Matio 5:22 - DIEM PROTESTANTA

²² Izaho koa milaza aminareo hoe: izay rehetra tezitra amin’ny namana iray finoana dia mendrika hatolotra ny fitsarana isan-tanàna; izay hanao ny namana iray finoana hoe: misy kely, dia mendrika hatolotra ny Fitsarana ambony; izay hanao azy hoe: foka, dia mendrika havarina any amin’ny lohasahan’afo.

Baiboly Protestanta Malagasy 2011

²² Fa Izaho kosa milaza aminareo hoe: Izay rehetra tezitra amin’ny rahalahiny dia mendrika hohelohina amin’ny fitsarana; ary na zovy na zovy no hilaza amin’ny rahalahiny hoe: Tsy misy saina ianao, dia mendrika hohelohina eo amin’ny Sinedriona; ary na zovy na zovy no hiteny hoe: Adala Ialahy, dia mendrika ho ao amin’ny afobe.

Dikateny Iombonana Eto Madagasikara

²² Izaho koa milaza aminareo hoe: izay rehetra tezitra amin’ny namana iray finoana dia mendrika hatolotra ny fitsarana isan-tanàna; izay hanao ny namana iray finoana hoe: misy kely, dia mendrika hatolotra ny Fitsarana ambony; izay hanao azy hoe: foka, dia mendrika havarina any amin’ny lohasahan’afo.

Baiboly Katolika

²² Fa Izaho kosa milaza aminareo fa izay rehetra mitezitra ny rahalahiny dia hohelohina amin’ny fitsarana; ary izay hanao aminy hoe Raka, dia hohelohina amin’ny Sanedrìna; ary izay hanao azy hoe Foka dia hohelohina any amin’ny gehen’afo.

Baiboly Protestanta Malagasy

²² Fa Izaho kosa milaza aminareo hoe: Izay rehetra tezitra amin’ny rahalahiny dia mendrika hohelohina amin’ny fitsarana; ary na zovy na zovy no hanao amin’ny rahalahiny hoe: Olom-poana hianao, dia mendrika hohelohina amin’ny Synedriona; ary na zovy na zovy no hanao hoe: Foka ialahy, dia mendrika ho ao amin’ny helo mirehitra afo.

Malagasy Bible

²² Fa Izaho kosa milaza aminareo hoe: Izay rehetra tezitra amin'ny rahalahiny dia miendrika hohelohina amin'ny fitsarana; ary na zovy na zovy no hanao amin'ny rahalahiny hoe: Olom-poana ianao, dia miendrika hohelohina amin'ny Synedriona; ary na zovy na zovy no hanao hoe: Foka ialahy, dia miendrika ho ao amin'ny helo mirehitra afo.

La Bible en Malgache

²² Fa Izaho kosa milaza aminareo hoe: Izay rehetra tezitra amin’ny rahalahiny dia mendrika hohelohina amin’ny fitsarana; ary na zovy na zovy no hilaza amin’ny rahalahiny hoe: Tsy misy saina ianao, dia mendrika hohelohina eo amin’ny Sinedriona; ary na zovy na zovy no hiteny hoe: Adala Ialahy, dia mendrika ho ao amin’ny afobe*.

Matio 5:22 Rohy Ifampitohizana

Genesisy 37:4

Hitan’ireo rahalahiny fa tian-drainy mihoatra noho izy rehetra i Jôsefa, ka nankahalainy sady tsy hainy nitenenana tamim-pihavanana intsony.

Genesisy 37:8

Ka hoy ireo rahalahiny taminy: –Dia hanjaka aminay sy hifehy anay tokoa ve ianao? Vao mainka niampy izaitsizy ny fankahalàny azy noho ireo nofiny sy ny fitantàrany azy.

2Samoela 16:7

Ary toy izao no nolazain’i Simehỳ rehefa nanozona: –Mandehana any, mandehana any, ry ilay lehilahy mpandatsa-dra sady ratsy fanahy!

2Samoela 6:20

Ary i Davida koa lasa nody mba hiarahaba ny ankohonany. Fa avy hatrany dia notsenain’i Mikàla zanakavavin’i Saoly izy, ka nataony hoe: –Endrey izany voninahitry ny mpanjakan’i Israely androany, dia ilay nanary lamba anikeheo teo anatrehan’ny mpanompovavin’ny andevony, tahaka ny adala manary lamba!

