Mpitsara 2:17 - DIEM PROTESTANTA

¹⁷ Kanefa ny Israelita tsy nankatò ihany koa ireo mpitsara azy, fa nandeha nanao fanompoan-tsampy tamin’ireo andriamani-tsiizy ka niankohoka teo anatrehany. Nalaky niala ny lalana izay nizoran’ireo razany tamin’ny fankatoavana ny didin’ny TOMPO izy, fa tsy mba nanahaka azy.

Baiboly Protestanta Malagasy 2011

¹⁷ Nefa na dia ireo mpitsara teo aminy aza dia tsy mba nohenoiny fa nandeha nijangajanga nanaraka andriamanitra hafa izy ka niankohoka teo anatrehan’ireny; nalaky nivily niala tamin’ny lalana nandehanan’ireo razany izay nanaraka ny didin’NY TOMPO izy; tsy mba araka izany no nataony.

Dikateny Iombonana Eto Madagasikara

¹⁷ Kanefa ny Israelita tsy nankatò ihany koa ireo mpitsara azy, fa nandeha nanao fanompoan-tsampy tamin’ireo andriamani-tsiizy ka niankohoka teo anatrehany. Nalaky niala ny lalana izay nizoran’ireo razany tamin’ny fankatoavana ny didin’ny TOMPO izy, fa tsy mba nanahaka azy.

Baiboly Katolika

¹⁷ nefa tsy nihaino izay mpitsarany akory izy; fa nandeha nitolo-teny tamin’ny andriamani-kafa, sy niankohoka teo anoloan’ireny. Nalaky nivily izy tamin’ny lalana nomban’ny razany, izay nitandrina ny didin’i Iaveh; tsy nanao tahaka izany izy.

Baiboly Protestanta Malagasy

¹⁷ Fa na dia ny mpitsara azy aza dia tsy mba nohenoiny, fa nandeha nijangajanga nanaraka andriamani-kafa izy ka niankohoka teo anatrehany; nivily faingana niala tamin’ny làlana izay nandehanan’ny razany nanaraka ny didin’i Jehovah izy, fa tsy mba nanaraka izany.

Malagasy Bible

¹⁷ Fa na dia ny mpitsara azy aza dia tsy mba nohenoiny, fa nandeha nijangajanga nanaraka andriamani-kafa izy ka niankohoka teo anatrehany; nivily faingana niala tamin'ny lalana izay nandehanan'ny razany nanaraka ny didin'i Jehovah izy, fa tsy mba nanaraka izany.

La Bible en Malgache

¹⁷ Nefa na dia ireo mpitsara teo aminy aza dia tsy mba nohenoiny fa nandeha nijangajanga nanaraka andriamanitra hafa izy ka niankohoka teo anatrehan’ireny; nalaky nivily niala tamin’ny lalana nandehanan’ireo razany izay nanaraka ny didin’NY TOMPO izy; tsy mba araka izany no nataony.

Mpitsara 2:17 Rohy Ifampitohizana

Salamo 106:39

Nozimbainy tamin’ny nataony koa ny tenany fony izy nivadika tamin’ny Tompo Andriamaniny.

Salamo 106:43

Imbetsaka izy no nafahan’ny Tompo, saingy nikiry tamin’ny fikomiany ka nilentika tanaty heloka hatrany.

Salamo 73:27

Indro very izay mihataka aminao ary aringanao izay rehetra mandao Anao.

Eksodosy 32:8

Nalaky nivily hiala tamin’ny lalana izay nasaiko nalehany izy, fa nanamboatra sarivongana ombilahikely ho azy, sady niankohoka taminy ary nanao sorona ho azy. Nilaza aza izy hoe: «Ity no andriamanitsika izay namoaka antsika hiala tany Ejipta!»

Jeremia 3:6

Tamin’ny andron’i Jôsià mpanjaka dia hoy ny TOMPO tamiko: –Hitanao ve izay nataon’i Israely mpiodina? Nankeny amin’ny havoana rehetra sy teny am-pototry ny hazo maitso rehetra izy ka nanolo-tena hijangajanga.

Jeremia 6:16

Izao no lazain’ny TOMPO: Mijanòna eny an-dalana ianareo ka mandiniha; ary anontanio ny sakeli-dalana fahiny. Tadiavo ny lalana ho amin’ny fahasambarana; araho izany, dia hahita fitsaharana ho an’ny fanahinareo ianareo! Kanefa hoy izy hoe: «Tsy hanaraka izahay!»

