Matio 4:1 - Baiboly Protestanta Malagasy 2011

¹ Ary Jesosy dia noentin’ny Fanahy nankany an-tany efitra mba halain’ny devoly fanahy.

DIEM PROTESTANTA

¹ Ary dia notarihin’ny Fanahin’Andriamanitra hankany an-taniefitra i Jesoa, mba halain’ny devoly fanahy.

Dikateny Iombonana Eto Madagasikara

¹ Ary dia notarihin’ny Fanahin’Andriamanitra hankany an-taniefitra i Jesoa, mba halain’ny devoly fanahy.

Baiboly Katolika

¹ Ary tamin’izay dia nentin’ny Fanahy nankany an’efitra i Jesoa, mba halain’ny devoly fanahy;

Baiboly Protestanta Malagasy

¹ ARY Jesosy dia nentin’ny Fanahy nankany an-efitra, mba halain’ny devoly fanahy.

Malagasy Bible

¹ Ary Jesosy dia nentin'ny Fanahy nankany an-efitra, mba halain'ny devoly fanahy.

La Bible en Malgache

¹ Ary Jesosy dia noentin’ny Fanahy nankany an-tany efitra mba halain’ny devoly* fanahy.

Matio 4:1 Rohy Ifampitohizana

Genesisy 3:15

Hampifandrafesiko ianao sy ny vehivavy; toy izany koa ny taranakao sy ny taranany: Hanorotoro ny lohanao ny taranany, ary ianao kosa dia hanorotoro ny voditongony.

1Mpanjaka 18:12

Nefa raha vao miala eto aminao aho dia hoentin’ny Fanahin’NY TOMPO any amin’izay tsy fantatro ianao; koa raha tonga aho ka milaza amin’i Ahaba, nefa tsy ho hitany ianao tsinona, dia hovonoiny aho. Izaho mpanomponao anefa dia matahotra NY TOMPO hatry ny fahakeliny.

2Mpanjaka 2:16

Ary hoy ireo taminy: Indro, misy dimampolo lahy matanjaka ato amin’ny mpanomponao. Miangavy anao izahay, aoka handeha hitady ny tomponao ireo, sao noentin’ny Fanahin’NY TOMPO izy ka nazerany any an-tendrombohitra any, na any an-dohasaha any. Fa hoy i Elisa: Aza maniraka azy ianareo!

Ezekiela 11:1

Ary nisy fanahy nanainga ahy koa, dia nitondra ahy ho eo amin’ny vavahady atsinanana amin’ny tranon’NY TOMPO, dia ilay manatrika ny atsinanana; ary indreo, nisy olona dimy amby roapolo lahy teo anoloan’ny vavahady; dia hitako teo amin’ireo i Jazania zanak’i Azora sy i Pelatia zanak’i Benaia, lehiben’ny vahoaka.

Ezekiela 11:24

Dia nisy fanahy nanainga ahy ka nitondra ahy ho any Kaldea, tamin’ny fahitana, ho any amin’ny babo, dia tamin’ny Fanahin’Andriamanitra. Dia niakatra niala tamiko ny fahitana izay efa hitako.

Ezekiela 3:12

Ary nisy fanahy nanainga ahy, dia nandre horakoraka be teo ivohoko aho nanao hoe: Isaorana anie ny voninahitry NY TOMPO avy amin’ny fitoerany!

Ezekiela 3:14

Ary nisy fanahy nanainga ahy ka nitondra ahy, dia lasa aho sady tezitra no nivonto ny fanahiko; ary ny tanan’NY TOMPO dia nahery tamiko.

Ezekiela 40:2

Fahitana avy amin’Andriamanitra no nitondrany ahy ho any amin’ny tanin’ny Israely ka napetrany teo an-tendrombohitra avo dia avo aho, ary nisy zavatra toy ny trano ao amin’ny tanàna teo amin’ny ilany atsimo.

Ezekiela 43:5

Dia nisy fanahy nanainga ahy ka nitondra ahy niditra ho ao amin’ny kianja anatiny; ary indro, feno ny voninahitr’NY TOMPO ny Trano.

Ezekiela 8:3

Ary nisy zavatra nitarehin-tanana natsotra ka noraisiny tamin’ny voloko aho, dia nisy fanahy nanainga ahy ho eny anelanelan’ny tany sy ny lanitra ka nitondra ahy ho any Jerosalema tamin’ny fahitana avy amin’Andriamanitra, ho eo amin’ny vavahadin’ny kianja anatiny izay manatrika ny avaratra, dia ilay nisy ny sarin-javatra mampahasaro-piaro, ilay mampahasaro-piaro.

Jaona 14:30

Tsy hilaza zavatra maro aminareo intsony Aho; fa avy ny andrianan’izao tontolo izao, nefa tsy manana na inona na inona ato Amiko izy.

Asan’ny Apostoly 8:39

Rehefa niakatra avy teo amin’ny rano izy roa lahy dia noentin’ny Fanahin’ny Tompo i Filipo ka tsy hitan’ilay tandapa intsony; dia nanohy ny diany izy sady faly.

Romana 8:14

Fa izay tarihin’ny Fanahin’Andriamanitra no zanak’Andriamanitra.

Hebreo 2:18

Fa satria nalaim-panahy tamin’ny fahoriana noentiny ny tenany dia mahavonjy izay alaim-panahy koa Izy.

Jakoba 1:14

Fa samy alaim-panahy ny olona raha tarihin’ny filany sy mety fitahiny.