Mpitsara 4:4 - DIEM PROTESTANTA

⁴ Tamin’izany fotoana izany dia i Debôrà, mpaminanivavy vadin’i Lapidôta, no mpitsara nitondra an’i Israely.

Baiboly Protestanta Malagasy 2011

⁴ I Debora mpaminanivavy, vadin’i Lapidota, no mpitsara teo amin’ny Israely tamin’izany andro izany.

Dikateny Iombonana Eto Madagasikara

⁴ Tamin’izany fotoana izany dia i Debôrà, mpaminanivavy vadin’i Lapidôta, no mpitsara nitondra an’i Israely.

Baiboly Katolika

⁴ Tamin’izany andro izany dia i Debôrà vehivavy mpaminany, vadin’i Lapidôta no nitsara ny zanak’i Israely.

Baiboly Protestanta Malagasy

⁴ Ary Debora mpaminanivavy, vadin’i Lapidota, no nitsara ny Isiraely tamin’izany andro izany.

Malagasy Bible

⁴ Ary Debora mpaminanivavy, vadin'i Lapidota, no nitsara ny Isiraely tamin'izany andro izany.

La Bible en Malgache

⁴ I Debora mpaminanivavy, vadin’i Lapidota, no mpitsara teo amin’ny Israely tamin’izany andro izany.

Mpitsara 4:4 Rohy Ifampitohizana

2Mpanjaka 22:14

Dia lasa nankany amin’i Holdà mpaminanivavy i Hilkià mpisorona sy i Ahikama mbamin’i Hakbôra sy i Safàna ary i Hasaià. I Holdà, izay nonina tao Antanambaon’i Jerosalema, dia vadin’i Saloma zanakalahin’i Tikvà sy zafikelin’i Harahasa sady mpitahiry ny fanamiana masina tao an-tempoly. Koa rehefa niresaka tamin-dravehivavy ry i Hilkià,

Nehemia 6:14

«Ry Andriamanitra ô, tsarovy i Tôbià sy i Sanebalato araka izany asany izany, ary tsarovy koa i Nôhadià mpaminanivavy sy ireo mpaminany hafa izay nitady hampitahotra ahy.»

Eksodosy 15:20

Naka ampongatapaka i Miriama, mpaminanivavy anabavin’i Aharôna, ary lasa nanaraka azy avokoa ny vehivavy israelita rehetra ka nitondra ampongatapaka sady nandihy.

Ezekiela 13:17

«Ary ianao, ry ilay taranak’olombelona, handrino ireo vehivavy israelita izay maminany araka ny nahim-pony ka ambarao ny hamelezana azy;

Mika 6:4

Fa nampiakariko avy tany Ejipta ianareo ary nafahako avy tamin’ny fanandevozana, ka nirahiko hitarika anareo i Mosesy sy i Aharôna ary i Miriama.

Lioka 2:36

Nisy koa vehivavy mpaminany natao hoe Ana, zanakavavin’i Fanoela, avy amin’ny fokon’i Asera. Tena antitra izy. Fito taona ihany no nanambadiany taorian’ny nahatovovavy azy.

Asan’ny Apostoly 21:9

ary nanan-janaka efatra mirahavavy, samy mbola mpitovy, izay nanana fanomezam-pahasoavana nilaza hafatra avy amin’Andriamanitra.

1Korintiana 11:5

Fa raha misy vehivavy tsy misaron-doha rehefa mivavaka na rehefa milaza hafatra avy amin’Andriamanitra mandritra ny fanompoam-pivavahana, dia manala baràka ny vadiny; satria toy ny vehivavy noharatana volon-doha izy!

Galatiana 3:28

Koa tsy misy intsony ny hoe Jiosy na hafa firenena, tsy misy intsony ny hoe mpanompo na tsy mpanompo, tsy misy intsony ny hoe lehilahy na vehivavy; fa olona iray ihany ianareo rehetra, noho ianareo tafaray amin’i Kristy Jesoa.

Mpitsara 4:3

Nanana kalesy vy sivinjato i Jabîna ary nampahory fatratra ny Israelita nandritra ny roapolo taona; koa niantso vonjy tamin’ny TOMPO ireo.

Mpitsara 4:5

Ny sezam-pitsarana nipetrahan’i Debôrà dia teo ambany hazo rofia, izay nantsoina tatỳ aoriana hoe «Hazo Rofian’i Debôrà», teo anelanelan’i Ramà sy i Betela, any amin’ny faritra be tendrombohitra any Efraîma. Niakatra tany ny Israelita rehefa hotsaraina.

Mpitsara 5:1

Tamin’izany andro izany i Debôrà dia nihira niaraka tamin’i Baràka zanakalahin’i Abinôhama ka nanao hoe: