Mpitsara 18:5 - DIEM PROTESTANTA

⁵ Fa hoy indray ireo taminy: –Andeha àry mba anontanio Andriamanitra hahafantaranay na hahomby izao dianay izao na tsia.

Baiboly Protestanta Malagasy 2011

⁵ Hoy izy ireo taminy: Miangavy anao izahay, manontania amin’Andriamanitra hahafantaranay na hambinina amin’ny lalana alehanay izahay na tsia.

Dikateny Iombonana Eto Madagasikara

⁵ Fa hoy indray ireo taminy: –Andeha àry mba anontanio Andriamanitra hahafantaranay na hahomby izao dianay izao na tsia.

Baiboly Katolika

⁵ Ary hoy ireo taminy: «Raha izany àry, anontanio kely Andriamanitra mba hahalalanay raha ho tsara ny dianay».

Baiboly Protestanta Malagasy

⁵ Dia hoy izy ireo taminy: Masìna hianao, manontania amin’Andriamanitra mba ho fantatray na hambinina amin’ny làlana alehanay izahay, na tsia.

Malagasy Bible

⁵ Dia hoy izy ireo taminy: Masìna ianao, manontania amin'Andriamanitra mba ho fantatray na hambinina amin'ny lalana alehanay izahay, na tsia.

La Bible en Malgache

⁵ Hoy izy ireo taminy: Miangavy anao izahay, manontania amin’Andriamanitra hahafantaranay na hambinina amin’ny lalana alehanay izahay na tsia.

Mpitsara 18:5 Rohy Ifampitohizana

1Mpanjaka 22:5

Mbola niteny tamin’ny mpanjakan’i Israely indray i Jôsafata ka nanao hoe: –Mba anontanio aloha ny TOMPO.

2Mpanjaka 16:15

Ary nanome izao baiko izao an’i Orià mpisorona i Ahaza nanao hoe: –Ny alitara lehibe no hampiasainao: eo no hanoloranao ny sorona dorana manontolo isa-maraina sy ny fanatitra lafarinina isan-kariva, ny sorona dorana manontolo sy ny fanatitra lafarinina entin’ny mpanjaka ary ny sorona dorana manontolo mbamin’ny fanatitra lafarinina sy divay entin’ny vahoaka rehetra; hararakao eo koa ny ran’ireo biby natao sorona. Fa ny amin’ny alitara halimo kosa dia mbola handraisako fanapahan-kevitra manokana.

Isaia 30:1

Lozanareo zanaka maditra, hoy ny TOMPO! Manao tetikasa ianareo, nefa tsy avy amiko ireny; manao fifanekena, nefa tsy araka ny Fanahiko. Heloka ampiana heloka izany.

Ezekiela 21:21

Ry sabatra maranitra ô, kapao mihodin-kavanana sy mihodin-kavia, na aiza na aiza voatendry hamelezanao.

Hosea 4:12

Mila saina amin’ny tapa-kazony ny oloko; ary ny tehiny no manoro hevitra azy. Fa rivotry ny fivarotan-tena no mitsoka eo aminy ka mampania azy. Koa dia lasa nivaro-tena niala tamin’Andriamaniny izy.

Asan’ny Apostoly 8:10

Babony daholo ny olona, hatramin’ny kely ka hatramin’ny lehibe, ka vaky vava hoe: –Ity lehilahy ity no herin’Andriamanitra, dia ilay antsoina hoe «hery lehibe».

Mpitsara 17:13

Dia hoy i Mikà anakampo hoe: «Azoko antoka izao fa hanisy soa ahy ny TOMPO, satria ity levita ity no efa tonga mpisoroko.»

Mpitsara 17:5

Fa ity lehilahy atao hoe Mikà ity dia nanana toeram-pivavahana iray sady efa nampamboatra koa efôda mbamin’ny terafima; ary ny zanany lahy anankiray no natokany ho mpisorona.

Mpitsara 18:14

Dia hoy izy dimy lahy izay nisafo ny faritanin’i Laîsy tamin’ny namany: –Fantatrareo ve fa ny iray amin’ireo trano ireo dia misy efôda sy terafima ary sampy vita sarivongana metaly narendrika? Ankehitriny hevero izay tokony hataonareo.

Mpitsara 18:4

Dia namaly azy izy hoe: –Zavatra isan-karazany no nataon’i Mikà tamiko; izy no manarama ahy, ka dia tonga mpisorony aho.

Mpitsara 18:6

Dia hoy ilay mpisorona taminy: –Mandehana ombàm-piadanana, fa miahy anareo ny TOMPO amin’izao dianareo izao.

1Samoela 9:9

Dia hoy i Saoly hoe: –Marina ny anao; andeha àry isika ho any. Ary lasa izy ireo nankany an-tanànan’ilay lehilahin’Andriamanitra. Teny an-dalana izy ireo dia sendra tovovavy nandeha hantsaka izay nanontaniany hoe: –Ao ihany ve ilay mpahita izay? (Fahiny teo amin’ny Israely dia fanaon’ny olona izay te hanontany mivantana an’Andriamanitra ny manao hoe: «Andeha isika ho any amin’ny mpahita.» Fa izay antsoina ankehitriny hoe «mpaminany» manko no nantsoina taloha hoe «mpahita.»)