1Mpanjaka 21:4

Ary nalahelo sady tezitra i Ahaba no niverina tao an-tranony, satria nilazan’i Nabôta avy ao Jizrehela hoe: «Tsy homeko anao ny lova avy amin’ny razako.» Dia nandry teo am-parafarany izy ka nitodika tany amin’ny rindrina ary tsy nety nihinan-kanina.

2Tantara 16:10

Dia tezitra sy nisafoaka tamin’ilay mpahita i Asà noho izany ka nampiditra azy am-ponja. Ary nisy olona sasany koa nampahorîn’i Asà tamin’izay fotoana izay.

2Tantara 19:5

Nanendreny mpitsara tamin’ny isan-tanànamimanda eran’ny tanin’i Joda

Nehemia 5:8

sady niteny taminy hoe: –Izahay, araka izay tratry ny fanananay, dia efa nanavotra ny mpiray firenena aminay, izany hoe ireo Jiosy namidy tamin’ny hafa firenena; fa ianareo kosa mivarotra ny mpiray firenena aminareo, ka amintsika samy isika ihany no ivarotanareo azy. Dia sina ry zareo fa tsy nahita havaly.

Salamo 109:3

teny fankahalana no manemitra ahy ary iadiany tsy amin’antony aho.

Salamo 14:1

Tao amin’ny tahirin-kiran’ny filohan’antoko-mpihira. Salamo nataon’i Davida. Adala izay miteny anakampo hoe: «Tsy misy Andriamanitra!» Maneho toetra lo sy maharikoriko ireo sady tsy mba misy manao ny tsara.

Salamo 25:3

Izay rehetra miantehitra aminao dia tsy mba ho diso fanantenana; fa ireo mivadika aminao no ho menatra, ka enga anie hitondra tanam-polo mody!

Salamo 35:19

Aza avela hanesoeso ahy ireo mpandrafy tsy an-drariny; aoka tsy hifanao pi-maso ahy ireo mpankahala tsy amin’antony!

Salamo 37:8

Ialao ny hatezerana, avelao ny havinirana; aza misafoaka fa loza no hiafaran’izany.

Salamo 49:10

mba hahavelomana mandrakizay sy tsy hahitana ny fasana...

Salamo 69:4

Sasatry ny miantso vonjy aho; ka maina ny tendako, vizana ny masoko, eo am-piandrasako Anao Andriamanitro.

Salamo 7:4

TOMPO Andriamanitro ô, raha nahavita izany anaratsiany ahy izany aho, raha nanao heloka ny tanako,

Salamo 92:6

Lehibe tokoa izay nataonao, TOMPO ô, ary lalina aoka izany ny fisainanao!

Ohabolana 14:16

Matahotra ny ratsy ny hendry ka mivily miala aminy, fa misafoaka kosa ny adala satria matoky tena loatra.

Ohabolana 18:6

Mahatonga fifandirana ny tenin’ny adala, ary miantso kapoka ny zavatra lazainy.

Jeremia 17:11

Tahaka ny akoho mikotrika atodin-gana, toy izany izay manangon-karena tsy ara-drariny: eo antenatenan’androny izy no hilaozan’izany hareny izany, ka ho lasa adala no iafarany.

Fitomaniana 3:52

Ireo fahavaloko tsy amin’antony manenjika ahy toy ny fanenji-boronkely.

Daniela 3:13

Tezitra sy nisafoaka mafy i Nebokadnetsara ka nampanalainy i Sadràka sy i Mesàka ary i Habeda-Negao. Rehefa tonga teo anatrehan’ny mpanjaka ireo lehilahy ireo,

Daniela 3:19

Dia feno fahatezerana i Nebokadnetsara ka niova endrika tamin’i Sadràka sy i Mesàka ary i Habeda-Negao. Nasainy nafanaina impito mihoatra noho ny famana azy ny lafaoro.

Obadia 1:10

«Noho ny taranak’i Jakôba rahalahinao efa nisetrasetranao sy novonoinao, dia ho safo-kenatra sy haringana mandrakizay ianao!

