Mpitsara 2:18 - DIEM PROTESTANTA

¹⁸ Koa isaky ny manangana mpitsara ho azy ny TOMPO, dia nomba izany mpitsara izany ka nanafaka ny Israelita tamin’ny fahefàn’ny fahavalony nandritra ny andro rehetra niainan’ilay mpitsara. Fa onena azy ny TOMPO, rehefa nitaraina izy noho ny nafitsok’ireo mpampahory sy mpampijaly azy.

Baiboly Protestanta Malagasy 2011

¹⁸ Ary rehefa nanangana mpitsara ho azy NY TOMPO dia nomba izany mpitsara izany Izy ka namonjy ny olona tamin’ny tanan’ny fahavalony, tamin’ny andro rehetra niainan’izany mpitsara izany; fa nalahelo azy NY TOMPO amin’ny fitarainany noho ny nataon’ireo mpampahory sy mpampijaly azy.

Dikateny Iombonana Eto Madagasikara

¹⁸ Koa isaky ny manangana mpitsara ho azy ny TOMPO, dia nomba izany mpitsara izany ka nanafaka ny Israelita tamin’ny fahefàn’ny fahavalony nandritra ny andro rehetra niainan’ilay mpitsara. Fa onena azy ny TOMPO, rehefa nitaraina izy noho ny nafitsok’ireo mpampahory sy mpampijaly azy.

Baiboly Katolika

¹⁸ Nony nanangana mpitsara ho azy ireo i Iaveh, dia nomban’i Iaveh izany mpitsara izany ka namonjy azy ireo tamin’ny tanan’ny fahavalony, tamin’ny andro rehetra niainan’ny mpitsara; satria nalahelo i Iaveh noho ny fitarainany teo anoloan’ireo nampahory sy nampijaly azy.

Baiboly Protestanta Malagasy

¹⁸ Ary rehefa nanangana mpitsara ho azy Jehovah, dia nomba izany mpitsara izany Izy ka namonjy ny olona tamin’ny tànan’ny fahavalony tamin’ ny andro rehetra niainan’izany mpitsara izany; fa nalahelo azy Jehovah amin’ny fitarainany noho ireo nampahory sy nampalahelo azy.

Malagasy Bible

¹⁸ Ary rehefa nanangana mpitsara ho azy Jehovah, dia nomba izany mpitsara izany Izy ka namonjy ny olona tamin'ny tanan'ny fahavalony tamin'ny andro rehetra niainan'izany mpitsara izany; fa nalahelo azy Jehovah amin'ny fitarainany noho ireo nampahory sy nampalahelo azy.

La Bible en Malgache

¹⁸ Ary rehefa nanangana mpitsara ho azy NY TOMPO dia nomba izany mpitsara izany Izy ka namonjy ny olona tamin’ny tanan’ny fahavalony, tamin’ny andro rehetra niainan’izany mpitsara izany; fa nalahelo azy NY TOMPO amin’ny fitarainany noho ny nataon’ireo mpampahory sy mpampijaly azy.

Mpitsara 2:18 Rohy Ifampitohizana

Genesisy 6:6

Koa nanenina IZY ary nalahelo ny fony tamin’ny nanaovany ny olombelona teto ambonin’ny tany.

2Mpanjaka 13:4

Nifona tamin’ny TOMPO anefa i Jôahaza, dia nihaino azy IZY satria hitany ny fampahorian’ny mpanjakan’i Siria an’i Israely;

Salamo 12:5

dia ireo izay manambara hoe: «Ny filàzanay no handresenay lahatra; hainay ny miteny, ka tsisy atahoranay!»

Salamo 90:13

TOMPO ô, mandra-pahoviana no mbola hitezeranao anay? Mba itodiho izahay mpanomponao ka amindrao fo.

Eksodosy 2:24

Nandre ny fitarainan’ny Israelita Andriamanitra ka nahatsiaro ny fanekempihavanana nataony tamin’i Abrahama sy i Itsehàka ary i Jakôba.

Eksodosy 3:12

Ary hoy Andriamanitra hoe: –Homba anao tokoa Aho; ary izao no porofo fa Izaho no naniraka anao: rehefa avy namoaka ny vahoaka israelita avy tany Ejipta ianao, dia hanao fanompoam-pivavahana amiko eto amin’ity tendrombohitra ity ianareo.

Eksodosy 32:14

Dia najanon’ny TOMPO tamin’izay ny loza nolazainy hamelezana ny vahoakany.

Hosea 11:8

«Hataoko ahoana anefa no hahafoy anao, ry Efraîma, na hamadika anao, ry Israely? Hataoko ahoana koa no hahafoy anao ho tahaka an’i Admà sy i Tsebôima? Onena anao ny foko ato amiko fa indray miontana ny fitiavako.

Jona 3:10

Rehefa hitan’Andriamanitra ny fihetsik’ireo Ninivita izay niala tamin’ny toetra ratsiny, dia niova fanapahan-kevitra Izy ka tsy nampihatra ny loza izay nolazainy hamelezany azy.

Nomery 10:9

«Raha hiantafika hiady amin’ny fahavalo izay mamely eo amin’ny taninareo ianareo, dia hotsofina ny trômpetra sady arahina hoby mba hampahatsiarovanareo Ahy TOMPO Andriamanitrareo hitsimbinako anareo ka hamonjeko anareo ho afaka amin’ny fahavalonareo.

Deoteronomia 32:36

Eny, homen’ny TOMPO rariny tokoa ny vahoakany rehefa hitany fa lany hery; hohasoaviny indray ireo manompo Azy rehefa hitany fa tsy misy ianteherany intsony.

Josoa 1:5

Ry Josoa, tsy misy olona hahatohitra anao mandritra ny androm-piainanao rehetra, fa homba anao Aho tahaka izay efa nombako an’i Mosesy. Tsy hanary anao Aho na handao anao na oviana na oviana.

Mpitsara 10:16

Dia narian’ny Israelita tsy ho eo anivon’izy ireo ny andriamani-kafa, ka notompoiny indray ny TOMPO Izay tsy nahazaka hijery ny fijalian’i Israely.

Mpitsara 11:32

Dia nihoatra ny sisin-tanin’ny Hamônita i Jiftà mba hiady aminy; ary natolotry ny TOMPO teo an-tanany ireo.

Mpitsara 2:19

Kanjo raha vao maty ilay mpitsara, dia miverina indray amin’ny ratsy fanaony mihoatra noho ireo razany ny Israelita, ka manompo andriamani-tsiizy sy miankohoka eo anatrehany. Tsy nialany akory ny ratsy fanaony sy ny toetra maditra mahazatra azy.

Mpitsara 3:9

Koa niantso vonjy tamin’ny TOMPO ny Israelita; ary IZY nanangana mpamonjy izay hanafaka ny Israelita, dia i Hôtniela, zanakalahin’i Kenaza izay zandrin’i Kaleba.

Mpitsara 6:12

Ary nisehoan’ilay anjelin’ny TOMPO izy ka nilazany hoe: –Ny TOMPO no momba anao, ry ilay mpiady mahery fo!

Mpitsara 6:16

Fa hoy kosa ny TOMPO taminy: –Homba anao Aho, ka toy ny famelezana olona iray monja no hamelezanao ny Midianita.