Nehemia 12:43 - DIEM PROTESTANTA

⁴³ Sorona maro no natolotra tamin’izany andro izany ary fifaliana no nanjaka, satria antom-pifaliana lehibe no efa nomen’Andriamanitra ny olona. Tao Jerosalema dia nifaly mbamin’ny zaza amam-behivavy, ka re lavitra ny hobin-kafaliana.

Baiboly Protestanta Malagasy 2011

⁴³ Dia namono zavatra betsaka hatao fanatitra izy tamin’izany andro izany sady nifaly, fa Andriamanitra nampifaly azy indrindra; ary ny vadiny aman-janany dia nifaly koa ka re hatrany lavitra ny fifaliana tany Jerosalema.

Dikateny Iombonana Eto Madagasikara

⁴³ Sorona maro no natolotra tamin’izany andro izany ary fifaliana no nanjaka, satria antom-pifaliana lehibe no efa nomen’Andriamanitra ny olona. Tao Jerosalema dia nifaly mbamin’ny zaza amam-behivavy, ka re lavitra ny hobin-kafaliana.

Baiboly Katolika

⁴³ Tamin’izany andro izany, dia notendrena ny olona hitandrina ny efitrano fitahirizana, hasiana ny fanatitra voatokana, ny voaloham-bokatra, ny fahafolon-karena; ary nasaina nangonin’izy ireo, avy any amin’ny faritanin’ny isan-tanàna, ny anjaran’ny mpisorona sy ny Levita voadidin’ny lalàna, fa nahafaly an’i Jodà ny nahita ireo mpisorona sy Levita, samy eo amin’ny anjara toerany avy,

Baiboly Protestanta Malagasy

⁴³ Dia namono zavatra betsaka hatao fanatitra tamin’izany andro izany izy sady nifaly, fa Andriamanitra nampifaly azy indrindra; ary ny vadiny aman-janany nifaly koa; ka dia re lavitra ny fifaliana tany Jerosalema.

Malagasy Bible

⁴³ Dia namono zavatra betsaka hatao fanatitra tamin'izany andro izany izy sady nifaly, fa Andriamanitra nampifaly azy indrindra; ary ny vadiny aman-janany nifaly koa; ka dia re lavitra ny fifaliana tany Jerosalema.

La Bible en Malgache

⁴³ Dia namono zavatra betsaka hatao fanatitra izy tamin’izany andro izany sady nifaly, fa Andriamanitra nampifaly azy indrindra; ary ny vadiny aman-janany dia nifaly koa ka re hatrany lavitra ny fifaliana tany Jerosalema.

Nehemia 12:43 Rohy Ifampitohizana

2Tantara 20:13

Ny Jodeanina rehetra, mbamin’ny vadiny aman-janany koa, dia samy nitsangana nivavaka teo anatrehan’ny TOMPO.

2Tantara 20:27

Ny mponin’i Jerosalema sy ny Jodeanina hafa rehetra izay teo ambany fitarihan’i Jôsafata dia niainga hiverina any Jerosalema indray tamim-pifaliana, satria ny TOMPO efa nampifaly azy fony nafahany tamin’ny fahavalony.

2Tantara 7:10

Ary nony andro faha-23 tamin’ny volana fahafito dia nalefan’i Salômôna hody any an-tranony avy ny olona; ary faly sy ravoravo ireo noho ny soa nataon’ny TOMPO tamin’i Davida sy tamin’i Salômôna ary tamin’i Israely vahoakany.

Ezra 3:13

Ka dia tsy hay navahany ny hobin-kafalian’ny andaniny sy ny feo fitomanian’ny ankilany, satria samy nanao horakoraka mafy sy re lavitra tokoa ny olona.

Nehemia 12:27

Rehefa hotokanana ny mandan’i Jerosalema, dia nantsoina avy tamin’ny toeram-ponenany rehetra ny levita; nasaina ho tonga any Jerosalema ry zareo mba hanao ny fitokanana amim-pifaliana, ombàn’ny hira fiderana arahin’ny kipantsona sy valiha ary lokanga.

Nehemia 12:42

Nijanona tao ihany koa ry i Mahaseià sy i Semahià, i Elehazara sy i Hozy, i Jôhanàna sy i Malkià, ary i Helama sy i Hezera. Dia nihira mafy ny mpihira teo ambany fitarihan’i Jizrahià.

