Mpitsara 3:23 - DIEM PROTESTANTA

²³ Taorian’izany, rehefa avy nandrindrina sy nanidy ny varavaran’ilay efitrano i Ehoda, dia nivoaka avy teo am-baravarankely.

Baiboly Protestanta Malagasy 2011

²³ Dia nivoaka avy teo amin’ny lavarangana i Ehoda ka nandrindrina ireo varavaran’ilay efitrano ambony sady nohidiny.

Dikateny Iombonana Eto Madagasikara

²³ Taorian’izany, rehefa avy nandrindrina sy nanidy ny varavaran’ilay efitrano i Ehoda, dia nivoaka avy teo am-baravarankely.

Baiboly Katolika

²³ Ny tohatra any ivelany no nivoahan’i Aoda, ary ny varavaram-ben’ny trano ambony nohidiany tamin’ny karetsaka.

Baiboly Protestanta Malagasy

²³ Dia nivoaka teo amin’ny lavarangana Ehoda ka nandrindrina ny varavaran’ny trano ka nanidy azy tao.

Malagasy Bible

²³ Dia nivoaka teo amin'ny lavarangana Ehoda ka nandrindrina ny varavaran'ny trano ka nanidy azy tao.

La Bible en Malgache

²³ Dia nivoaka avy teo amin’ny lavarangana i Ehoda ka nandrindrina ireo varavaran’ilay efitrano ambony sady nohidiny.

Mpitsara 3:23 Rohy Ifampitohizana

2Samoela 13:18

Dia navoakan’ilay mpanompo izy; ary nohidiany ny varavarana, rehefa tafavoaka izy. Nanao akanjo lava misoratsoratra i Tamara; fa izany no fentin’ny zanakavavin’ny mpanjaka, raha mbola virijiny izy.

Mpitsara 3:20

Ny mpanjaka tamin’izay dia nipetraka tao amin’ny efitrano fihatsiatsiahana izay natokana ho azy teo an-tampontrano. Ary nanatona azy i Ehoda ka nanao hoe: –Misy teny avy amin’Andriamanitra nentiko ho anao. Dia nitsangana niala teo amin’ny sezany ny mpanjaka.

Mpitsara 3:22

Difotra mbamin’ny zarany sady voasaron’ny tavin’ity mpanjaka ny lelan-tsabatra, satria tsy notsoahin’i Ehoda teo amin’ny kibony.

Mpitsara 3:24

Ary nony tafavoaka izy, dia tonga ireo mpanompon’ny mpanjaka izay nahita fa mihidy ny efitrano fihatsiatsiahana; koa noheveriny fa mbola miavela ao ny mpanjaka.