Mika 3:1 - DIEM PROTESTANTA

¹ Dia hoy aho hoe: Ry mpitondra ny taranak’i Jakôba, eny, ry mpitsara ny vahoakan’i Israely, mihainoa re ianareo. Moa tsy anjara raharahanareo ve ny hahafantatra ny rariny?

Baiboly Protestanta Malagasy 2011

¹ Hoy aho: Mihainoa re ianareo, ry loholon’i Jakoba sy ianareo mpanapaka ny taranak’Israely. Tsy anjara raharahanareo va ny hahalala ny rariny?

Dikateny Iombonana Eto Madagasikara

¹ Dia hoy aho hoe: Ry mpitondra ny taranak’i Jakôba, eny, ry mpitsara ny vahoakan’i Israely, mihainoa re ianareo. Moa tsy anjara raharahanareo ve ny hahafantatra ny rariny?

Baiboly Katolika

¹ Hoy aho: Mihainoa ianareo, ry loholon’i Jakôba, mbaminareo mpanapaka ny taranak’i Israely! Tsy anjaranareo va ny mahalala ny rariny,

Baiboly Protestanta Malagasy

¹ ARY hoy izaho: Masìna hianareo, mihainoa, ry loholon’i Jakoba, Sy hianareo mpanapaka ny taranak’Isiraely: Tsy anjara-raharahanareo va ny hahalala ny rariny?

Malagasy Bible

¹ Ary hoy izaho: Masìna ianareo, mihainoa, ry loholon'i Jakoba, Sy ianareo mpanapaka ny taranak'Isiraely: Tsy anjara-raharahanareo va ny hahalala ny rariny?

La Bible en Malgache

¹ Hoy aho: Mihainoa re ianareo, ry loholon’i Jakoba sy ianareo mpanapaka ny taranak’Israely. Tsy anjara raharahanareo va ny hahalala ny rariny?

Mika 3:1 Rohy Ifampitohizana

Nehemia 13:17

Dia nifandahatra tamin’ireo loholon’i Joda aho ka nanao taminy hoe: –Inona izao zava-dratsy ataonareo izao, no dia tsy hajainareo ny andro sabata?

Salamo 14:4

Hoy kosa ny TOMPO hoe: «Tena tsy mahalala mihitsy ny mpanao ratsy rehetra fa fitsentsefana ny vahoakako no ataony foto-pivelomana, sady Izaho tsy antsoiny akory!»

Isaia 1:10

Mihainoa ny tenin’ny TOMPO, ry mpitondra lomorina tahaka an’i Sôdôma; mandrenesa ny lalànan’ilay Andriamanitsika, ry vahoaka ratsy toetra tahaka an’i Gômôra:

Isaia 10:2

Hanesorana eo amin’ny fitsarana ny fitarainan’ny madinika izany ary hamerezan-jo aman-drariny ny mahantra eo amin’ny vahoakako, hamaboan-karena ny mpitondratena ary koa handrobam-pananana ny kamboty.

Ezekiela 22:6

«Ao aminao dia samy manampatra fahefana ny mpitondra ary mamono olona.

Ezekiela 34:2

«Ry ilay taranak’olombelona, ijoroy ny maha-mpaminany anao mba hamelezako ireo lehibe mpiandry ny vahoaka Israely, eny, ijoroy ny maha-mpaminany anao ka ampitao aminy fa Izaho Tompo ANDRIANANAHARY dia manambara hoe: Lozanareo mpiandry ny vahoaka Israely! Fa ny tenanareo ihany no karakarainareo! Moa tsy ny andian’ondry va no tokony hokarakarainareo?

Ezekiela 34:3

Nefa tsy mpiandry nikarakara ny andian’ondry ianareo, fa naka ny ronono ho sakafonareo sy ny volon’ondry hotafinareo sady namono ireo biby matavy.

Ezekiela 9:9

Ary namaly ahy Izy hoe: –Tsy hita lany mihitsy ny heloka nataon’ny fanjakàn’i Israely sy i Joda: feno vonoan’olona ny tany sady feno fitsarana miangatra ny tanàna. Ary ny olona dia nifampiteny hoe: «Efa nandao ny tanintsika ny TOMPO ka tsy mahita antsika.»

Hosea 5:1

Henoy izao, ry mpisorona sy ianareo mpitondra israelita, ary atongilano ny sofinareo, ry fianakavian’ny mpanjaka: Hihatra aminareo izao ny fitsarana, fa tonga fandrika tao Mitsepà ianareo sy harato voavelatra tao Tabôra,

Amosa 4:1

Ianareo andriambavilanitr’i Samaria, izay mihamatavy tahaka ny ombivavin’i Basàna, henoy izao teniko izao: Manitsakitsaka ny madinika ianareo, sy mampahory ny mahantra, ary milaza amin’ny vadinareo hoe: «Mitondrà hosotrointsika!»

Amosa 6:1

Lozanareo izay manorina fiadanana amin’i Tsiôna sy mitoky amin’ny tendrombohitr’i Samaria, dia ianareo mihevi-teny ho sangany eo amin’ilay firenena malaza indrindra ka hatonin’ny taranak’i Israely!

Mika 2:13

Miakatra eo alohanareo ny mpamaky lalana; dia hamaky ny vavahady ianareo ary hivoaka ny tanàna. Izy TOMPO, mpanjakanareo, no mandeha mitarika eo alohanareo.

1Korintiana 6:5

Hampahamenatra anareo no itenenako izany. Hay ve tsy misy olon-kendry na dia anankiray aza eo aminareo mba afaka handamina ny fifanolanan’ny samy kristianina?

Deoteronomia 16:18

Mifidiana mpitsara sy mpifehy ao an-tanàna rehetra izay omen’ny TOMPO Andriamanitrareo anareo araka ny fokonareo avy; ary dia ho ara-drariny no aoka hitsaran’ireo ny vahoaka.