Matio 11:3 - DIEM PROTESTANTA

³ hanontany azy hoe: –Ianao ve no Ilay ho avy sa olon-kafa no mbola tokony handrasanay?

Baiboly Protestanta Malagasy 2011

³ hilaza Aminy hoe: Ianao va ilay ho avy sa mbola hafa no andrasantsika?

Dikateny Iombonana Eto Madagasikara

³ hanontany azy hoe: –Ianao ve no Ilay ho avy sa olon-kafa no mbola tokony handrasanay?

Baiboly Katolika

³ hanao aminy hoe: «Ianao va no ilay ho avy, sa mbola hafa no andrasantsika?»

Baiboly Protestanta Malagasy

³ hanao aminy hoe: Hianao va Ilay ho avy, sa mbola hafa no andrasantsika?

Malagasy Bible

³ hanao aminy hoe: Hianao va Ilay ho avy, sa mbola hafa no andrasantsika?

La Bible en Malgache

³ hilaza Aminy hoe: Ianao va ilay ho avy sa mbola hafa no andrasantsika?

Matio 11:3 Rohy Ifampitohizana

Genesisy 12:3

Hotahîko izay mitahy anao, fa hozoniko kosa izay manozona anao. Amin’ny alalanao no hitahiana ny firenena rehetra eran-tany.

Genesisy 3:15

Hampifankahalaiko ianao sy ny vehivavy, ary ny taranakao sy ny taranany. Ny tarana-behivavy no hanorotoro ny lohanao, ary ianao kosa hanorotoro ny ombalahitongotry ny taranany.

Genesisy 49:10

Tsy hiala amin’i Joda ny tehim-panjakana, ary tsy hiala amin’ny taranany ny tehim-pibaikoana mandra-pahatongan’ilay tena tompony izay hankatoavin’ny firenena rehetra.

Salamo 118:26

Hotahîna amin’ny anaran’ny TOMPO anie ilay avy. Ianareo koa rarînay fitahiana avy ato an-tranon’ny TOMPO.

Isaia 7:14

Noho izany àry, dia ny Tompo mihitsy no hanome famantarana ho anareo: jereo fa hitoe-jaza ny vehivavy ka hiteraka zazalahy ary ny anarany hataony hoe Himanoela, izany hoe «Andriamanitra miaraka amintsika.»

Hosea 3:5

Aorian’izany ny Israelita dia hitady indray ny TOMPO Andriamaniny sy i Davida mpanjakany, ka hiverina amin-kovitra amin’ny TOMPO sy ireo zava-tsoany amin’ny hoavy.

Obadia 1:21

rehefa afaka amin’ny fahababoana ireo, dia hiakatra ho ao an-tendrombohitra Tsiôna mba hifehy ny tendrombohitr’i Hesao. Amin’izay ny TOMPO mihitsy no ho mpanjaka.

Mika 5:2

–Noho izany, ny Tompo dia hanolotra ny vahoakany amin’ny fahavalo mandra-piavin’ny andro hahatera-dahy ny vehivavy iray; ka izay sisa velona, amin’ireo rahalahiny voasesi-tany, dia hiverina ho any amin’ireo Israelita namany.

Hagay 2:7

Hakorontako ambony ambany ny firenen-drehetra. Hoentina eto, ny hareny rehetra ary dia hofenoiko famirapiratana indray ity trano ity, hoy Izaho TOMPOn’izao rehetra izao.

Zakaria 9:9

Mifalia dia mifalia, ry mponin’i Tsiôna! Manaova fihobiana, ry vahoakan’i Jerosalema! Indro ny Mpanjakanareo avy aty aminareo; marina sady mandresy Izy, feno halemem-panahy sady mitaingina boriky, dia boriky tanora zana-borikivavy.

Malakia 3:1

Ka hoy ny TOMPOn’izao rehetra izao aminareo: «Indro Aho handefa ny irako mba hanamboatra lalana eo alohako; ary ny Tompo izay tadiavinareo dia ho tonga tampoka ao an-tempoliny. Ho tonga hitondra ny fanekempihavanako ilay iraka izay irinareo; indro avy tokoa Izy!»

Nomery 24:17

«Izao no hitako, saingy tsy mbola ankehitriny no hisehoany; izao no tazako, saingy mbola any aoriana lavitra no hitrangany; Misy kintana mipoitra avy amin’ny taranak’i Jakôba, misy mpanjaka mipongatra avy amin’ny Israelita ka ny tehim-panjakàny no mamely ny fihirifan’ny Môabita sy ny lohan’ny mpanakorontana rehetra.

Matio 11:10

Fa i Jôhany no ilay voalazan’ny Soratra Masina hoe: «Indro alefako hialoha Anao ny irako, hoy Andriamanitra, mba hamboatra ny lalan-kalehanao!»

Matio 11:4

Dia hoy i Jesoa namaly ireto iraka: –Ndeha ambarao an’i Jôhany ny zavatra hitanareo sy renareo:

Matio 21:5

«Izao lazaina amin’ny mponina ao Tsiôna: Indro ny mpanjakanareo fa tonga eo aminareo, feno halemem-panahy sady mitaingina boriky vavy dia boriky vavy ombàn-janany, zanaky ny mitondra zioga.»

Matio 21:9

Ary ny vahoaka izay nialoha Azy sy izay nanaraka dia samy niantsoantso hoe: «Dera anie ho an’ny Zanak’i Davida! Hombam-pitahiana amin’ny anaran’ny Tompo anie Ilay avy! Dera anie ho an’Andriamanitra any amin’ny avo indrindra!»

Marka 11:9

Ary ireo olona nialoha an’i Jesoa na ireo nanaraka Azy dia samy niantsoantso hoe: –Dera anie ho an’Andriamanitra! Hombam-pitahiana amin’ny anaran’ny Tompo anie Ilay avy!

Lioka 19:38

hoy ny antsoantsony hoe: «Hombàm-pitahiana amin’ny anaran’ny Tompo anie ny Mpanjaka izay avy! Fiadanana anie any an-danitra, ary voninahitra anie ho an’Andriamanitra!»

Jaona 11:27

Ka novalian’i Marta hoe: –Eny, ry Tompo, mino aho fa Ianao no ilay Mesia, ilay Zanak’Andriamanitra, Ilay tonga eo amin’izao tontolo izao!

Jaona 12:13

Dia naka sampan-drofia izy ireo, ka niainga hitsena Azy sady niantsoantso hoe: –Dera anie ho an’Andriamanitra! