Mpitsara 2:17 - Baiboly Protestanta Malagasy

¹⁷ Fa na dia ny mpitsara azy aza dia tsy mba nohenoiny, fa nandeha nijangajanga nanaraka andriamani-kafa izy ka niankohoka teo anatrehany; nivily faingana niala tamin’ny làlana izay nandehanan’ny razany nanaraka ny didin’i Jehovah izy, fa tsy mba nanaraka izany.

Baiboly Protestanta Malagasy 2011

¹⁷ Nefa na dia ireo mpitsara teo aminy aza dia tsy mba nohenoiny fa nandeha nijangajanga nanaraka andriamanitra hafa izy ka niankohoka teo anatrehan’ireny; nalaky nivily niala tamin’ny lalana nandehanan’ireo razany izay nanaraka ny didin’NY TOMPO izy; tsy mba araka izany no nataony.

DIEM PROTESTANTA

¹⁷ Kanefa ny Israelita tsy nankatò ihany koa ireo mpitsara azy, fa nandeha nanao fanompoan-tsampy tamin’ireo andriamani-tsiizy ka niankohoka teo anatrehany. Nalaky niala ny lalana izay nizoran’ireo razany tamin’ny fankatoavana ny didin’ny TOMPO izy, fa tsy mba nanahaka azy.

Dikateny Iombonana Eto Madagasikara

¹⁷ Kanefa ny Israelita tsy nankatò ihany koa ireo mpitsara azy, fa nandeha nanao fanompoan-tsampy tamin’ireo andriamani-tsiizy ka niankohoka teo anatrehany. Nalaky niala ny lalana izay nizoran’ireo razany tamin’ny fankatoavana ny didin’ny TOMPO izy, fa tsy mba nanahaka azy.

Baiboly Katolika

¹⁷ nefa tsy nihaino izay mpitsarany akory izy; fa nandeha nitolo-teny tamin’ny andriamani-kafa, sy niankohoka teo anoloan’ireny. Nalaky nivily izy tamin’ny lalana nomban’ny razany, izay nitandrina ny didin’i Iaveh; tsy nanao tahaka izany izy.

Malagasy Bible

¹⁷ Fa na dia ny mpitsara azy aza dia tsy mba nohenoiny, fa nandeha nijangajanga nanaraka andriamani-kafa izy ka niankohoka teo anatrehany; nivily faingana niala tamin'ny lalana izay nandehanan'ny razany nanaraka ny didin'i Jehovah izy, fa tsy mba nanaraka izany.

La Bible en Malgache

¹⁷ Nefa na dia ireo mpitsara teo aminy aza dia tsy mba nohenoiny fa nandeha nijangajanga nanaraka andriamanitra hafa izy ka niankohoka teo anatrehan’ireny; nalaky nivily niala tamin’ny lalana nandehanan’ireo razany izay nanaraka ny didin’NY TOMPO izy; tsy mba araka izany no nataony.

Mpitsara 2:17 Rohy Ifampitohizana

Salamo 106:39

Ary naloto tamin’ny asany izy Ary nahatonga azy ho mijangajanga ny nataony.

Salamo 106:43

Matetika Izy no nahafaka azy; Fa ireo kosa niodina taminy ihany araka ny fisainany Ka nihalevona noho ny helony.

Salamo 73:27

Fa, indro, very izay lavitra Anao; Aringanao izay rehetra mijangajanga mahafoy Anao.

Eksodosy 32:8

Nalaky nivily niala amin’ny làlana izay nasaiko nalehany izy ka efa nanao ombilahy kely an-idina ho azy; ary efa niankohoka teo anatrehany sy namono zavatra hatao fanatitra taminy izy ka nanao hoe: Io no andriamanitrao, ry Isiraely, izay nitondra anao niakatra avy tany amin’ny tany Egypta.

Jeremia 3:6

ARY hoy Jehovah tamiko tamin’ny andro nanjakan’i Josia mpanjaka: Moa efa hitanao va izay nataon’Isiraely mpiodina? Niakatra ho eny amin’ny tendrombohitra avo rehetra sy ho eny ambanin’ny hazo maitso rehetra izy ka nijangajanga teny.

Jeremia 6:16

Izao no lazain’i Jehovah: Mijanòna eo an-dàlana hianareo, ka izahao, Ary anontanio izay làlana masaka hatry ny ela. Dia izay làlana mankany amin’ny tsara, Ka iny no izory, Dia hahita fitsaharana ho an’ny fanahinareo hianareo; Nefa hoy izy: Tsy hizotra izahay.

