Mpitsara 1:4 - DIEM PROTESTANTA

⁴ ka niara-nanafika izy roa tonta. Dia natolotry ny TOMPO azy ny Kanahanita sy ny Perizita, ka nahafatesany vatan-dehilahy andiany folo tao Bezèka.

Baiboly Protestanta Malagasy 2011

⁴ Dia niakatra i Joda, ary natolotry NY TOMPO teo an-tanany ny Kananita sy ny Perizita ka nahafaty iray alin-dahy tany Bezeka izy.

Dikateny Iombonana Eto Madagasikara

⁴ ka niara-nanafika izy roa tonta. Dia natolotry ny TOMPO azy ny Kanahanita sy ny Perizita, ka nahafatesany vatan-dehilahy andiany folo tao Bezèka.

Baiboly Katolika

⁴ Niakatra i Jodà ary natolotr’i Iaveh teo an-tanany ny Kananeanina sy ny Ferezeanina. Lehilahy iray alina no resiny tao Bezeka.

Baiboly Protestanta Malagasy

⁴ Dia niakatra Joda, ary natolotr’i Jehovah teo an-tànany ny Kananita sy ny Perizita, ka nahafaty iray alin-dahy tany Bezeka izy.

Malagasy Bible

⁴ Dia niakatra Joda, ary natolotr'i Jehovah teo an-tànany ny Kananita sy ny Perizita, ka nahafaty iray alin-dahy tany Bezeka izy.

La Bible en Malgache

⁴ Dia niakatra i Joda, ary natolotry NY TOMPO teo an-tanany ny Kananita sy ny Perizita ka nahafaty iray alin-dahy tany Bezeka izy.

Mpitsara 1:4 Rohy Ifampitohizana

1Mpanjaka 22:15

Rehefa tonga teo anatrehan’ny mpanjaka izy, dia nanontaniany hoe: –Ry Mikaià, handeha hanafika an’i Ramôta-Gilehada ve isika sa hijanona ihany? Ka hoy ny navaliny azy: –Mandehana fa handresy ianao, ry andriamanjaka, ary hatolotry ny TOMPO eo an-tananao io tanàna io.

1Mpanjaka 22:6

Ary novorin’ny mpanjakan’i Israely ny mpaminaniny tokony ho efajato ka nanontaniany hoe: –Handeha hanafika an’i Ramôta-Gilehada ve aho, sa tsia? Dia novalian’ireo hoe: –Mandehana fa hatolotry ny Tompo eo an-tananao ny tanàna.

Salamo 44:2

Andriamanitra ô, ny sofinay no nandre ny razanay no nitantara taminay ireo zava-bitanao fahiny tamin’ny andro fahavelony.

Salamo 78:55

noroahiny ny firenen-kafa teo anoloany, nozarainy antsapaka ho azy ny taniny; ka ny tranon’ireo firenen-kafa ireo ihany no nampitoerany ny fokon’i Israely.

Deoteronomia 7:2

Rehefa hatolotry ny TOMPO Andriamanitrareo ho eo ambany fahefànareo ireny ka horesenareo, dia ataovy ringana tanteraka. Aza manao fanekempihavanana aminy na mamindrafo aminy.

Deoteronomia 9:3

Ho tsapanareo anio fa ny TOMPO Andriamanitrareo no efa hiampita eo alohanareo tahaka ny afo mandevona, ka Izy mihitsy no handringana ireny firenena ireny sy hampietry azy eo anoloanareo; dia handroaka azy ianareo ka hamongotra azy faingana, araka izay nampanantenain’ny TOMPO taminareo.

Mpitsara 1:3

Dia hoy ny vatan-dehilahin’i Joda tamin’ny taranak’i Simehôna rahalahin’i Joda hoe: –Andeha hiaraka aminay haka ny faritany natokana ho anay, ka hiarahantsika manafika ny Kanahanita; avy eo dia haka ny faritaninareo miaraka aminareo koa izahay. Dia nikambana tamin’ny vatan-dehilahin’i Joda ny olona tao amin’ny fokon’i Simehôna,

Mpitsara 1:5

Hitany tao Bezèka ny mpanjaka Adônỳ-Bezèka ka notafihiny, ary resiny ny Kanahanita sy ny Perizita.

Mpitsara 11:32

Dia nihoatra ny sisin-tanin’ny Hamônita i Jiftà mba hiady aminy; ary natolotry ny TOMPO teo an-tanany ireo.

Mpitsara 3:5

Toy izany no nahatonga ny Israelita honina teo anivon’ny Kanahanita sy ny Hetita ary ny Amôrita mbamin’ny Perizita sy ny Hivita ary ny Jebosita.

1Samoela 11:8

Nampanaovin’i Saoly matso tao Bezeka izy ireo, dia noisainy ka nahatratra andiany telonjato ny avy amin’ireo foko tavaratra ary andiany telopolo ny avy amin’ny fokon’i Joda.

1Samoela 14:10

Fa raha tàhiny kosa izy manao amintsika hoe: «Miakara etỳ aminay», dia hiakatra isika, satria izay no famantarana ho antsika fa natolotry ny TOMPO horesentsika ireo.

1Samoela 14:6

Dia hoy izany i Jônatàna tamin’ny mpanompony: –Andeha hotafihintsika ny tobin’ireo tsy mifora ireo, sao mba homba antsika ihany ny TOMPO, fa tsy misy manakana AZY tsy hanome antsika ny fandresena, na maro isika na vitsy.