Joba 34:29

Raha mangina Andriamanitra, zovy no hanameloka Azy? Raha manafin-tava Izy, zovy no hahita Azy? Kanefa miahy ireo firenena sy ny olombelona rehetra Izy

Salamo 27:6

Amin’izay aho dia ho voasandrany tokoa ho ambonin’ireo fahavalo manodidina ahy; ka hanolotra sorom-pihobiana ao an-dainy sady hihira salamo hankalazana ny TOMPO.

Salamo 28:7

Miaro ahy IZY satria ampingako, ary nitokian’ny foko tokoa; voavonjy aho ka mientan-karavoana, ary dia mihira fiderana Azy.

Salamo 9:2

Hidera Anao amin’ny foko manontolo aho, TOMPO ô, ka hitantara ny zava-mahagaga rehetra nataonao.

Salamo 92:4

amin’ny valiha torifolo sy amin’ny feon-dokanga.

Isaia 61:3

Manao fisaonana an’i Tsiôna ireo, kanefa hirahina aho hanome azy ribà fehiloha ho solon’ny lavenona amin’ny lohany, hanome diloilo manitra ho solon’ny alahelo sy fitafiana fitondra amin’ny fety ho solon’ny toetra manjoretra. Amin’izay no hiantsoana azy ireo hoe: «Hazo vokatry ny fitahiana, saha nambolen’ny TOMPO mba hanehoany ny famirapiratany.»

Jeremia 31:13

Dia hitotorebika handihy ny zatovovavy; toy izany koa ny tovolahy sy ny antitra. Fa hoy ny teny hentitry ny TOMPO hoe: Hovako ho fifaliana ny alahelony, ka hampiononiko sy hampiravoako izy mba ho afaka amin’ny fahoriany.

Jeremia 33:11

ny kotaban’ny fety sy ny horakora-pifaliana. Ho re ao indray ny hiran’ny mpanambady; ho re ao indray ny hira manao hoe: Derao ny TOMPOn’izao rehetra izao, fa tsara Izy; eny, maharitra mandrakizay ny fitiavany. Izany no hiran’ireo mitondra sorom-pisaorana mankao an-tranoko. Eny, hoy Izaho TOMPO, haveriko amin’ny laoniny toy ny fahiny izany tany izany.»

Nomery 10:10

Ary amin’ny andro fety sy ny andro fifaliana ary amin’ny andro voalohan’ny volana dia hotsofinareo ny trômpetra, rehefa manao sorona dorana manontolo sy sorom-pihavanana ianareo. Hataonareo izany ho fampahatsiarovana Ahy Andriamanitrareo hitsimbinako anareo. Izaho no TOMPO Andriamanitrareo.»

Matio 21:15

Fa tezitra mafy kosa ireo lohandoha-mpisorona sy ireo mpahay lalàna nony nahita ny zava-mahagaga nataony sy nahita ny ankizy madinika niantsoantso tao an-kianjan’ny tempoly hoe: «Dera anie ho an’ny Zanak’i Davida!»

Matio 21:9

Ary ny vahoaka izay nialoha Azy sy izay nanaraka dia samy niantsoantso hoe: «Dera anie ho an’ny Zanak’i Davida! Hombam-pitahiana amin’ny anaran’ny Tompo anie Ilay avy! Dera anie ho an’Andriamanitra any amin’ny avo indrindra!»

Jaona 16:22

Ianareo koa dia manana alahelo ankehitriny; fa hahita anareo indray Aho ka ho faly ny fonareo, ary tsy hisy olona hanaisotra ny hafalianareo.

Efesiana 5:19

Manaova salamo sy hira ary antsa asesiky ny Fanahy Masina; antsa sy salamo no kaloy amin’ny fo tokoa ho an’ny Tompo.

Jakoba 5:13

Misy ory ve ianareo? Aoka izy hivavaka. Misy finaritra ve? Aoka izy ho velon-kira fiderana.

1Samoela 4:5

Raha vantany vao tonga tao an-toby ny Vatamasin’ny TOMPO, dia nanao horakoraka mafy ny miaramila israelita rehetra ka nampihozona ny tany.