Hosea 2:2

Dia hiara-mivory ny taranak’i Joda sy ny taranak’Isiraely ka hifidy anankiray ho lohany izy, dia hiakatra hiala amin’ny tany; fa ho lehibe ny andron’i Jezirela.

Levitikosy 17:7

Ary tsy hateriny intsony ny fanatiny ho an’ny Seïrima izay nijangajangany. Ho lalàna mandrakizay hatramin’ny taranany fara mandimby izany.

Amosa 2:4

Izao no lazain’i Jehovah: Noho ny fahotana telon’i Joda, eny, efatra aza, Dia tsy havelako izy, Satria nataony tsinontsinona ny lalàn’i Jehovah, Ary ny didiny tsy notandremany, Ary nampahadiso azy ny laingany, izay fanaon’ny razany;

Galatiana 1:6

GAGA aho, raha mifindra faingana toy izao hianareo hiala amin’Izay efa niantso anareo tamin’ny fahasoavan’i Kristy ho amin’ny filazantsara hafa,

Deoteronomia 31:16

Ary hoy Jehovah tamin’i Mosesy: Indro fa hodi-mandry any amin’ny razanao hianao; ary hitsangana ity firenena ity ka hijangajanga hanaraka ny andriamani-kafa any amin’ny tany izay efa hidirany honenana, dia hahafoy Ahy izy ka hivadika ny fanekeko izay nataoko taminy.

Deoteronomia 31:18

Ary Izaho dia hanafina ny tavako tokoa amin’izany andro izany noho ny ratsy rehetra izay nataony, fa nivily nanaraka andriamani-kafa izy.

Deoteronomia 9:12

Dia hoy Jehovah tamiko: Miaingà, ka midina faingana hiala etỳ hianao; fa efa nanao ratsy ny olonao izay nentinao nivoaka avy tany Egypta; efa nalaky nivily niala tamin’ny làlana izay efa nasaiko nalehany izy ka nanao sarin-javatra an-idina ho azy.

Deoteronomia 9:16

Ary nijery aho, ka, indro, efa nanota tamin’i Jehovah Andriamanitrareo hianareo ka nanao ombilahy kely an-idina ho anareo; nalaky nivily hianareo niala tamin’ny làlana izay efa nasain’i Jehovah nalehanareo.

Josoa 24:24

Dia hoy ny vahoaka tamin’i Josoa: Jehovah Andriamanitray no hotompoinay, ary ny feony no hohenoinay.

Josoa 24:31

Ary nanompo an’i Jehovah ny Isiraely tamin’ny andro rehetra niainan’i Josoa sy tamin’ny andro rehetra niainan’ny loholona izay velona taorian’i Josoa ka nahalala ny asa rehetra izay nataon’i Jehovah ho an’ny Isiraely.

Mpitsara 2:7

Ary nanompo an’i Jehovah ny vahoaka tamin’ny andro rehetra niainan’i Josoa sy tamin’ny andro rehetra niainan’ny loholona izay velona taorian’i Josoa, dia ireo izay efa nahita ny asa lehibe rehetra nataon’i Jehovah ho an’ny Isiraely.

Mpitsara 8:33

Ary rehefa maty Gideona, dia nijangajanga nanaraka ireo Bala indray ny Zanak’Isiraely ka nanao an’i Bala-berita ho andriamaniny.

1Samoela 12:12

Kanjo nony hitanareo fa avy hiady taminareo Nahasy, mpanjakan’ny Amonita, dia hoy hianareo tamiko: Tsia, fa aoka hisy mpanjaka hanjaka aminay; kanefa Jehovah Andriamanitrareo no mpanjakanareo.

1Samoela 12:17

Moa tsy taom-pijinjana vary tritika va izao? Hiantso an’i Jehovah aho, ary hahatonga kotrokorana sy orana Izy, dia ho hitanareo sy ho fantatrareo fa lehibe ny ratsy nataonareo teo imason’i Jehovah, satria nangataka mpanjaka hianareo.

1Samoela 12:19

Dia hoy ny vahoaka rehetra tamin’i Samoela: Mangataha amin’i Jehovah Andriamanitrao ho an’ny mpanomponao, fandrao maty izahay! fa efa nanao izao ratsy izao izahay ho fanampin’ny fahotanay rehetra, satria nangataka mpanjaka ho anay.