Mpitsara 14:4 - DIEM PROTESTANTA

⁴ Tsy fantatry ny ray aman-dreniny fa ny TOMPO mihitsy no namelona izany faniriana izany tao amin’i Samsôna mba hahazoany miady amin’ny Filistinina, satria tamin’izany fotoana izany dia ny Filistinina no nanjaka tamin’ny Israelita.

Baiboly Protestanta Malagasy 2011

⁴ Tsy fantatry ny rainy sy ny reniny fa avy tamin’NY TOMPO izany satria nitady izay hiadiany amin’ny Filistina Izy. Fa tamin’izany andro izany dia ny Filistina no nifehy ny Israely.

Dikateny Iombonana Eto Madagasikara

⁴ Tsy fantatry ny ray aman-dreniny fa ny TOMPO mihitsy no namelona izany faniriana izany tao amin’i Samsôna mba hahazoany miady amin’ny Filistinina, satria tamin’izany fotoana izany dia ny Filistinina no nanjaka tamin’ny Israelita.

Baiboly Katolika

⁴ Tsy nahalala rainy aman-dreniny fa avy amin’Andriamanitra izany, satria izy nitady antony hananganan’ny Filistinina ady. Nanapaka an’i Israely tamin’izany andro izany ny Filistinina.

Baiboly Protestanta Malagasy

⁴ Fa tsy fantatry ny rainy sy ny reniny fa avy tamin’i Jehovah izany, satria nitady izay hiadiany tamin’ny Filistina Izy; fa tamin’izany andro izany ny Filistina no nanapaka ny Isiraely.

Malagasy Bible

⁴ Fa tsy fantatry ny rainy sy ny reniny fa avy tamin'i Jehovah izany, satria nitady izay hiadiany tamin'ny Filistina Izy; fa tamin'izany andro izany ny Filistina no nanapaka ny Isiraely.

La Bible en Malgache

⁴ Tsy fantatry ny rainy sy ny reniny fa avy tamin’NY TOMPO izany satria nitady izay hiadiany amin’ny Filistina Izy. Fa tamin’izany andro izany dia ny Filistina no nifehy ny Israely.

Mpitsara 14:4 Rohy Ifampitohizana

1Mpanjaka 12:15

Koa tsy nankatò ny fitakian’ny vahoaka ny mpanjaka; fa ny TOMPO no nahatonga izany zavatra izany mba hahatanteraka ny fampanantenana izay nampilazainy an’i Ahià mpaminany avy any Silao tamin’i Jerôbohama zanakalahin’i Nebata.

1Mpanjaka 12:24

fa izao no lazain’ny TOMPO: «Aza mandeha hiady amin’ny Israelita tavaratra mpiray firenena aminareo; samia mody any an-tranony avy ianareo, satria Izaho no nahatonga izao zavatra izao.» Dia nankatoavin’ny olona izany tenin’ny TOMPO izany, ka samy lasa nody tokoa izy araka ny tenin’ny TOMPO.

2Mpanjaka 6:33

Raha mbola niteny i Elisà dia tonga ny mpanjaka nanao hoe: –Ny TOMPO no mandefa amintsika izao loza rehetra izao! Ka inona intsony no azoko antenaina aminy?

2Tantara 10:15

Koa tsy nankatò ny fitakian’ny vahoaka ny mpanjaka; fa ny TOMPO no nahatonga izany zavatra izany hahatanteraka ny fampanantenana izay nampilazainy an’i Ahià avy any Silao tamin’i Jerôbohama zanakalahin’i Nebata.

2Tantara 22:7

Avy tamin’Andriamanitra ny loza nanjo an’i Ahazià tamin’ny nankanesany hamangy an’i Jôrama; nony tonga manko izy, dia niara-niainga tamin’i Jôrama mba hitsena an’i Jehò, zanakalahin’i Nimsỳ sady nohosoran’ny TOMPO ho mpanjaka mba handringana ny taranak’i Ahaba.

2Tantara 25:20

Kanefa tsy nanaiky i Amatsià; avy tamin’Andriamanitra rahateo izany, satria tiany hatolotra eo an-tanan’ny fahavalo i Amatsià sy ny tafiny noho ireo nivavaka tamin’ny andriamanitry ny Edômita.

Salamo 115:3

Ilay Andriamanitray dia any an-danitra, ka efany avokoa izay tiany hatao.

Daniela 6:4

Ary nihoaran’io Daniela io avokoa ireo mpitantan-draharaha anankiroa sy ireo solotenan’andriamanjaka tamin’ny fananany fanahy tena fatratra, koa nokasain’ny mpanjaka hatao lehibe eo amin’ny fanjakana manontolo izy.

Deoteronomia 28:48

dia ho mpanompon’ny fahavalo halefan’ny TOMPO hamely anareo, ka hianjadian’ny hanoanana sy hetaheta ary hihafy amin’ny fitafiana sy ny zavatra isan-karazany. Hanisy zioga vy eo an-tsorokareo ny Tompo, mandra-pandringany anareo.

Josoa 11:20

Ny TOMPO manko no nahatonga azy ireny ho mafy fo ka hihantsy ady tamin’ny Israelita mba handringanana azy tanteraka tsy misy indrafo, satria tsy maintsy naringana ireny araka izay efa nandidian’ny TOMPO an’i Mosesy.

Mpitsara 13:1

Ary mbola nanao ratsy eo imason’ny TOMPO indray ny Israelita, ka natolotry ny TOMPO teo an-tanan’ny Filistinina nandritra ny efapolo taona.

Mpitsara 14:5

Dia niainga hankany Timnà i Samsôna. Nony tonga tao amin’ny tanim-boaloboka akaikin’i Timnà izy, dia nisy liona tanora nierona nanatona azy.

Mpitsara 15:11

Dia nandeha nankany amin’ny tsefatsefak’ilay harambato tao Hetama ny vatan-dehilahy andiany telo tamin’ny fokon’i Joda ka niteny tamin’i Samsôna hoe: –Moa tsy fantatrao ve fa ny Filistinina no manjaka amintsika? Koa inona izao nataonao taminay izao? Dia novaliany hoe: –Araka izay nataony tamiko no nataoko taminy.

Mpitsara 15:3

Dia hoy i Samsôna taminy: –Amin’izao indray mandeha izao dia afa-tsiny aho raha hanao ratsy amin’ny Filistinina.