Nomery 18:3 - DIEM PROTESTANTA

³ hanompo anao sy hikarakara ny Tranolay manontolo izy, nefa tsy hanakaiky ny fanaky ny Toeramasina sy ny alitara fandrao maty na ny tenany na ny tenanareo.

Baiboly Protestanta Malagasy 2011

³ Dia hitandrina ny anjara raharahanao sy ny anjara raharaha rehetra momba ny tranolay izy ireo; kanefa ny fanaky ny fitoerana masina sy ny alitara dia tsy mba hakaikeziny, fandrao ho faty izy ireo sy ny tenanareo koa.

Dikateny Iombonana Eto Madagasikara

³ hanompo anao sy hikarakara ny Tranolay manontolo izy, nefa tsy hanakaiky ny fanaky ny Toeramasina sy ny alitara fandrao maty na ny tenany na ny tenanareo.

Baiboly Katolika

³ Hanatanteraka ny fanompoanao sy ny fanompoana momba ny trano lay rehetra izy, nefa tsy hanakaiky ny fanaky ny fitoerana masina na ny an’ny ôtely, fandrao maty ianareo, dia izy sy ianareo.

Baiboly Protestanta Malagasy

³ Dia hitandrina ny anjara-raharahanao sy ny anjara-raharaha rehetra momba ny trano-lay izy; kanefa ny fanaky ny fitoerana masina sy ny alitara dia tsy mba hakekeny, fandrao maty ireo sy ny tenanareo koa.

Malagasy Bible

³ Dia hitandrina ny anjara-raharahanao sy ny anjara-raharaha rehetra momba ny trano-lay izy; kanefa ny fanaky ny fitoerana masina sy ny alitara dia tsy mba hakekeny, fandrao maty ireo sy ny tenanareo koa.

La Bible en Malgache

³ Dia hitandrina ny anjara raharahanao sy ny anjara raharaha rehetra momba ny tranolay izy ireo; kanefa ny fanaky ny fitoerana masina sy ny alitara dia tsy mba hakaikeziny, fandrao ho faty izy ireo sy ny tenanareo koa.

Nomery 18:3 Rohy Ifampitohizana

Ezekiela 44:13

ka tsy hahazo manatona Ahy hanao ny asan’ny mpisorona intsony ary tsy hahazo manakaiky ireo fanaka rehetra voatokana ho Ahy na manakaiky ny Toeramasina Indrindra. Hizaka ny vokatry ny asa mahamenatra sy maharikoriko nataony izy.

Nomery 1:51

Rehefa hiainga kosa ny Fonena-masina, dia ny Levita no hangorona azy; ary rehefa hijanona ny Fonena-masina, dia ny Levita no hanangana azy. Fa izay olon-kafa mitady hanatona eo dia hatao maty.

Nomery 1:53

Fa ny Levita kosa dia hitoby manodidina ny Fonena-masina mba tsy hirehitra amin’ny fiangonan’ny Israelita ny fahatezerako.»

Nomery 18:4

Ho mpanampy anareo amin’ny fanompoana rehetra sy ny asa hatao ao amin’ny Tranolay fihaonana izy. Ary tsy hisy olon-kafa hanakaiky anareo.

Nomery 18:7

Fa ianao sy ny taranakao kosa dia hanatanteraka ny fisoronanareo eo amin’ny alitara sy ao amin’ny Toeramasina Indrindra, ao ambadiky ny efitra lamba. Izaho no hanome anareo maimaimpoana izany asa fisoronana izany; raha misy olon-kafa manakaiky eo dia tsy maintsy maty izy.

Nomery 3:25

Niandraikitra ny amin’ny Tranolay fihaonana no raharahan’i Gersônita; dia ny Fonena-masina, ny lay, ny firakony, ny lambam-baravaran’ny Tranolay fihaonana,

Nomery 3:31

Ny Kehatita no miandraikitra ny Vatamasina, ny latabatra masina, ny fitoeran-jiro sy ny alitara roa ary ny fanaky ny Toeramasina izay fanaovana fanompoam-pivavahana, ary ny varavarana lamba. Nisahana ny fikarakarana rehetra momba ireny ny Kehatita.

Nomery 3:36

Ny Merarita no miandraikitra ny hazo fisaka amin’ny Tranolay; ny barany, ny andriny mbamin’ny faladiany, ary ny fanaka rehetra momba azy. Nisahana ny fikarakarana rehetra momba ireny ny Merarita.

Nomery 31:30

Ary ny anjaran’ny Israelita kosa dia hakanao olona iray isaky ny olona dimampolo ary biby iray isaky ny biby dimampolo raha omby na boriky na ondry na osy na koa biby hafa rehetra, ka homenao ny Levita izay miandraikitra ny fanompoana ao amin’ny Fonena-masina.

Nomery 4:15

Rehefa hifindra toby ny Israelita dia ho vitan’i Aharôna sy ny zanany ny famonosana ny Toeramasina sy ny fanaka rehetra momba ny Toeramasina, dia ho avy amin’izay ny taranak’i Kehàta hitondra azy. Tsy hikasika ny fitaovana masina mivantana izy sao maty. Izany no anjara entan’ny taranak’i Kehàta ny amin’ny Tranolay fihaonana.