jerosalema? Na miakanjo marevaka aza ianao sy miravaka volamena sady manao manja maso, dia tsy misy ilana ny hatsaran-tarehinao. Fa harian’ireo lehilahy naka anao ianao, sady tadiaviny hovonoina ho faty.

Jeremia 49:7

Fanambarana momba an’i Edôma. Izao no lazain’ny TOMPOn’izao rehetra izao: Tsy misy olon-kendry intsony ve ao Temàna? Efa very saina ve ireo matsilo saina? Sa efa vasoka ny fahendreny?

Fitomaniana 1:19

Niantso ireo tia ahy taloha aho, nefa nilaozany fotsiny. Niala aina tao an-tanàna ny mpisoroko sy loholoko raha iny mbola nitady hanina hampodîna hery iny.

Hosea 13:13

Tahaka ny an’ny vehivavy hiteraka no fanaintainana mahazo azy. Kanefa dia zaza adaladala: tsy mety mivoaka avy ao an-kibo izy, na dia efa tonga aza ny fotoany.

Hosea 7:11

I Efraîma dia tahaka ny domohina izay adaladala sady tsy manan-tsaina; miantso an’i Ejipta izy, ary mankany Asiria.

Jaona 13:18

Tsy ho anareo rehetra no itenenako, satria fantatro izay nofidiko; kanefa aoka ho tanteraka ny tenin’ny Soratra Masina hoe: «Ilay miara-mihina-mofo amiko no nanainga ny ombalahin-tongony hamely Ahy.»