Mpitsara 2:18 - Baiboly Katolika

¹⁸ Nony nanangana mpitsara ho azy ireo i Iaveh, dia nomban’i Iaveh izany mpitsara izany ka namonjy azy ireo tamin’ny tanan’ny fahavalony, tamin’ny andro rehetra niainan’ny mpitsara; satria nalahelo i Iaveh noho ny fitarainany teo anoloan’ireo nampahory sy nampijaly azy.

Baiboly Protestanta Malagasy 2011

¹⁸ Ary rehefa nanangana mpitsara ho azy NY TOMPO dia nomba izany mpitsara izany Izy ka namonjy ny olona tamin’ny tanan’ny fahavalony, tamin’ny andro rehetra niainan’izany mpitsara izany; fa nalahelo azy NY TOMPO amin’ny fitarainany noho ny nataon’ireo mpampahory sy mpampijaly azy.

DIEM PROTESTANTA

¹⁸ Koa isaky ny manangana mpitsara ho azy ny TOMPO, dia nomba izany mpitsara izany ka nanafaka ny Israelita tamin’ny fahefàn’ny fahavalony nandritra ny andro rehetra niainan’ilay mpitsara. Fa onena azy ny TOMPO, rehefa nitaraina izy noho ny nafitsok’ireo mpampahory sy mpampijaly azy.

Dikateny Iombonana Eto Madagasikara

¹⁸ Koa isaky ny manangana mpitsara ho azy ny TOMPO, dia nomba izany mpitsara izany ka nanafaka ny Israelita tamin’ny fahefàn’ny fahavalony nandritra ny andro rehetra niainan’ilay mpitsara. Fa onena azy ny TOMPO, rehefa nitaraina izy noho ny nafitsok’ireo mpampahory sy mpampijaly azy.

Baiboly Protestanta Malagasy

¹⁸ Ary rehefa nanangana mpitsara ho azy Jehovah, dia nomba izany mpitsara izany Izy ka namonjy ny olona tamin’ny tànan’ny fahavalony tamin’ ny andro rehetra niainan’izany mpitsara izany; fa nalahelo azy Jehovah amin’ny fitarainany noho ireo nampahory sy nampalahelo azy.

Malagasy Bible

¹⁸ Ary rehefa nanangana mpitsara ho azy Jehovah, dia nomba izany mpitsara izany Izy ka namonjy ny olona tamin'ny tanan'ny fahavalony tamin'ny andro rehetra niainan'izany mpitsara izany; fa nalahelo azy Jehovah amin'ny fitarainany noho ireo nampahory sy nampalahelo azy.

La Bible en Malgache

¹⁸ Ary rehefa nanangana mpitsara ho azy NY TOMPO dia nomba izany mpitsara izany Izy ka namonjy ny olona tamin’ny tanan’ny fahavalony, tamin’ny andro rehetra niainan’izany mpitsara izany; fa nalahelo azy NY TOMPO amin’ny fitarainany noho ny nataon’ireo mpampahory sy mpampijaly azy.

Mpitsara 2:18 Rohy Ifampitohizana

Genesisy 6:6

Ka nanenina i Iaveh tamin’ny nahariany ny olombelona tambonin’ny tany; ary nalahelo tao am-pony Izy,

2Mpanjaka 13:4

Nitaraina tamin’i Iaveh i Jôakaza, dia nihaino azy i Iaveh, fa hitany ity fahorian’i Israely, tamin’ny nampijalian’ny mpanjakan’i Siria azy,

Salamo 12:5

izay milaza hoe: «Mankahery anay ny lelanay; miandany aminay ny molotray, ka iza indray no ho tomponay?»

Salamo 90:13

Miverena, ry Iaveh, mandra-pahoviana no?... Mamindrà fo amin’ny mpanomponao!

Eksodosy 2:24

Koa nohenoin’Andriamanitra ny fitarainany; tsaroany ny fanekeny tamin’i Abrahama sy i Isaaka ary i Jakôba.

Eksodosy 3:12

Dia hoy Andriamanitra: «Homba anao Aho; ary izao no famantarana fa Izaho no naniraka anao: Rehefa tafavoakanao an’i Ejipta ny vahoaka, dia hanompo an’Andriamanitra eto amin’ity tendrombohitra ity ianareo.»

Eksodosy 32:14

Dia nanenenan’i Iaveh ny ratsy nolazainy hafitsoka ny vahoakany.

Hosea 11:8

Hataoko ahoana no famoy anao, ry Efraima, na fanolotra anao, ry Israely? Hataoko ahoana no famela anao ho tahaka an’i Adamà, na fampanjary anao ho tahaka an’i Sebôima? Onena ny foko ato anatiko, ary indray miontana ny fangorahako rehetra.

Jona 3:10

Nahita ny nataon’izy ireo, sy ny nialany tamin’ny lalan-dratsiny Andriamanitra, ka nanenina tamin’ny loza voalazany hamelezana azy ireo Andriamanitra, ka dia tsy notanterahiny indray izany.

Nomery 10:9

Any amin’ny taninareo raha handeha hiantafika amin’ny fahavalo mananika anareo ianareo, dia hitsoka ny trômpetra mikarantsana, ka ho tonga ao amin’i Iaveh Andriamanitrareo ny fahatsiarovana anareo, ka ho voavonjy amin’ny fahavalonareo.

Deoteronomia 32:36

Fa homen’i Iaveh rariny ny vahoakany, ary nony mpanompony dia hanenina izy, rehefa hitany fa lany hery ireo, ka tsy misy sisa intsony na ny andevo na ny olona afaka.

Josoa 1:5

Tsy hisy olona hahatohitra anao amin’ny andro rehetra hiainanao: tahaka ny nombako an’i Môizy no hombako anao koa; tsy hahafoy anao Aho na handao anao.»

Mpitsara 10:16

Sady nariany tokoa ny andriamani-kafa teo aminy, dia nanompo an’i Iaveh izy ireo; koa ny fanahiny tsy nahajery fotsiny intsony ny fahorian’i Israely.

Mpitsara 11:32

Dia nandroso hamely ny taranak’i Amôna i Jefte, ary natolotr’i Iaveh teo an-tanany ireny,

Mpitsara 2:19

Rehefa maty anefa ny mpitsara dia nihasimba indray izy mihoatra noho ny razany indray aza, ka lasa nanaraka andriamani-kafa mba hanompo azy sy hiankohoka eo anatrehany, fa tsy niala amin’ny hadisoany amam-pikiribibiany.

Mpitsara 3:9

Fa nitaraina tamin’i Iaveh ny zanak’i Israely ka nananganan’i Iaveh mpanafaka izay namonjy azy izy, dia Otoniela zanak’i Keneza, zandrin’i Kaleba.

Mpitsara 6:12

Niseho taminy ny Anjelin’i Iaveh ka nanao taminy hoe: «Momba anao i Iaveh, ry lehilahy mahery.» Fa hoy i Jedeôna taminy:

Mpitsara 6:16

Fa i Iaveh nanao taminy hoe: «Homba anao Aho, ka horesenao toy ny olona iray monja i Madiàna».