Matio 5:22 - Baiboly Protestanta Malagasy 2011

²² Fa Izaho kosa milaza aminareo hoe: Izay rehetra tezitra amin’ny rahalahiny dia mendrika hohelohina amin’ny fitsarana; ary na zovy na zovy no hilaza amin’ny rahalahiny hoe: Tsy misy saina ianao, dia mendrika hohelohina eo amin’ny Sinedriona; ary na zovy na zovy no hiteny hoe: Adala Ialahy, dia mendrika ho ao amin’ny afobe.

DIEM PROTESTANTA

²² Izaho koa milaza aminareo hoe: izay rehetra tezitra amin’ny namana iray finoana dia mendrika hatolotra ny fitsarana isan-tanàna; izay hanao ny namana iray finoana hoe: misy kely, dia mendrika hatolotra ny Fitsarana ambony; izay hanao azy hoe: foka, dia mendrika havarina any amin’ny lohasahan’afo.

Dikateny Iombonana Eto Madagasikara

²² Izaho koa milaza aminareo hoe: izay rehetra tezitra amin’ny namana iray finoana dia mendrika hatolotra ny fitsarana isan-tanàna; izay hanao ny namana iray finoana hoe: misy kely, dia mendrika hatolotra ny Fitsarana ambony; izay hanao azy hoe: foka, dia mendrika havarina any amin’ny lohasahan’afo.

Baiboly Katolika

²² Fa Izaho kosa milaza aminareo fa izay rehetra mitezitra ny rahalahiny dia hohelohina amin’ny fitsarana; ary izay hanao aminy hoe Raka, dia hohelohina amin’ny Sanedrìna; ary izay hanao azy hoe Foka dia hohelohina any amin’ny gehen’afo.

Baiboly Protestanta Malagasy

²² Fa Izaho kosa milaza aminareo hoe: Izay rehetra tezitra amin’ny rahalahiny dia mendrika hohelohina amin’ny fitsarana; ary na zovy na zovy no hanao amin’ny rahalahiny hoe: Olom-poana hianao, dia mendrika hohelohina amin’ny Synedriona; ary na zovy na zovy no hanao hoe: Foka ialahy, dia mendrika ho ao amin’ny helo mirehitra afo.

Malagasy Bible

²² Fa Izaho kosa milaza aminareo hoe: Izay rehetra tezitra amin'ny rahalahiny dia miendrika hohelohina amin'ny fitsarana; ary na zovy na zovy no hanao amin'ny rahalahiny hoe: Olom-poana ianao, dia miendrika hohelohina amin'ny Synedriona; ary na zovy na zovy no hanao hoe: Foka ialahy, dia miendrika ho ao amin'ny helo mirehitra afo.

La Bible en Malgache

²² Fa Izaho kosa milaza aminareo hoe: Izay rehetra tezitra amin’ny rahalahiny dia mendrika hohelohina amin’ny fitsarana; ary na zovy na zovy no hilaza amin’ny rahalahiny hoe: Tsy misy saina ianao, dia mendrika hohelohina eo amin’ny Sinedriona; ary na zovy na zovy no hiteny hoe: Adala Ialahy, dia mendrika ho ao amin’ny afobe*.

Matio 5:22 Rohy Ifampitohizana

Genesisy 37:4

Nony hitan’ny rahalahiny fa i Josefa no tian’ny rainy mihoatra noho izy mirahalahy avy dia nankahala azy izy ireo ka tsy afaka nilaza teny tsara taminy.

Genesisy 37:8

Dia hoy ny rahalahiny taminy: Moa va izany hanjaka aminay tokoa ianao? Sa hanapaka aminay tokoa ianao? Vao mainka nankahalan’izy ireo azy izany nofiny sy teniny izany.

2Samoela 16:7

Hoy ny fanozon’i Simey: Mandehana, mandehana, ry lehilahy mpandatsa-dra sy tena ratsy fanahy!

2Samoela 6:20

Mba nody koa i Davida hitsodrano ny ankohonany. Fa tonga nitsena an’i Davida i Mikala, zanakavavin’i Saoly ary hoy izy: Akory ity voninahitry ny mpanjakan’ny Israely androany! Ilay nanary lamba anikeheo teo imason’ny zanakavavin’ny mpanompony, tahaka ny adala manary lamba ka tsy manan-kenatra.

1Mpanjaka 21:4

Ary nankany an-tranony i Ahaba, sady maloka tarehy no sosotra noho ny teny nolazain’i Nabota jezirelita taminy hoe: Tsy homeko anao ny tanindrazako! Dia nandry teo am-parafarany izy ka nanodina ny tavany ary tsy nety nihinan-kanina.

2Tantara 16:10

Dia tezitra tamin’ilay mpahita i Asa ka nanao azy tao an-tranomaizina; fa nisafoaka taminy indrindra izy noho izany. Ary ny olona sasany koa dia nampahorin’i Asa noho izay.

2Tantara 19:5

Ary nanendry mpitsara tamin’ny tany izy, dia tamin’ny isan-tanàna mimanda manerana ny tanin’ny Joda,

Nehemia 5:8

Hoy aho taminy: Izahay dia efa nanavotra ny Jiosy rahalahinay izay efa namidy tamin’ny Jentilisa, araka izay azonay natao; fa ianareo kosa, moa hivarotra ny rahalahinareo va ianareo ka hamidinareo aminay va izy? Dia sina izy fa tsy hitany izay havaliny.

Salamo 109:3

Teny feno fankahalana no nanodidinany ahy ary niady tamiko tsy amin’antony izy.

Salamo 14:1

Ny adala no manao anakampo hoe: Tsy misy Andriamanitra! Manao izay ratsy sy vetaveta izy; tsy misy manao ny tsara.

Salamo 25:3

Eny, tsy hisy hitsanga-menatra izay rehetra manantena Anao, fa izay mivadika foana no ho menatra.

Salamo 35:19

Aoka tsy hifalian’izay mandrafy ahy foana aho ary aoka tsy hangarika ahy izay mankahala ahy tsy amin’antony!

Salamo 37:8

Mitsahara amin’ny fahatezerana ary mahafoiza ny fahavinirana; aoka tsy ho tezitra ianao fa ratsy no hiafaran’izany.

Salamo 49:10

Hita mantsy fa maty ihany ny olon-kendry ary ny adala sy ny kentrina koa dia samy lasa ka mamela ny fananany ho an’ny hafa.

Salamo 69:4

Maro noho ny volon-dohako ny isan’izay mankahala ahy tsy amin’antony. Mahery izay ta hahafaty ahy, dia ny fahavaloko tsy amin’antony; mampanonitra ahy izay tsy nalaiko izy.

Salamo 7:4

raha namaly ratsy izay tsara fihavanana tamiko aho, na nandroba izay nampahory ahy tsy amin’antony,

Salamo 92:6

Ny ketrina dia tsy mahafantatra izany ary ny adala koa dia tsy mba mahalala.

Ohabolana 14:16

Matahotra ny hendry ka mivily tsy ho amin’ny ratsy, fa ny adala dia fatra-pirehareha ka matokitoky foana.

Ohabolana 18:6

Ny molotry ny adala dia miteraka ny fifandirana ary ny teny ataony dia mihantsy fifamelezana.

Jeremia 17:11

Toy ny tsipoy mikotrika izay tsy atodiny, dia toy izany izay mahazo harena tsy amin’ny rariny: Hilaozan’izany eo antenantenan’androny izy; ho lasa adala no hiafarany.

Fitomaniana 3:52

Manenjika ahy mafy, toy ny fanenjika voronkely ny fahavaloko tsy amin’antony.

Daniela 3:13

Dia niteny tamin’ny havinirana sy ny hatezerana i Nebokadnezara, koa nasainy nalaina i Sadraka sy i Mesaka ary i Abed-Nego. Noentiny teo anatrehan’ny mpanjaka ary ireo lehilahy ireo

Daniela 3:19

Dia feno hatezerana i Nebokadnezara ka niova tamin’i Sadraka sy i Mesaka ary i Abed-Nego ny endriny, ary nasainy nohafanaina ho impito mihoatra noho ny famana azy ny lafaoro.

