Matio 4:1 - DIEM PROTESTANTA

¹ Ary dia notarihin’ny Fanahin’Andriamanitra hankany an-taniefitra i Jesoa, mba halain’ny devoly fanahy.

Baiboly Protestanta Malagasy 2011

¹ Ary Jesosy dia noentin’ny Fanahy nankany an-tany efitra mba halain’ny devoly fanahy.

Dikateny Iombonana Eto Madagasikara

¹ Ary dia notarihin’ny Fanahin’Andriamanitra hankany an-taniefitra i Jesoa, mba halain’ny devoly fanahy.

Baiboly Katolika

¹ Ary tamin’izay dia nentin’ny Fanahy nankany an’efitra i Jesoa, mba halain’ny devoly fanahy;

Baiboly Protestanta Malagasy

¹ ARY Jesosy dia nentin’ny Fanahy nankany an-efitra, mba halain’ny devoly fanahy.

Malagasy Bible

¹ Ary Jesosy dia nentin'ny Fanahy nankany an-efitra, mba halain'ny devoly fanahy.

La Bible en Malgache

¹ Ary Jesosy dia noentin’ny Fanahy nankany an-tany efitra mba halain’ny devoly* fanahy.

Matio 4:1 Rohy Ifampitohizana

Genesisy 3:15

Hampifankahalaiko ianao sy ny vehivavy, ary ny taranakao sy ny taranany. Ny tarana-behivavy no hanorotoro ny lohanao, ary ianao kosa hanorotoro ny ombalahitongotry ny taranany.

1Mpanjaka 18:12

Nefa vao miala eto aminao aho, dia hoentin’ny Fanahin’ny TOMPO any amin’izay tsy fantatro ianao; ary raha handeha hilaza amin’i Ahaba aho nefa ianao tsy ho hitany, dia hataony maty aho. Hatry ny fahazazàko anefa aho no fatra-panaja ny TOMPO.

2Mpanjaka 2:16

ary nanao taminy hoe: –Manana lehilahy maherifo dimampolo izahay mpanomponao; koa aoka ireo handeha hitady ity mpampianatrao, fandrao naingain’ny Fanahin’ny TOMPO izy, ka nazerany any an-tendrombohitra na any an-dohasaha any. Fa notenenin’i Elisà ny andia-mpaminany mba tsy haniraka.

Ezekiela 11:1

Ary ningain’ny Fanahin’ny Tompo aho ka nentiny hankeo amin’ilay vavahady atsinanana amin’ny tranon’ny TOMPO. Tazako teo anilan’ny fidirana ny lehilahy 25 ka anisan’ireny ireo roalahy lehiben’ny vahoaka, dia i Jazanià zanakalahin’i Hazora, sy i Pelatià zanakalahin’i Benaià.

Ezekiela 11:24

Dia tsaroako ho ningain’ny Fanahin’Andriamanitra aho, ka naveriny ho eo anilan’ireo babo tany Babilôna. Tamin’izay dia nitsahatra ny fahitana azoko;

Ezekiela 3:12

Ary ny Fanahin’Andriamanitra nanainga ahy hiala amin’ny tany; dia nandre horakoraka mafy tao ivohoko aho nanao hoe: «Hoderaina anie ny TOMPO any amin’ny toerana izay isehoan’ny voninahiny.»

Ezekiela 3:14

Dia nentin’ny Fanahy izay nanainga ahy niala avy tamin’ny tany aho. Voasariky ny herin’ny TOMPO aho ka tsy nahatohitra, fa lasa nandeha tamin’ny fo nalahelo sady nangitakitaka.

Ezekiela 40:2

Tao anaty fahitana no nitondran’Andriamanitra ahy nankany amin’ny tanin’i Israely. Napetrany teo an-tampon’ny tendrombohitra iray avo dia avo aho, ka teo amin’ny ilany atsimo dia nisy andian-trano vaventy miendrika tanàna.

Ezekiela 43:5

Ary ny Fanahin’Andriamanitra nanainga ahy avy amin’ny tany ka nitondra ahy hankeo amin’ny kianja anatiny; ary hitako nameno ny tempoly ny voninahitry ny TOMPO.

Ezekiela 8:3

Nisy toa tanana natsotrany tamiko ka noraisiny tamin’ny volon-dohako aho. Tanatin’izany fahitana avy amin’Andriamanitra izany, dia tsaroako ho ningain’ny Fanahin’Andriamanitra ho eny ana habakabaka aho ka nentiny hankany Jerosalema. Mby teo amin’ny vavahadin-tanàna izay mitodika mianavaratra aho, dia teo amin’ny toerana nisy ilay sarivongan-tsampy tsy zakan’Andriamanitra.

Jaona 14:30

Tsy hilaza zavatra maro aminareo intsony Aho, satria tonga ilay filohan’izao tontolo izao: tsy manam-pahefana amiko velively izy,

Asan’ny Apostoly 8:39

Nony tafakatra avy tao anaty rano izy roa lahy, dia nentin’ny Fanahin’ny Tompo niala teo i Filipo. Tsy nahita azy intsony ilay tandapa, nefa nanohy ny diany tamin-kafaliana.

Romana 8:14

Eny, izay rehetra tarihin’ny Fanahin’Andriamanitra no zanak’Andriamanitra.

Hebreo 2:18

Fa noho ny tenan’io Mpisorombe io niaritra fijaliana sy nalaim-panahy, dia mahavonjy izay rehetra alaim-panahy koa Izy.

Jakoba 1:14

Fa samy alaim-panahy ny olona, rehefa mitaona azy sy mitady hamandrika azy ny filàndratsiny;