Nehemia 12:43 - Baiboly Katolika

⁴³ Tamin’izany andro izany, dia notendrena ny olona hitandrina ny efitrano fitahirizana, hasiana ny fanatitra voatokana, ny voaloham-bokatra, ny fahafolon-karena; ary nasaina nangonin’izy ireo, avy any amin’ny faritanin’ny isan-tanàna, ny anjaran’ny mpisorona sy ny Levita voadidin’ny lalàna, fa nahafaly an’i Jodà ny nahita ireo mpisorona sy Levita, samy eo amin’ny anjara toerany avy,

Baiboly Protestanta Malagasy 2011

⁴³ Dia namono zavatra betsaka hatao fanatitra izy tamin’izany andro izany sady nifaly, fa Andriamanitra nampifaly azy indrindra; ary ny vadiny aman-janany dia nifaly koa ka re hatrany lavitra ny fifaliana tany Jerosalema.

DIEM PROTESTANTA

⁴³ Sorona maro no natolotra tamin’izany andro izany ary fifaliana no nanjaka, satria antom-pifaliana lehibe no efa nomen’Andriamanitra ny olona. Tao Jerosalema dia nifaly mbamin’ny zaza amam-behivavy, ka re lavitra ny hobin-kafaliana.

Dikateny Iombonana Eto Madagasikara

⁴³ Sorona maro no natolotra tamin’izany andro izany ary fifaliana no nanjaka, satria antom-pifaliana lehibe no efa nomen’Andriamanitra ny olona. Tao Jerosalema dia nifaly mbamin’ny zaza amam-behivavy, ka re lavitra ny hobin-kafaliana.

Baiboly Protestanta Malagasy

⁴³ Dia namono zavatra betsaka hatao fanatitra tamin’izany andro izany izy sady nifaly, fa Andriamanitra nampifaly azy indrindra; ary ny vadiny aman-janany nifaly koa; ka dia re lavitra ny fifaliana tany Jerosalema.

Malagasy Bible

⁴³ Dia namono zavatra betsaka hatao fanatitra tamin'izany andro izany izy sady nifaly, fa Andriamanitra nampifaly azy indrindra; ary ny vadiny aman-janany nifaly koa; ka dia re lavitra ny fifaliana tany Jerosalema.

La Bible en Malgache

⁴³ Dia namono zavatra betsaka hatao fanatitra izy tamin’izany andro izany sady nifaly, fa Andriamanitra nampifaly azy indrindra; ary ny vadiny aman-janany dia nifaly koa ka re hatrany lavitra ny fifaliana tany Jerosalema.

Nehemia 12:43 Rohy Ifampitohizana

2Tantara 20:13

Ary i Jodà rehetra izany, nitsangana teo anatrehan’i Iaveh avokoa, hatramin’ny ankizy madinika mbamin’ny vady aman-janany.

2Tantara 20:27

Izay vao niainga amin-kafaliana ny lehilahy rehetra amin’i Jodà sy i Jerosalema notarihin’i Jôsafata hiverina any Jerosalema, fa nofenoin’i Iaveh hafaliana ny amin’ny fahavalony.

2Tantara 7:10

Ary tamin’ny andro faha-23n’ny volana fahafito, dia nampodin’i Salômôna ho any an-dainy avy ny vahoaka; samy faly sy ravoravo avokoa, noho ny soa nataon’i Iaveh tamin’i Davida, tamin’i Salômôna ary tamin’i Israely vahoakany.

Ezra 3:13

hany ka tsy hain’ny vahoaka navahana izay hobin-kafaliana sy izay feo fitomanian’ny vahoaka, fa samy niantsoantso tamin’ny feo mafy dia mafy ny vahoaka, ka re lavitra ny horakoraka.

Nehemia 12:27

Nony nitokanana ny mandan’i Jerosalema dia nantsoina tany amin’izay fitoerana nonenany rehetra tany, ny Levita, nasaina tonga any Jerosalema hanao ny fitokanana amin-kafaliana, amin’ny hira amam-piderana, amin’ny feon-kipantsona sy valiha ary harpa.