Hosea 2:2

Dia hiray hina ny taranak’i Joda sy ny taranak’i Israely ka hifidy filoha tokana ary hanenika ny taniny: fa ho lehibe ny andron’i Jizrehèla.

Levitikosy 17:7

Ny sorona fanaon’ny Israelita dia tsy hatolony intsony ho an’ny fanahy ratsy miendrika osilahy, izay nanaovany fanompoan-tsampy. Lalàna raikitra ho azy ireo hatrany hatrany izany.

Amosa 2:4

Izao no lazain’ny TOMPO: «Fahotana mifanesy no vitan’ny mponin’i Joda, fa indrindra ireto: Nanao tsinontsinona ny fampianarako izy ary tsy nitandrina ny didiko sady nanaiky ho voafitaky ny andriamanitra sampy izay efa notompoin’ireo razany. Noho izany, dia tsy hahemotro ny sazy momba azy:

Galatiana 1:6

Gaga aho fa tsy toy inona akory dia ilaozanareo ilay Andriamanitra niantso anareo tamin’ny fahasoavan’i Kristy, ka dia Vaovao Mahafaly hafa no itodihanareo.

Deoteronomia 31:16

Dia hoy ny TOMPO tamin’i Mosesy: –Indro hodimandry any amin’ny razanao ianao; ary ity vahoaka ity kosa hiainga hanompo sampy ka hanaraka andriamani-kafa tompoina any amin’ny tany izay efa hidirany honenana. Hilaozany Aho ary hivadihany ny fanekempihavanana izay nataoko taminy.

Deoteronomia 31:18

Eny, hafeniko aminy tokoa ny tavako amin’izany andro izany noho ny ratsy rehetra izay nataony tamin’ny niviliany hanaraka andriamani-kafa.

Deoteronomia 9:12

Tamin’izay dia hoy ny TOMPO tamiko: «Mialà teto ianao, ka ndeha midina faingana; fa nihasimba ilay vahoaka izay nafahanao avy tany Ejipta, nalaky nivily niala tamin’ny sori-dàlana efa nasaiko nizorany ka nanao sarin-tsampy ho azy tamin’ny metaly nempoina!»

Deoteronomia 9:16

Nijery aho ka indreo tokoa fa nanota tamin’ny TOMPO ianareo, satria nanao ombilahikely tamin’ny metaly nempoina mba ho sampinareo ary nalaky nivily niala tamin’ny sori-dàlana izay efa nasain’ny TOMPO nizoranareo.

Josoa 24:24

Ka niteny tamin’i Josoa ny vahoaka hoe: –Ny TOMPO Andriamanitray no hotompoinay ary ny baikony no hankatoavinay.

Josoa 24:31

Nandritra ny andro rehetra niainan’i Josoa, dia nanompo ny TOMPO ireo Israelita; ary taorian’ny nahafatesan’i Josoa, dia nitohy izany nandritra ny andro rehetra niainan’ireo loholona izay nahita maso ny asa rehetra nataon’ny TOMPO ho an’i Israely.

Mpitsara 2:7

Ary ny vahoaka dia nanompo ny TOMPO nandritra ny andro rehetra niainan’i Josoa ary koa taorian’ny nahafatesany, izany hoe nandritra ny andro rehetra niainan’ireo loholona izay nahita ny zava-dehibe isan-karazany nataon’ny TOMPO ho an’i Israely.

Mpitsara 8:33

Rehefa maty i Gidehôna, dia nanompo an’i Bahala indray ny Israelita ary nanao an’i Bahala-Berita ho andriamaniny.

1Samoela 12:12

Kanjo rehefa hitanareo fa avy hanafika anareo ny Nahasy mpanjakan’ny Hamônita, dia hoy ianareo tamiko: «Mila mpanjaka izahay!»; toy ny hoe tsy mpanjakanareo ny TOMPO Andriamanitra.

1Samoela 12:17

Tsy izao ve no fotoam-pijinjam-barim-bazaha? Hivavaka amin’ny TOMPO aho, dia hampikotroka ny andro sy hampilatsaka ny orana Izy; koa dia ho tsapanareo ny halehiben’ny ratsy vitanareo tamin’ny TOMPO raha nangataka mpanjaka ianareo.

1Samoela 12:19

Dia hoy ny besinimaro tamin’i Samoela: –Ivavaho amin’ny TOMPO Andriamanitrao izahay mba tsy ho faty, fa fahotana maro no efa vitanay ankoatra ny fangatahanay mpanjaka ho anay.