Mpitsara 4:3 - DIEM PROTESTANTA

³ Nanana kalesy vy sivinjato i Jabîna ary nampahory fatratra ny Israelita nandritra ny roapolo taona; koa niantso vonjy tamin’ny TOMPO ireo.

Baiboly Protestanta Malagasy 2011

³ Dia nitaraina tamin’NY TOMPO ny Zanak’Israely satria nanana kalesy vy fitondra miady sivinjato i Jabina; nampahory fatratra ny Zanak’Israely nandritra ny roapolo taona izy.

Dikateny Iombonana Eto Madagasikara

³ Nanana kalesy vy sivinjato i Jabîna ary nampahory fatratra ny Israelita nandritra ny roapolo taona; koa niantso vonjy tamin’ny TOMPO ireo.

Baiboly Katolika

³ Nitaraina tamin’i Iaveh ny zanak’i Israely fa nanan-kalesy vy sivin-jato i Jabìna, ary nampahory mafy ny zanak’i Israely hatramin’ny roapolo taona.

Baiboly Protestanta Malagasy

³ Dia nitaraina tamin’i Jehovah ny Zanak’Isiraely; fa nanana kalesy vy sivin-jato Jabina, ary nampahory fatratra ny Zanak’Isiraely roa-polo taona izy.

Malagasy Bible

³ Dia nitaraina tamin'i Jehovah ny Zanak'Isiraely; fa nanana kalesy vy sivin-jato Jabina, ary nampahory fatratra ny Zanak'Isiraely roa-polo taona izy.

La Bible en Malgache

³ Dia nitaraina tamin’NY TOMPO ny Zanak’Israely satria nanana kalesy vy fitondra miady sivinjato i Jabina; nampahory fatratra ny Zanak’Israely nandritra ny roapolo taona izy.

Mpitsara 4:3 Rohy Ifampitohizana

Salamo 106:42

noporetin’ireo fahavalony izy ary niforitra teo ambany fahefàny.

Salamo 50:15

Dia antsoy amin’ny andro mahory Aho, fa hanafaka anareo ka homenareo voninahitra.

Salamo 78:34

Fa raha naringana izy, dia nitady an’Andriamanitra, ary mba niverina nikatsaka Azy ihany;

Eksodosy 2:23

Tatỳ aoriana ela dia maty ny mpanjakan’i Ejipta. Nitoloko ny Israelita noho ny fanompoany ka niantso vonjy; ary tafakatra hatrany amin’Andriamanitra ny fitarainany noho ny fanompoana.

Deoteronomia 28:29

Dia hitsapatsapa ianareo na dia amin’ny mitataovovonana aza, tahaka ny jamba mitsapatsapa ao anaty haizim-pito; tsy hahomby amin’ny zavatra hirosoanareo ianareo; hampahorîn’ny sasany sy hobaboiny mandrakariva ianareo, fa tsy hisy hamonjy.

Deoteronomia 28:33

Ny vokatry ny taninareo sy izay rehetra efa nisasaranareo dia hohanin’ny firenena izay tsy fantatrareo; ary hampahorîn’ny sasany sy homongomongoiny mandrakariva ianareo.

Josoa 17:16

Hoy kosa ny taranak’i Jôsefa hoe: –Tsy ampy ho anay tokoa ny havoana, kanefa manana kalesy vy ireo Kanahanita rehetra monina ao amin’ny tany lemaka, na izay any Bety-Seana sy amin’ireo tanàna kely miankina aminy na izay any amin’ny lohasahan’i Jizrehela.

Mpitsara 1:19

Ny TOMPO mihitsy no efa nomba ny olon’i Joda tamin’izany, ka azony ny faritra be tendrombohitra. Nefa tsy voaroakany ireo mponin’ny tany lemaka, satria nanana kalesy vy ireny.

Mpitsara 10:10

Noho izany dia niantso vonjy tamin’ny TOMPO izy ka nanao hoe: –Nanota taminao izahay, satria nandao Anao Andriamanitray ka nanompo ny Bahala andriamani-tsiizy.

Mpitsara 10:16

Dia narian’ny Israelita tsy ho eo anivon’izy ireo ny andriamani-kafa, ka notompoiny indray ny TOMPO Izay tsy nahazaka hijery ny fijalian’i Israely.

Mpitsara 3:15

Niantso vonjy tamin’ny TOMPO ny Israelita ka nanirahany mpamonjy, dia i Ehoda, lehilahy kavia, izay zanak’i Gerà avy amin’ny fokon’i Benjamîna. Dia nalefan’ny Israelita i Ehoda mba hitondra fanomezana ho an’i Heglôna, mpanjakan’i Môaba.

Mpitsara 3:9

Koa niantso vonjy tamin’ny TOMPO ny Israelita; ary IZY nanangana mpamonjy izay hanafaka ny Israelita, dia i Hôtniela, zanakalahin’i Kenaza izay zandrin’i Kaleba.

Mpitsara 4:13

Koa novoriny tao Harôseta-Gôima ny kalesiny vy sivinjato sy ny miaramilany rehetra; dia avy teo izy no nankany amin’ny renirano Kisôna.

Mpitsara 4:4

Tamin’izany fotoana izany dia i Debôrà, mpaminanivavy vadin’i Lapidôta, no mpitsara nitondra an’i Israely.

Mpitsara 5:8

Nifidy andriamani-baovao ny olona ka vetivety dia vaky ny ady; nefa zara raha nahitana ampinga na lefona iray ho an’ny vatan-dehilahy andiany efapolo teto Israely.

Mpitsara 6:6

ary nahantra loatra ny Israelita noho ny nafitsoky ny Midianita, ka niantso vonjy tamin’ny TOMPO.

1Samoela 7:8

ka nanao tamin’i Samoela hoe: –Aza arianao izahay, fa mivavaha amin’ny TOMPO Andriamanitsika ho anay, mba hamonjeny anay tsy ho voagejan’ny Filistinina.