Obadia 1:10

Noho ny fampahoriana an’i Jakoba rahalahinao dia ho voasaron-kenatra ianao ka ho fongotra mandrakizay.

Obadia 1:12

Aza finaritra mijery ny andron’ny rahalahinao amin’ny andro ahitany loza; aza mifaly ny amin’ny taranak’i Joda amin’ny andro andringanana azy; aza manao teny miavonavona amin’ny andro fahoriana.

Matio 10:17

Ary mitandrema ianareo ny amin’ny olona; fa hatolony ho amin’ny Sinedriona sy hokapohiny ao amin’ny sinagogany ianareo;

Matio 10:28

Ary aza matahotra izay mamono ny vatana, nefa tsy mahay mamono ny fanahy; fa aleo matahotra izay mahay mahavery ny fanahy sy ny vatana any amin’ny afobe.

Matio 12:24

Fa nony ren’ny Fariseo izany dia hoy izy ireo: Ilehity tsy mandroaka ny demonia afa-tsy amin’ny alalan’i Belzeboba, lohan’ny demonia.

Matio 17:5

Raha mbola niteny izy dia indro, nisy rahona mazava nanarona azy ireo; ary injao, nisy feo avy tao amin’ny rahona niteny hoe: Ity no Zanako malalako izay sitrako; Izy no henoy.

Matio 18:21

Dia nanatona i Petera ka niteny Taminy hoe: Tompoko, impiry moa no hanotan’ny rahalahiko amiko ka havelako izy? Hatramin’ny impito va?

Matio 18:35

Ary tahaka izany koa no hataon’ny Raiko izay any an-danitra aminareo, raha tsy samy mamela ny rahalahinareo amin’ny fonareo avy ianareo.

Matio 23:15

Lozanareo, mpanoradalàna sy Fariseo, mpihatsaravelatsihy! Fa mandeha mitety ny ranomasina sy ny tany maina ianareo mba hahazoanareo prozelita iray monja; ary rehefa azonareo izy dia ataonareo zanaky ny afobe indroa mihoatra noho ianareo.

Matio 23:33

Ry bibilava, ry taranaky ny menarana! Hataonareo ahoana no fandositra ny fanamelohana ho any amin’ny afobe?

Matio 25:41

Hilaza indray amin’izay eo amin’ny ankaviany kosa Izy hoe: Mialà amiko, ianareo izay voaozona ho any amin’ny afo maharitra mandrakizay izay voavoatra ho an’ny devoly sy ny anjeliny;

Matio 26:59

Ary ireo lehiben’ny mpisorona mbamin’ny Sinedriona rehetra dia nitady teny hoentiny miampanga lainga an’i Jesosy mba hamonoany Azy;

Matio 3:17

Ary injao nisy feo avy tany an-danitra hoe: Ity no Zanako malalako izay sitrako.

Matio 5:34

Fa Izaho kosa milaza aminareo hoe: Aza mianiana akory: Na amin’ny lanitra, fa sezafiandrianan’Andriamanitra izany;

Matio 5:44

Fa Izaho kosa milaza aminareo hoe: Tiava ny fahavalonareo ary mivavaha ho an’izay manenjika anareo

Marka 14:55

Ary ireo lehiben’ny mpisorona sy ny Sinedriona manontolo dia nitady zavatra hiampangana an’i Jesosy ka hamonoany Azy ho faty, nefa tsy nahita.

Marka 15:1

Ary raha vao maraina ny andro, ireo lehiben’ny mpisorona sy ny loholona ary mpanoradalàna mbamin’ny Sinedriona manontolo, dia nivory niara-nihevitra, koa rehefa avy namatotra an’i Jesosy izy dia nitondra Azy ka nanolotra Azy tamin’i Pilato.

