Mpitsara 3:3 - DIEM PROTESTANTA

³ Koa ireto avy àry ireo firenen-kafa ireo: ny mponina tamin’ny fanjakana dimin’ny Filistinina, ny Kanahanita rehetra, ny Tsidônianina, ary ny Hivita izay nipetraka tany amin’ny tendrombohitra Libano, manomboka hatreo an-tendrombohitra Bahala-Hermôna ka hatrany Lebô-Hamata.

Baiboly Protestanta Malagasy 2011

³ ireo firenena ireo dia ny andriandahy Filistina dimy, ny Kananita rehetra, ny Sidoniana ary ny Hivita izay nonina tany amin’ny tendrombohitra any Libanona, hatrany akaikin’i Baala-Hermona ka hatrany amin’ny lalana mankany Hamata.

Dikateny Iombonana Eto Madagasikara

³ Koa ireto avy àry ireo firenen-kafa ireo: ny mponina tamin’ny fanjakana dimin’ny Filistinina, ny Kanahanita rehetra, ny Tsidônianina, ary ny Hivita izay nipetraka tany amin’ny tendrombohitra Libano, manomboka hatreo an-tendrombohitra Bahala-Hermôna ka hatrany Lebô-Hamata.

Baiboly Katolika

³ Ny andriana dimy tamin’ny Filistinina, ny Kananeanina sy ny Sidonianina ary ny Heveanina rehetra izay nonina tamin’ny tendrombohitra Libàna, hatramin’ny tendrombohitra Baala-Hermôna, ka hatramin’ny vava lalan’i Hamata.

Baiboly Protestanta Malagasy

³ dia ireo andriana dimy tamin’ny Filistina sy ny Kananita rehetra sy ny Sidoniana ary ny Hivita, izay nonina tany an-tendrombohitra Libanona, hatrao akaikin’i Bala-hermona ka hatramin’ny làlana mankany Hamata.

Malagasy Bible

³ dia ireo andriana dimy tamin'ny Filistina sy ny Kananita rehetra sy ny Sidoniana ary ny Hivita, izay nonina tany an-tendrombohitra Libanona, hatrao akaikin'i Bala-hermona ka hatramin'ny lalana mankany Hamata.

La Bible en Malgache

³ ireo firenena ireo dia ny andriandahy Filistina dimy, ny Kananita rehetra, ny Sidoniana ary ny Hivita izay nonina tany amin’ny tendrombohitra any Libanona, hatrany akaikin’i Baala-Hermona ka hatrany amin’ny lalana mankany Hamata.

Mpitsara 3:3 Rohy Ifampitohizana

Genesisy 49:13

I Zebolòna dia honina eo amoron-dranomasina, dia eo amin’izay hisy seranan-tsambo; hivelatra hatrany Tsidôna ny faritaniny.

2Samoela 24:7

Ary tonga tao Tiro tanàna mimanda ireo sy tany amin’ny tanàna rehetra fonenan’ny Hivita sy Kanahanita, ka tafapaka hatrany Bery-Seba, ao atsimon’ny faritanin’i Joda.

1Mpanjaka 8:65

Tamin’io volana fahafito io koa no niarahan’i Salômôna nankalaza ny fetin’ny Tranotomboka tamin’ny Israelita rehetra izay tafangona marobe, tonga avy amin’ny lafy valo hatreo Lebô-Hamata ka hatrany amin’ny lohasahan-driakan’i Ejipta. Koa nankalaza fety teo anatrehan’ny TOMPO Andriamanitsika izy nandritra ny fito andro indroa: izany hoe 14 andro.

1Mpanjaka 9:20

Mbola nisy tavela teo amin’ny tany ireo antokon’olona isan-karazany, dia ny Amôrita sy Hetita mbamin’ny Perizita sy Hivita ary Jebosita, izay samy tsy anisan’ny Israelita.

Ezekiela 47:20

Ny sisin-tany andrefana kosa dia ny Ranomasina Mediteranea no mamaritra azy hatreo atsimo ka hatrany Lebô-Hamata any avaratra. Izay no sisin-tany andrefana.

Nomery 13:29

Ny Hamalekita no monina amin’ny faritra atsimo; ny Hetita sy ny Hivita ary ny Jebosita sy ny Amôrita no any an-tendrombohitra, fa ny Kanahanîta kosa no mipetraka amoron-dranomasina Mediteranea sy amoron’i Jôrdàna.

Nomery 34:8

Avy eo an-tendrombohitra Hôra, dia ny lalana mankany Lebô-Hamata no hamaritanareo azy, ary hipaka any Tsedada.

Deoteronomia 1:7

Mihodîna ianareo, ary mandehana mankany amin’ny tendrombohitra fonenan’ny Amôrita; mandehana mankany amin’ny faritra manodidina fonenan’ny Kanahanita, dia ny lemak’i Harabà, ny faritra havoana, ny lemak’i Sefelà, ny Negeba, mbamin’ny moron-tsiraka; mandehana mankany Libano ka hatrany amin’ny ony lehibe, dia ny ony Eofrata.

