Nomery 1:4 - DIEM PROTESTANTA

⁴ Aoka hisy lehilahy anankiray isam-poko, dia lehilahy izay tokony ho filoham-pianakaviana, mba hanampy anareo.

Baiboly Protestanta Malagasy 2011

⁴ Aoka hisy lehilahy iray avy isam-poko ho namanareo, dia izay samy lohan’ny fianakaviany avy.

Dikateny Iombonana Eto Madagasikara

⁴ Aoka hisy lehilahy anankiray isam-poko, dia lehilahy izay tokony ho filoham-pianakaviana, mba hanampy anareo.

Baiboly Katolika

⁴ ary lehilahy iray avy, amin’ny isam-pokony, izay filohan’ny fokom-pianakaviany avy, no hiaraka aminareo.»

Baiboly Protestanta Malagasy

⁴ Ary aoka hisy lehilahy iray avy isam-pirenana ho namanareo, dia izay samy lohan’ny fianakaviany avy.

Malagasy Bible

⁴ Ary aoka hisy lehilahy iray avy isam-pirenena ho namanareo, dia izay samy lohan'ny fianakaviany avy.

La Bible en Malgache

⁴ Aoka hisy lehilahy iray avy isam-poko ho namanareo, dia izay samy lohan’ny fianakaviany avy.

Nomery 1:4 Rohy Ifampitohizana

1Mpanjaka 8:1

Tamin’izay fotoana izay dia novorin’i Salômôna mpanjaka teo aminy tao Jerosalema ny loholon’i Israely sy ny lehibem-poko rehetra ary ny filoham-pianakaviana israelita mba hampakatra ny Vatamasina mirakitra ny fanekempihavanan’ny TOMPO, avy ao Tsiôna Tanànan’i Davida hankao an-tempoly.

Eksodosy 18:21

Fa ny amin’ny sisa, dia mifidiana lehilahy be herimpo ao amin’ny vahoaka, dia lehilahy fatra-panaja an’Andriamanitra, tia fahamarinana sady tsy mandray tsolotra; ka tendreo ireo ho mpifehy arivo sy mpifehy zato na ho mpifehy dimampolo sy mpifehy folo.

Eksodosy 18:25

nifidy lehilahy be herimpo teo amin’ny Israelita izy, ka nanendry azy ho tompon’andraikitra amin’ny vahoaka, ho mpifehy arivo sy mpifehy zato na ho mpifehy dimampolo sy mpifehy folo.

Nomery 1:16

Ireo no filoham-pianakaviana voafidin’ny fiangonana sady filohan’ny miaramilan’i Israely ihany koa.

Nomery 1:44

Ireo no vokatry ny fanisam-bahoaka izay nataon’i Mosesy sy i Aharôna ary izy roambinifolo lahy filoham-pianakaviana solotenan’ny fokony avy.

Nomery 17:3

Ny fitaovam-panembohan’ireo olona matin’ny fahotany ireo dia hatao takelaka manify handrakofana ny alitara, fa efa naterina teo anatrehako TOMPO ireny ka masina; ary dia ho marika fampitandremana ho an’ny Israelita izany.

Nomery 25:14

Ilay Israelita, izay novonoina ho faty niaraka tamin’ilay vehivavy midianîta, dia i Zimrỳ zanakalahin’i Salò sady filoham-pianakaviana simehônita.

Nomery 25:4

Dia hoy ny TOMPO tamin’i Mosesy: –Alao ny filohan’ny vahoaka; dia eo anoloako no anantony azy manatrika ny masoandro, mba hampitony ny fahatezerako mirehitra aminareo Israelita.

Nomery 30:1

Dia nolazain’i Mosesy tamin’ny Israelita izay rehetra nandidian’ny TOMPO azy.

Nomery 4:34

Ary i Mosesy sy i Aharôna mbamin’ny filohan’ny fiangonana nanisa ny Levita rehetra taranak’i Kehàta sy i Gersôna ary i Merarỳ, isan-tarika sy isam-pianakaviana, dia izay lehilahy feno telopolo taona ka hatramin’ny dimampolo taona, izany hoe ireo rehetra tokony hirotsaka hanao ny asam-panompoana ao amin’ny Tranolay fihaonana. Izany fanisana nataon’i Mosesy sy i Aharôna izany dia araka izay nandidian’ny TOMPO an’i Mosesy ka nahazoana ireto tarehimarika manaraka ireto: taranak’i Kehàta: vatan-dehilahy 2 750; taranak’i Gersôna: vatan-dehilahy 2 630; taranak’i Merarỳ: vatan-dehilahy 3 200; Fitambaran’ny Levita: vatan-dehilahy 8 580. Araka ny baikon’ny TOMPO sy teo ambany fitarihan’i Mosesy dia nankinina tamin’ny levita tsirairay avy ny asam-panompoana hiandraiketany sy ny entana hoentiny. Araka ny nandidian’ny TOMPO an’i Mosesy no nanankinana izany.

Nomery 7:2

Avy eo dia niroso ireo filoham-pianakaviambe tamin’ny fokon’i Israely, izany hoe ireo nitarika ny fanisana.

Deoteronomia 1:15

Dia nalaiko ny lohandohan’ny fokonareo, dia lehilahy hendry sady hita toetra, ka notendreko ho lehibenareo; tao ny mpifehy arivo sy mpifehy zato mbamin’ny mpifehy dimampolo sy mpifehy folo, ary tao ny mpandraharaha amin’ny fokonareo.

Josoa 22:14

Niaraka taminy koa ny loholona folo, iray isaky ny foko; izy rehetra ireo dia samy loham-pianakaviana tamin’ny isan’arivo israelita.