Mika 6:9 - DIEM PROTESTANTA

⁹ Fahendrena ny manaja ny TOMPO! Miantso ny ao an-drenivohitra Izy manao hoe: «Mihainoa, ianareo ry fokon’i Joda sy ry loholona mivory eto an-drenivohitra!

Baiboly Protestanta Malagasy 2011

⁹ Manaitra ny tanàna ny feon’NY TOMPO ary mahita ny anaranao ny hendry; henoinareo ny tsorakazo sy izay nanendry azy!

Dikateny Iombonana Eto Madagasikara

⁹ Fahendrena ny manaja ny TOMPO! Miantso ny ao an-drenivohitra Izy manao hoe: «Mihainoa, ianareo ry fokon’i Joda sy ry loholona mivory eto an-drenivohitra!

Baiboly Katolika

⁹ Miantso mafy miteny amin’ny tanàna ny feon’i Iaveh - ary fahendrena kosa ny manaja ny Anaranao: - Mihainoa ianareo, ny tsora-kazo, mbamin’izay nandidy azy!

Baiboly Protestanta Malagasy

⁹ Manaitra ny tanàna ny feon’i Jehovah, Ary mahita ny anaranao ny hendry; Henoinareo ny tsorakazo sy Izay nanendry azy.

Malagasy Bible

⁹ Manaitra ny tanàna ny feon'i Jehovah, Ary mahita ny anaranao ny hendry; Henoinareo ny tsorakazo sy Izay nanendry azy.

La Bible en Malgache

⁹ Manaitra ny tanàna ny feon’NY TOMPO ary mahita ny anaranao ny hendry; henoinareo ny tsorakazo sy izay nanendry azy!

Mika 6:9 Rohy Ifampitohizana

2Samoela 21:1

Nisy mosary naharitra telo taona misesy tamin’ny andron’i Davida. Nanontany ny TOMPO momba izany i Davida ka novaliany hoe: –Avy amin’i Saoly sy ny fianakaviany lian-dra izao, satria i Saoly no namono nahafaty ny Gibehônita.

Joba 10:2

Izany no hitenenako amin’Andriamanitra hoe: Aza manameloka ahy, fa ampahafantaro ahy kosa ny alahelonao amiko.

Joba 23:14

Hotanterahiny izay efa nodidiny ho ahy ary koa ny fikasana maro mbola ao aminy.

Joba 5:17

Fa sambatra ny olona izay anarin’Andriamanitra! Koa aza hamaivanina, ry Jôba, ny famaizan’ilay Tsitoha.

Salamo 107:43

Izay hendry, aoka hisaintsaina izany sy hahatsapa ny fitiavan’ny TOMPO!

Salamo 48:10

Eto anivon’ny tempolinao, Andriamanitra ô, no ametsovetsoanay ny fitiavanao.

Salamo 83:18

Aoka ho menatra sy ho raiki-tahotra izy hatrany amin’ny mandrakizay ka hangaihay sy ho ringana!

Salamo 9:16

Ny lavaka izay nohadîny ihany no nianjeran’ireo hafa firenena; ny fandrika harato nafeniny ihany no nahavoasingotra ny tongony.

Ohabolana 22:3

Mahatsinjo ny loza ny malina ka miery; fa ny kely saina kosa mandroso ka voa.

Isaia 26:11

TOMPO ô, manandra-tanana handrahona Ianao kanefa tsy ahoan’ireo olon-dratsy akory. Aoka ho menatra izy raha mahita ny zotomponao hiaro ny vahoakanao; eny, aoka handevona azy ny afo izay natokanao ho an’ny fahavalonao!

Isaia 27:10

Tsy hisy olona intsony ao an-tanànamimanda fa ho foana sy ilaozana toy ny taniefitra izany, ka ho lasa toeram-piraofan’ny zanak’omby, handriany sy hihinanany ravin-kazo.

Isaia 30:27

Indro ny tenan’ny TOMPO mihitsy no tonga avy any lavitra any, ombàn’ny fahatezerana mirehitra sady midonaka. Mipololotra fahavinirana ny molony, ka toy ny afo mandevona ny teniny.

Isaia 66:6

Injany misy feo avy any an-tanàna, misy feo avy ao amin’ny tempoly: dia feon’ny Tompo Izay mamaly ny nataon’ny fahavalony.

Isaia 9:13

Koa tanatin’ny indray andro monja no namongoran’ny TOMPO an’i Israely, na ny any an-tampony na ny any am-potony, na ny sampandrofia na ny volotara.

Jeremia 26:18

–Tamin’ny andron’i Hezekià mpanjakan’i Joda dia nisy mpaminany atao hoe Mikà avy any Môreseta. Niteny tamin’ny vahoaka rehetra tao Joda izy ka nanao hoe: Izao no lazain’ny TOMPOn’izao rehetra izao: «Ho voatrongitrongy toy ny tanimboly i Tsiôna, ho tonga korontam-bato i Jerosalema, ary ho tonga havoana misy lobolobo ny tendrombohitra misy ny tempoly.»

Jeremia 26:6

Fa raha tsy mihaino ianareo, dia horavako tahaka ny nandravako ilay tao Silao ity trano ity; ary ny tanànan’i Jerosalema dia hataoko oha-panozonana any amin’ny firenena rehetra eran-tany.»›

Jeremia 47:7

Ahoana moa no hiatoany? Ny TOMPO no manome baiko azy; ary hamely an’i Askelôna sy ny tany amoron-dranomasina no tanjona nanendreny azy.»

Ezekiela 7:9

Tsy ho antra fijery anareo Aho ary tsy hamindrafo aminareo, fa hovaliako aminareo ny fitondrantenanareo sy ny asa maharikoriko izay mbola tohizinareo eo anivonareo. Amin’izay dia hoekenareo fa Izaho TOMPO no mikapoka anareo.

Hosea 14:9

Hataon’i Efraîma inona intsony izay sampy? Izaho TOMPO no mamaly vavaka azy sady mitandrina azy. Izaho no toy ny kipreso, hazo maitso mandavan-taona. Izaho no hahazoany vokatra.

Amosa 2:5

Handefasako afo ny tanin’i Joda ka ho levon’izany koa ireo lapa ao Jerosalema.»

Amosa 6:1

Lozanareo izay manorina fiadanana amin’i Tsiôna sy mitoky amin’ny tendrombohitr’i Samaria, dia ianareo mihevi-teny ho sangany eo amin’ilay firenena malaza indrindra ka hatonin’ny taranak’i Israely!

Mika 3:12

Koa, noho ny aminareo, i Tsiôna dia hasaina toy ny tanimboly; i Jerosalema ho tonga korotam-bato; ary ny tendrombohitra misy ilay tempoly ho rakotry ny kirihitra ala.

Mika 6:10

Moa hohadinoiko ve ny harena maloto nangonin’ny ratsy fanahy ao an-tranony sy ny famarana tsy ampy? Zavatra mahatsiravina izany!

Mika 6:8

Tsia, ry olombelona, fa efa nampianarina anao ny fitondrantena tsara sy izay tadiavin’ny TOMPO aminao: dia ny hanao ny rariny sy handala ny fitiavana ary ny hanaraka an’Andriamanitrao amim-panetrentena.

Zefania 3:2

Tsy nohenoiny ny tenin’ny TOMPO tsy noraisiny ny fampitandremany! tsy nametra-pitokiana taminy izy; ilay Andriamaniny tsy nohatoniny.

Apokalipsy 3:19

Izay rehetra tiako no anariko sy faiziko; mazotoa àry, ka ialao ny toe-dratsinao.