Lioka 12:5

Fa hasehoko anareo izay hatahoranareo: Matahora Izay manampahefana hanary any amin’ny afobe, rehefa nahafaty; eny, hoy Aho aminareo: Matahora Azy.

Lioka 22:66

Raha vao nazava ny andro dia nivory ny filankevitry ny loholona dia ireo lehiben’ny mpisorona sy ny mpanoradalàna ka nitondra an’i Jesosy ho eo amin’ny Sinedrionany

Jaona 11:47

Ary ireo lehiben’ny mpisorona sy ny Fariseo dia nanangona ny Sinedriona ka niteny hoe: Ahoana no hataontsika? Fa iny lehilahy iny dia manao famantarana maro.

Jaona 15:25

fa tonga izany mba hahatanteraka ny teny izay voasoratra ao amin’ny lalànany hoe: «Halany tsy amin’antony Aho» (Sal 69.4; 109.3).

Jaona 7:20

Ary hoy ny vahoaka hoe: Manana demonia Ianao; iza no mitady hamono Anao?

Jaona 8:48

Dia namaly Azy ny Jiosy hoe: Tsy marina va ny filazanay fa Samaritana ianao sady manana demonia?

Asan’ny Apostoly 17:18

Ary ny olon-kendry sasany tamin’ny Epikoreana sy ny Stoika dia nanohitra azy koa ka hoy ny sasany: Inona no tian’io mpibedibedy io holazaina? Hoy indray ny sasany: Toa mitory andriamanitra vaovao izy satria Jesosy sy ny fitsanganan’ny maty no notorin’i Paoly.

Asan’ny Apostoly 22:30

Nony ampitso, satria ta hahafantatra marina izay niampangan’ny Jiosy azy ny mpifehy arivo, dia namaha azy, ary nasainy nivory ny lehiben’ny mpisorona sy ny Sinedriona rehetra, dia noentiny nidina i Paoly ka napetrany teo anatrehany.

Asan’ny Apostoly 23:1

Nibanjina ny Sinedriona i Paoly ka niteny hoe: Ry rahalahy, izaho dia nanompo an’Andriamanitra tamin’ny fieritreretana tsara mandraka androany.

Asan’ny Apostoly 24:20

Na aoka ireto olona ireto ihany no hilaza izay ratsy hitany, raha nitsangana teo anatrehan’ny Sinedriona aho,

Asan’ny Apostoly 4:15

Dia nasainy niala teo amin’ny Sinedriona izy roa lahy, ary niara-nisaina ry zareo

Asan’ny Apostoly 5:21

Rehefa nandre izany izy ireo dia nandeha vao maraina nankany amin’ny tempoly ka nampianatra. Nony tonga ny Mpisoronabe sy ny namany dia namory ny Sinedriona sy ny loholona rehetra tamin’ny Zanak’Israely ka naniraka olona nankao amin’ny tranomaizina haka ny Apostoly.

Asan’ny Apostoly 5:27

Rehefa noentiny izy ireo dia nataony teo anatrehan’ny Sinedriona, ary nanontany azy ny Mpisoronabe

Asan’ny Apostoly 6:12

Nandrisika ny olona sy ny loholona ary ny mpanoradalàna koa izy ireo, dia nankeo amin’i Stefana ka nisambotra azy, sady nitondra azy ho eo amin’ny Sinedriona;

Asan’ny Apostoly 6:15

Ary izay rehetra nipetraka teo amin’ny Sinedriona, raha nandinika an’i Stefana, dia nahita ny tarehiny tahaka ny tarehin’anjely.

Asan’ny Apostoly 7:37

Izany no Mosesy ilay nilaza tamin’ny Zanak’Israely hoe: «Mpaminany no hatsangan’Andriamanitra ho anareo avy amin’ny rahalahinareo, tahaka ahy» (Deo 18.15).

Romana 12:10

Mifankatiava toy ny fifankatiavan’ny mpirahalahy; mitariha lalana amin’ny fifanomezam-boninahitra.

