Mpitsara 7:12 - DIEM PROTESTANTA

¹² Ary ny Midianita sy ny Hamalekita ary ireo mpifindrafindra lasy avy any atsinanana dia niparitaka teny amin’ny lemaka fa marobe tahaka ny valala; ny ramevany dia tsy hita isa fa tahaka ny fasika eny amoron-dranomasina.

Baiboly Protestanta Malagasy 2011

¹² Ary ny Midianita sy ny Amalekita ary ny zanaky ny Atsinanana rehetra dia nirohotra teny an-dohasaha ka tahaka ny valala ny hamarony; tsy hita isa ny ramevany ary tahaka ny fasika any amoron-dranomasina ny hamarony.

Dikateny Iombonana Eto Madagasikara

¹² Ary ny Midianita sy ny Hamalekita ary ireo mpifindrafindra lasy avy any atsinanana dia niparitaka teny amin’ny lemaka fa marobe tahaka ny valala; ny ramevany dia tsy hita isa fa tahaka ny fasika eny amoron-dranomasina.

Baiboly Katolika

¹² I Madiàna sy i Amaleka mbamin’ny zanaky ny Atsinanana dia niely eran’ny tany lemaka, maro toy ny valala, ary tsy hita isa ny ramevany, hoatra ny fasika eny amoron-dranomasina.

Baiboly Protestanta Malagasy

¹² Ary ny Midiana sy ny Amalekita ary ny zanaky ny atsinanana rehetra dia nandry teny an-dohasaha, tahaka ny valala ny hamarony; ary tsy hita isa ny ramevany, tahaka ny fasika any amoron-dranomasina ny hamarony.

Malagasy Bible

¹² Ary ny Midiana sy ny Amalekita ary ny zanaky ny atsinanana rehetra dia nandry teny an-dohasaha, tahaka ny valala ny hamarony; ary tsy hita isa ny ramevany, tahaka ny fasika any amoron-dranomasina ny hamarony.

La Bible en Malgache

¹² Ary ny Midianita sy ny Amalekita ary ny zanaky ny Atsinanana rehetra dia nirohotra teny an-dohasaha ka tahaka ny valala ny hamarony; tsy hita isa ny ramevany ary tahaka ny fasika any amoron-dranomasina ny hamarony.

Mpitsara 7:12 Rohy Ifampitohizana

1Mpanjaka 20:27

Nampanaovin’i Ahaba matso koa ny miaramila israelita sady nandray vatsy, ary niainga hifanehatra amin’ny fahavalo. Nitoby nanao antokony roa teo anoloan’ny Sirianina izy; tahaka ny osy andiany roa kely ny Israelita, fa ny Sirianina kosa nanenika ny tany.

Salamo 3:1

Salamo nataon’i Davida, fony izy nandositra an’i Absalôma zanany lahy .

Salamo 33:16

Raha handresy amin’ny ady ny mpanjaka, dia tsy noho ny hamaroan’ny miaramilany; ary raha afa-doza ny mpiady, dia tsy noho ny haben’ny heriny.

Jeremia 46:23

Kapain’ireo ny alany, na dia matevina aza, hoy ny teny hentitry ny TOMPO. Fa marobe noho ny andiam-balala izy ka tsy tambo isaina.

Josoa 11:4

Dia niainga ireo mpanjaka rehetra ireo, niaraka tamina miaramila tsy hita isa tahaka ny fasika eny amoron-dranomasina ary soavaly sy kalesy maro dia maro.

Mpitsara 6:3

Fa isaky ny avy nanao famafazam-boa ny sahany ny Israelita, dia tonga nanafika ny Midianita niaraka tamin’ny Hamalekita sy ireo mpifindrafindra lasy avy any atsinanana.

Mpitsara 6:33

Ny Midianita rehetra mbamin’ny Hamalekita ary ny mpifindrafindra lasy avy any atsinanana dia nivondrona ka niampita an’i Jôrdàna ary nanorina ny tobiny tao amin’ny lemak’i Jizrehela.

Mpitsara 6:5

Nifindrafindra niaraka tamin’ny biby fiompiny sy ny lainy ireny sady toy ny valala no fiaviny; fa maro izy mbamin’ny ramevany ka tsy hita isa. Niditra tamin’ny tany izy mba handrava azy;

Mpitsara 7:13

Ary fony tonga teo amin’ny toby i Gidehôna, dia nisy lehilahy iray nitantara ny nofiny tamin’ny namany hoe: –Nanonofy aho, ka hitako fa nisy mofo ôrza iray nikodiadia namaky ny tobintsika Midianita; nahavoadòna tranolay anankiray izany ka nampiongana azy hivadika ambony ambany.

Mpitsara 8:10

I Zebaha sy i Tsalmonà tamin’io dia tao Karkôra niaraka tamin’ny andian-tafiny 15 eo ho eo. Izay no sisa tamin’ny tafik’ireo mpifindrafindra lasy avy any atsinanana, satria nahafatesana andian-tafika 120 nisy vatan-dehilahy kinga famely sabatra avokoa.

1Samoela 13:5

Ny Filistinina kosa tetsy an-danin’izany dia vory lanona mba hiady amin’i Israely: nanana kalesy telo alina sy mpitaingin-tsoavaly enina arivo, ary miaramila betsaka tahaka ny fasika eny amoron-dranomasina izy ireo, ary tonga nitoby tao Mikmasy, atsinanan’i Bèty-Avena.

1Samoela 30:17

Namely azy ireo vao mangiran-dratsy i Davida mandra-paharivan’ny andro manaraka. Tsy nisy niangana na iray aza afa-tsy tovolahy efajato izay afa-nandositra nitaingin-drameva.