Obadia 1:12

Tsy tokony ho finaritra nijery ireo rahalahinao ianao tamin’ny andro nahitany loza; tsy tokony ho nifaly ny amin’ny taranak’i Joda ianao tamin’ny andro nandringanana azy; ary tsy tokony ho nanao teny miavonavona ianao tamin’ny andro nampahory azy;

Matio 10:17

Mitandrema, fa hatolotry ny olona amin’ny mpitsara isan-tanàna ianareo sady hokapohiny any amin’ny sinagôgany;

Matio 10:28

Ary aza matahotra ireo mamono mahafaty ny vatana, nefa tsy mahay mamono mahafaty ny fanahy; fa aleo matahotra an’Andriamanitra Izay mahay mahavery ny fanahy amam-batana any amin’ny lohasahan’afo.

Matio 12:24

Nony nandre izany kosa ny Farisianina, dia niteny hoe: –Tsy misy androahan’ilay io ny demony, afa-tsy fahefana avy amin’i Belzeboba, filohan’ny demony!

Matio 17:5

Raha mbola niteny i Petera, dia nisy rahona mazava nanarona azy rehetra; ary injao nisy feo avy tao amin’io rahona io nanao hoe: –Ity no Zanako, ilay Malalako; Izy no sitrako! Henoy Izy!

Matio 18:21

Tamin’izay dia nanatona an’i Jesoa i Petera ka nanontany Azy hoe: –Tompo ô, impiry moa aho no tokony hamela ny havana iray finoana raha diso amiko izy? Hatramin’ny impito ve?

Matio 18:35

Dia nofaranan’i Jesoa hoe: –Ho tahaka izany koa no hataon’ny Raiko Izay any an-danitra aminareo, raha tsy samy mamela ny havanareo amin’ny fonareo tokoa ianareo.

Matio 23:15

Mampalahelo ianareo, ry mpahay lalàna sy Farisianina! Fa tetezinareo ny tany sy ny ranomasina mba hahazoanareo olona hafa firenena iray monja hanaraka ny fivavahanareo; ary rehefa manaraka ny fivavahanareo izy, dia ataonareo mendrika ny lohasahan’afo indroa mihoatra anareo.

Matio 23:33

–Ry bibilava, tarana-menarana, hataonareo ahoana no fandositra tsy ho voaheloka any amin’ny lohasahan’afo?

Matio 25:41

Ary dia izao kosa no holazain’ny Mpanjaka amin’izay eo ankaviany: «Mialà amiko ianareo voaozona, mandehana any amin’ny afo maharitra mandrakizay izay voavoatra ho an’ny devoly sy ny anjeliny.

Matio 26:59

Nokarohin’ireo lohandoha-mpisorona sy ireo rehetra anisan’ny Fitsarana ambony teo amin’ny Jiosy izay mety hiampangana an’i Jesoa, na dia amin’ny lainga aza, mba hanamelohana Azy ho faty;

Matio 3:17

Dia injany nisy feo avy tany an-danitra nanao hoe: –Ity no Zanako, ilay Malalako; Izy no sitrako!

Matio 5:34

Izaho kosa milaza aminareo hoe: aza mianiana mihitsy! Aza mianiana: na amin’ny lanitra, satria sezafiandrianan’Andriamanitra izany;

Matio 5:44

Izaho kosa milaza aminareo hoe: tiavo ny fahavalonareo ary mivavaha ho an’izay manenjika anareo,

Marka 14:55

Nokarohin’ireo lohandoha-mpisorona sy ireo rehetra anisan’ny Fitsarana ambony teo amin’ny Jiosy izay mety hiampangana an’i Jesoa hanamelohana Azy ho faty, saingy tsy nahita ry zareo.

Marka 15:1

Raha vao maraina ny andro, dia nivory hanapa-kevitra ny lohandoha-mpisorona niaraka tamin’ny loholona sy ny mpahay lalàna, izany hoe ny Fitsarana ambony manontolo; dia nampamatotra an’i Jesoa ry zareo sy nitondra Azy ary nanolotra Azy an’i Pilato.

Lioka 12:5

Fa hasehoko anareo izay tokony hatahoranareo: matahora an’Andriamanitra Izay manam-pahefana hamarina anareo any amin’ny lohasahan’afo rehefa novonoiny ianareo; eny, hoy Aho aminareo, Izy ihany no atahory.