1Korintiana 6:10

ny mpangalatra, ny fatra-pitia harena, ny mpimamo, ny mpanala baraka olona ary ny mpanao an-keriny dia tsy mba handova ny fanjakan’Andriamanitra.

1Korintiana 6:6

Fa misy rahalahy mandeha hiady amin’ny rahalahiny, ary izany dia ataony eo imason’ny tsy mino.

Deoteronomia 15:11

Fa ny tany dia tsy ilaozan’izay olo-mahantra, koa izany no andidiako anao hoe: Sokafy tsara amin’ny rahalahinao ny tananao, dia amin’ny malahelo sy ny mahantra eo amin’ny taninao.

Deoteronomia 16:18

Mifidiana mpitsara sy mpifehy ho anao ao an-tanànanao rehetra, izay omen’NY TOMPO Andriamanitrao anao, araka ny fokonao; dia hitsara ny olona amin’ny fitsarana marina ireo.

1Tesaloniana 4:6

aoka tsy hisy hanao saina hifetsy ny rahalahiny amin’izany raharaha izany; fa ny Tompo no mpamaly ny amin’izany zavatra rehetra izany, toy ny nolazainay sy nambaranay taminareo ihany.

Titosy 3:2

tsy hiteny ratsy olona, tsy ho mpila ady, fa ho mpandefitra, maneho ny halemem-panahy rehetra amin’ny olona rehetra.

Hebreo 12:25

Tandremo mba tsy holavinareo izay miteny. Fa raha izy ireo dia tsy afa-nandositra tamin’ny nandavany ilay nilaza ny tenin’Andriamanitra taminy tetỳ ambonin’ny tany, mainka fa isika, raha miodina miala amin’ilay avy any an-danitra,

Hebreo 5:9

Ary rehefa nahatanteraka izany Izy dia tonga loharanon’ny famonjena mandrakizay ho an’izay rehetra mankatò Azy

Jakoba 2:20

Moa tsy fantatrao va, ry olom-poana, fa tsy vanona ny finoana tsy misy asa?

Jakoba 3:6

Afo koa ny lela, faharatsiana tsy hita lany: Eo amin’ny momba ny tenantsika dia ny lela no mampipentimpentina ny tena manontolo ka mandoro izao zavatra ary rehetra izao, sady arehitry ny afobe izy.

1Petera 2:23

raha notevatevaina Izy dia tsy mba nanevateva; raha nijaly dia tsy nandrahona, fa nanolotra ny raharahany ho amin’ny Mpitsara marina;

1Petera 3:9

Aza mamaly ratsy ny ratsy, na fitenenan-dratsy ny fitenenan-dratsy; fa aoka hisaotra kosa satria ho amin’izany no niantsoana anareo mba handovanareo fitahiana.

1Jaona 2:9

Izay milaza fa ao amin’ny mazava izy, kanefa mankahala ny rahalahiny, dia mbola ao amin’ny maizina ihany.

1Jaona 3:10

Izany no mampiseho miharihary izay zanak’Andriamanitra sy izay zanaky ny devoly. Tsy mba avy amin’Andriamanitra izay rehetra tsy manao ny fahamarinana sy izay tsy tia ny rahalahiny.

1Jaona 5:16

Raha misy mahita ny rahalahiny manao ota tsy mitondra ho amin’ny fahafatesana dia aoka hifona ho azy izy, ary Andriamanitra no hanome azy fiainana; ho an’izay nanao ota tsy ho amin’ny fahafatesana izany. Misy ota ho amin’ny fahafatesana. Tsy mba lazaiko fa tokony hangataka ny amin’izany izy.

Joda 1:9

Fa Mikaela arikanjely aza, raha niady tamin’ny devoly ka nifandìtra ny amin’ny fatin’i Mosesy dia tsy sahy niteny ratsy hanameloka azy, fa hoy izy: «Hananatra anao anie NY TOMPO!»

Apokalipsy 20:14

Ary ny fahafatesana sy ny fitoeran’ny maty dia natsipy tany amin’ny farihy afo. Izany no fahafatesana faharoa, dia ny farihy afo.