Deoteronomia 3:9

(dia i Hermôna izay nataon’ny Tsidônianina hoe Siriôna ary nataon’ny Amôrita kosa hoe Senîra).

Josoa 11:19

Tsy nisy tanàna nanaovan’ny Israelita fanekempihavanana afa-tsy i Gibehôna izay nonenan’ny Hivita; fa ireo tanàna hafa rehetra dia nalainy tamin’ny ady avokoa.

Josoa 11:3

Nandefasan’i Jabîna iraka ihany koa ny Kanahanita tany atsinanana sy andrefan’i Jôrdàna, ny Amôrita sy Hetita ary ny Perizita sy Jebosita tany an-tendrombohitra, ary ireo Hivita nonina tany am-pototr’i Hermôna, tany amin’ny faritanin’i Mitsepà.

Josoa 13:3

izany hoe ny faritra noheverina ho kanahanita manomboka hatreo amin’ny lohasahan-driaka Sihôra izay sisin-tany atsinanan’i Ejipta ka hatrany amin’ny faritanin’i Hekrôna any avaratra; ao no misy ireo fanjakana dimy tamin’ny Filistinina, dia i Gazà, i Asdôda, i Askelôna, i Gata ary i Hekrôna; ao koa no misy ny Havita

Josoa 13:5

Ao ihany koa ny faritanin’i Gebala sy i Libano atsinanana manomboka hatreo Bahala-Gada eo am-pototry ny tendrombohitra Hermôna ka hatrany Lebô-Hamata.

Josoa 19:28

i Habdôna, i Rehôba, i Hamôna, ary i Kanà; ka miafara any Tsidôna, tanàna lehibe.

Josoa 9:7

Fa novalian’ny Israelita hoe: –Angamba etỳ akaikinay etỳ ihany ianareo no monina, koa ahoana no hanaovanay fanekempihavanana aminareo?

Mpitsara 10:12

na ny Tsidônianina sy ny Hamalekita ary ny Midianita ka niantso vonjy tamiko ianareo, moa tsy namonjy anareo ho afaka teo an-tanan’ireny va Aho?

Mpitsara 10:7

Dia nirehi-pahatezerana tamin’ny Israelita ny TOMPO ka nanolotra azy teo an-tanan’ny Filistinina sy ny Hamônita.

Mpitsara 14:4

Tsy fantatry ny ray aman-dreniny fa ny TOMPO mihitsy no namelona izany faniriana izany tao amin’i Samsôna mba hahazoany miady amin’ny Filistinina, satria tamin’izany fotoana izany dia ny Filistinina no nanjaka tamin’ny Israelita.

Mpitsara 18:7

Koa nanohy ny diany izy dimy lahy ary tonga tany Laîsy. Hitany fa nilamina ny mponina tao, ka nandry feizay sy tsy manana ahiahy tahaka ny Tsidônianina. Tsy nanana hokianina amin’izay mpitondra azy ny olona. Fa niaina lavitra ny Tsidônianina ireo olona ireo ary tsy niankina tamin’i Arama.

Mpitsara 3:2

tian’ny Tompo mba hianatra hiady manko ny taranaka vaovao izay tsy mbola nahalala ady.

Mpitsara 4:2

Koa natolotry ny TOMPO izy ho eo ambany fifehezan’i Jabîna, mpanjaka kanahanita, izay nanjaka tao Hatsôra. I Siserà, izay nonina tao Harôseta-Gôima, no lehiben’ny tafiny.

1Samoela 13:5

Ny Filistinina kosa tetsy an-danin’izany dia vory lanona mba hiady amin’i Israely: nanana kalesy telo alina sy mpitaingin-tsoavaly enina arivo, ary miaramila betsaka tahaka ny fasika eny amoron-dranomasina izy ireo, ary tonga nitoby tao Mikmasy, atsinanan’i Bèty-Avena.

1Samoela 29:2

Nilahatra teo alohan’ny andian-tafiny ireo filohan’ny Filistinina; fa i Davida sy ireo olony kosa dia tatỳ aoriana no nilahatra niaraka tamin’i Akisy.

1Samoela 6:16

Tamin’io andro io koa, rehefa nahita izany ireo andriana dimy filohan’i Filistinina, dia niverina nankany Hekrôna.

1Samoela 6:18

Ireo totozy volamena kosa dia natao araka ny isan’ny tanàna filistinina rehetra nentin’ireo filoha dimy, manomboka amin’ny tanànamimanda ka hatramin’ny tanàna kely eny ambanivohitra. Ny vato lehibe nametrahana ny Vatamasin’ny TOMPO no vavolombelon’izany; mandraka androany io vato io mbola ao an-tsahan’i Josoà, lehilahy avy any Betỳ-Semesy.

1Samoela 6:4

Hoy kosa ny Filistinina hoe: –Fa inona àry no fanonerana haterinay aminy? Dia hoy ny navalin’ny mpisorona sy ny mpimasy: –Araka izay isan’ireo andriana filohan’ny Filistinina, dia mba anatero sarin-kitso volamena dimy sy totozy volamena dimy; fa aretina iray ihany no mahazo anareo rehetra mbamin’ny filohanareo.