Lioka 22:66

Nony maraina ny andro, dia nivory ny loholom-bahoaka sy ny lohandoha-mpisorona mbamin’ny mpahay lalàna; ary nasain-dry zareo nentina i Jesoa hiatrika ny Fitsarana ambony teo anoloany.

Jaona 11:47

Dia namory ny Fitsarana ambony ireo lohandoha-mpisorona sy ireo Farisianina ka nanao hoe: –Inona ity ataontsika, fa manao famantarana maro iny Lehilahy iny?

Jaona 15:25

Tonga izany mba hahatanteraka ny teny voalazan’ny Soratra Masina hoe: «Nankahalainy tsy amin’antony Aho.»

Jaona 7:20

Dia hoy ny vahoaka taminy: –Ondranondranana Ianao! Iza no mitady hamono Anao?

Jaona 8:48

Dia niteny tamin’i Jesoa ny Jiosy nanao hoe: –Tsy marina ve ny filàzanay fa Samaritanina Ianao sady ondranondranana?

Asan’ny Apostoly 17:18

Nisy koa filôzôfy epikorianina sy stôisianina nifanakalo hevitra taminy, ka hoy ny sasany hoe: –Inona no tian’ity mpirediredy holazaina? Ny sasany kosa, nony nandre an’i Paoly nanambara ny Vaovao Mahafaly momba an’i Jesoa sy ny fitsanganan’ny maty, dia niteny hoe: –Toa andriamanitra vahiny no torîny!

Asan’ny Apostoly 22:30

Te hahalala marina izay anton’ny niampangan’ny Jiosy an’i Paoly ity komandy; noho izany, dia nasainy novahana izy ny ampitson’iny ary nampiantsoiny hivory ny lohandoha-mpisorona sy ny Fitsarana ambony manontolo. Dia nentin’ilay komandy i Paoly, ka najorony hiatrika azy rehetra.

Asan’ny Apostoly 23:1

Nibanjina an’ireo mpitsara i Paoly ka nanao hoe: –Ry rahalahy, nitondra tena teo anatrehan’Andriamanitra tamin-kitsimpo tokoa aho mandraka androany.

Asan’ny Apostoly 24:20

Na aoka ireto olona ireto hilaza raha misy fahadisoana heveriny fa mahameloka ahy tamin’ilay nijoroako niatrika ny Fitsarana ambony,

Asan’ny Apostoly 4:15

Dia nasaina niala teo amin’ny efitranon’ny Fitsarana ambony ireto voampanga fa ry zareo kosa nifampidinika

Asan’ny Apostoly 5:21

Nanoa izany teny izany ny apôstôly, ka nankany an-kianjan’ny tempoly vao maraina be ary nampianatra. Tamy kosa ny mpisorombe sy ny mpiandany aminy ka namory ny Fitsarana ambony, izany hoe ny loholona rehetra teo amin’ny vahoaka israelita, ary naniraka mpandraharaha tany am-ponja haka ny apôstôly.

Asan’ny Apostoly 5:27

Nentina ireo apôstôly, naroso teo anatrehan’ny Fitsarana ambony, ary nadinin’ny mpisorombe

Asan’ny Apostoly 6:12

Nomeny fo koa ny vahoaka sy ny loholona ary ny mpahay lalàna. Dia nirohotan’ireo mpanohitra azy i Stefàna, ka nosamboriny ary nentiny ho any amin’ny Fitsarana ambony

Asan’ny Apostoly 6:15

Samy nibanjina an’i Stefàna izay rehetra tao amin’ny Fitsarana ambony ka nahita ny tarehiny miendrika tarehin’anjely.

Asan’ny Apostoly 7:37

I Mosesy ihany koa no nilaza tamin’ny Israelita hoe: «Hisy mpaminany tahaka ahy hajoron’Andriamanitra ho anareo, dia mpaminany avy aminareo samy ianareo!»

Romana 12:10

Mifankatiava toy ny mpiray tampo; miezaha amin’ny fifanajana.

1Korintiana 6:10

na ny mpangalatra, na ny mpitia harena, na ny mpidoroka, na ny mpanendrikendrika, na ny mpanao an-keriny, dia samy tsy hanana anjara amin’ny Fanjakàn’Andriamanitra.

