Nehemia 3:3 - DIEM PROTESTANTA

³ Ny vavahadin’ny Trondro dia namboarin’ny terak’i Senaà: napetany ny sakamandimby, ary nalatsany ny lela-vavahady mbamin’ny hidiny sy barany.

Baiboly Protestanta Malagasy 2011

³ Ny vavahadin-kazandrano dia narafitry ny zanak’i Hasena; izy no nandatsaka ny rairainy sy ny lelam-bavahadiny mbamin’ny hidiny sy ny tsivalan-kazony.

Dikateny Iombonana Eto Madagasikara

³ Ny vavahadin’ny Trondro dia namboarin’ny terak’i Senaà: napetany ny sakamandimby, ary nalatsany ny lela-vavahady mbamin’ny hidiny sy barany.

Baiboly Katolika

³ Ny taranak’i Senaà no nanao ny vavahadin’ny Hazandrano, nataony teo ny sakamandimby, dia nalatsany ny lela-vavahady, mbamin’ny karetsaka sy ny barany;

Baiboly Protestanta Malagasy

³ Ary ny vavahadin-kazandrano dia narafitry ny zanak’i Hasena, izy no nandatsaka ny rairainy sy ny lela-vavahadiny mbamin’ny hidiny sy ny vavombiny.

Malagasy Bible

³ Ary ny vavahadin-kazandrano dia narafitry ny zanak'i Hasena, izy no nandatsaka ny rairainy sy ny lela-vavahadiny mbamin'ny hidiny sy ny vavombiny.

La Bible en Malgache

³ Ny vavahadin-kazandrano dia narafitry ny zanak’i Hasena; izy no nandatsaka ny rairainy sy ny lelam-bavahadiny mbamin’ny hidiny sy ny tsivalan-kazony.

Nehemia 3:3 Rohy Ifampitohizana

2Tantara 33:14

Taorian’izany i Manase dia nanao manda teo ivelan’ny Tanànan’i Davida, dia teo andrefan’ny loharanon’i Gihôna. Nitandavana nanaraka ny lohasahan-driaka izany manda izany ka tafapaka hatrany amin’ny Vavahadin’ny Hazandrano rehefa nanodidina an’i Hôfela; avo dia avo no nanaovany azy. Ary nanendreny komandin’ny miaramila ireo tanànamimanda rehetra tao Joda.

Ezra 2:35

ny terak’i Senaà dia nisy lehilahy 3 630.

Nehemia 12:39

avy eo dia nitety ny vavahadin’i Efraîma, sy ny vavahady tranainy ary ny vavahadin’ny Trondro. Nandalo teo akaikin’ny Tilikambo Hananela sy ny tilikambon’ny Zatolahy ary nihoatra ny vavahadin’ny Ondry izahay, vao nitsatoka teo amin’ny Vavahadin’ny fonja.

Nehemia 2:8

Aoka hisy taratasy homena ahy koa ho an’i Asafa mpiandraikitra ny alam-panjakana mba hanomezany hazo ahy hatao amin’ny varavaran’ny trano fiarovana manolotra ny tempoly sy amin’ny mandan’ny tanàna ary amin’ny trano hitoerako. Dia nomen’ny amperôra ahy ireo taratasy ireo, araka ny fiarovana nanambinan’Andriamanitra ahy.

Nehemia 3:4

Teo an-kilan’ireo no namboatra ny manda i Meremôta zanakalahin’i Onà sy zafin’i Hakôtsa; nanarakaraka azy i Mesolama zanakalahin’i Besekià sy zafin’i Mesezabela; ary nanarakaraka io indray i Tsadôka zanakalahin’i Bahanà.

Nehemia 3:6

Ny vavahadin’i Jesanà dia namboarin’i Jôiadà, zanakalahin’i Pasea, sy i Mesolama, zanakalahin’i Besôdià: napetak’izy roa lahy ny sakamandimby ary nalatsany ny lela-vavahady mbamin’ny hidiny sy barany.

Nehemia 6:1

Ren’i Sanebalato sy i Tôbià ary i Gesema ilay Arabo mbamin’ny namany fahavalonay fa tafatsangako indray ny manda ka tsy misy banga intsony. Kanefa tamin’io fotoana io dia tsy mbola voalatsako ny lela-vavahady.

Nehemia 7:1

Nony vita ny manda ka voalatsako ny lela-vavahady, dia napetraka tamin’ny fandraharahany avy ny mpiandry varavarana sy ny mpihira ary ny levita.

Nehemia 7:38

ny terak’i Senaà dia nisy lehilahy 3 930.

Salamo 147:13

Izy no manamafy ny hidim-bavahadinao, mitahy ny zanakao ao anatinao,

Zefania 1:10

Amin’izany andro izany, hoy ny teny hentitra lazaiko, ao Jerosalema dia handrenesana kiaka mafy eo am-bavahadin-trondro sy fitomaniana ao Antanambao ary firodanan-trano eny amin’ny havoana.