Nehemia 12:42

Sorona maro no naterin’izy ireo, tamin’izay andro izay, ary fifaliana no nimasoany fa antom-pifaliana lehibe no nomen’Andriamanitra azy ireo. Nifaly mbamin’ny zaza amam-behivavy, ka re lavitra ny hobin-kafaliana tao Jerosalema.

Joba 34:29

Raha manome fiadanana Izy, zovy no hitaraina amin’izany? Raha manafin-Tava Izy, zovy no ho afa-mahita Azy, na firenena izany, na olona tsirairay no anaovany izany,

Salamo 27:6

Amin’izany ny lohako hisandratra ambonin’ny fahavalo, izay manodidina ahy. Ao amin’ny tabernaklany aho hanatitra sorom-pisaorana. Hihira sy hanao hiram-piderana an’i Iaveh aho.

Salamo 28:7

I Iaveh no heriko sy ampingako; Izy no nitokian’ny foko. Efa voavonjy aho. Ka misomebin-kafaliana ny foko. Ka hidera Azy amin’ny hirako aho.

Salamo 9:2

Hidera an’i Iaveh amin’ny foko rehetra aho, hanambara ny zava-mahagaga rehetra nataonao.

Salamo 92:4

amin’ny valiha tory folo, sy amin’ny lokanga, ary amin’ny fireondreon’ny harpa.

Isaia 61:3

Hitondra ho an’ny tra-pahoriana ao Siôna sy hanasatroka azy ny satroboninahitra ho solon’ny lavenona, diloilo fifaliana ho solon’ny fisaonana akanjo firavoravoana, ho solon’ny fahareraham-po; dia hantsoin’ny olona hoe: terebintan’ny fahamarinana, volin’i Iaveh ho an’ny voninahiny.

Jeremia 31:13

Amin’izany, hifaly amin’ny dihy ny zazavavy, mbamin’ny zazalahy, sy ny anti-panahy koa. Hampodiko ho fifaliana ny fisaonany, halàko alahelo, hampifaliako izy ireo manaraka ny fijaliany.

Jeremia 33:11

dia ho re indray ny feo fifaliana amam-peo firavoravoana, ny hiran’ny mpampakatra aman-kiran’ny ampakarina, ny feon’ireo manao hoe: «Miderà an’i Iavehn’ny tafika, fa tsara i Iaveh, ary maharitra mandrakizay ny famindram-pony»; ny feon’ireo tonga hanatitra sorona fisaorana ao an-tranon’i Iaveh. Fa hampodiko indray ireo babo avy amin’ity tany ity, mba ho tahaka ny tamin’ny voalohany indray izy ireo.

Nomery 10:10

Amin’ny andro fifalianareo sy amin’ny fetinareo, ary amin’ny voaloham-bolanareo, hitsoka ny trômpetra ianareo, eo am-panolorana ny sorona doranareo, sy ny sorom-pihavananareo, dia ho fampahatsiarovana anareo izany, eo anatrehan’i Iaveh Andriamanitrareo. Izaho no Iaveh Andriamanitrareo.»

Matio 21:15

Fa tezitra ny lohandohan’ny mpisorona sy ny mpanora-dalàna, nony nahita ny fahagagana nataony sy ireto ankizy madinika nihoraka tao an-Tempoly nanao hoe: «Hôzàna ho an’ny Zanak’i Davida,»

Matio 21:9

ary ny vahoaka izay nialoha sy izay nanaraka Azy, samy niantso nanao hoe: «Hôzàna ho an’ny Zanak’i Davida. Hisaorana anie Ilay avy, amin’ny Anaran’ny Tompo! Hôzàna any amin’ny avo indrindra.»

Jaona 16:22

Manana alahelo koa ianareo ankehitriny, nefa ho hitako indray ianareo, ka ho faly ny fonareo, ary tsy hisy olona hanesotra ny hafalianareo.

Efesiana 5:19

Salamo sy hira aman-tononkira masina no ifampiresaho; ary hira fiderana no kaloy ao am-ponareo ho voninahitry ny Tompo.

Jakoba 5:13

Misy azom-pahoriana va ao aminareo? Aoka izy hivavaka. Misy mifaly va? Aoka izy hihira fiderana.

1Samoela 4:5

Nony niditra tao an-toby ny Fiaran’ny Faneken’i Iaveh dia nihoby an-kafaliana lehibe i Israely rehetra, ka nanako ny tany.