1Korintiana 6:6

Sady kristianina ve dia hanana ady amina kristianina ary izay indray tsaraina eo anatrehan’ny tsy mpino?

Deoteronomia 15:11

Koa satria hisy mandrakariva ny mahantra eo amin’ny taninareo, dia izany no andidiako anareo hoe: Sokafy tsara amin’ny mpiray firenena aminareo ny tananareo, dia amin’ny ory sy mahantra eo amin’ny taninareo.

Deoteronomia 16:18

Mifidiana mpitsara sy mpifehy ao an-tanàna rehetra izay omen’ny TOMPO Andriamanitrareo anareo araka ny fokonareo avy; ary dia ho ara-drariny no aoka hitsaran’ireo ny vahoaka.

1Tesaloniana 4:6

ka amin’izany raharaham-panambadiana izany, dia aoka tsy hisy olona hanao ny tsy rariny amin’ny namany na hifetsy azy. Araka ny efa voalazanay taminareo sy nameperanay mafy anareo, dia hofaizin’ny Tompo izay manao ireny karazan-javatra ireny.

Titosy 3:2

Aoka ny mpino tsy hanevateva olona, tsy ho fiadîna, fa handefitra, haneho halemem-panahy lalandava amin’ny olona rehetra.

Hebreo 12:25

Mitandrema àry! Aza manentsin-tadîny amin’izay miteny aminareo. Fa raha tsy afa-nandositra ireo nanentsin-tadîny tamin’ilay nilaza hafatr’Andriamanitra taminy teto an-tany, mainka fa isika raha miala amin’Ilay miteny amintsika avy any an-danitra.

Hebreo 5:9

Nony efa tonga amin’izay fanaperana Izy, dia zary loharanom-pamonjena mandrakizay ho an’izay rehetra manoa Azy,

Jakoba 2:20

Ry adala, tianao ve ny hahafantatra fa tsy vanona ny finoana tsy ombàn’asa?

Jakoba 3:6

Tahaka ny afo ny lela: manjary fototry ny faharatsiana tsy hita lany izy eo anivon’ireo zavatra anisan’ny tenantsika; mandoto ny tenantsika manontolo izy, ka sady mandrehitra afo eo amin’ny fizotran’ny fiainantsika no arehitry ny afo avy amin’ny lohasahan’afo.

1Petera 2:23

notevatevaina Izy, nefa tsy mba nanevateva; nijaly Izy, nefa tsy mba nandrahona, fa nanankin-tena tamin’Andriamanitra Izay mitsara ara-drariny;

1Petera 3:9

Aza mamaly ratsy ny ratsy na mamaly ompa ny ompa; aleo kosa mirary soa, satria ianareo efa nantsoin’Andriamanitra hanana anjara amin’ny soa nampanantenainy.

1Jaona 2:9

Izay milaza fa ao amin’ny fahazavana izy, kanefa mankahala ny namany iray finoana, dia mbola ao amin’ny haizina ihany.

1Jaona 3:10

Izany no mampiavaka miharihary ireo zanak’Andriamanitra amin’ireo olona andevozin’ny devoly. Tsy mba avy amin’Andriamanitra izay rehetra tsy manao ny marina soritany sy izay tsy tia ny namana iray finoana.

1Jaona 5:16

Raha misy mahita ny namana iray finoana manao ota tsy mahafaty, dia aoka izy hivavaka ho azy ary Andriamanitra no hanome azy fiainana: izay ny amin’ireo manao ota tsy mahafaty. Fa misy ota mahafaty, ka tsy mba ny amin’izany no ilazako hoe tokony hivavaka izy.

Joda 1:9

Kanefa na i Mikaela arkanjely aza, raha niady tamin’ny devoly ka nifanditra momba ny fatin’i Mosesy, dia tsy sahy nanevateva nanameloka ny devoly fa nanao taminy hoe: «Aoka hofaizin’ny Tompo ianao!»

Apokalipsy 20:14

Rafahafatesana sy ny Toeran’ny maty kosa natsipy tany amin’ny farihy afo. Izany farihy afo izany no fahafatesana faharoa;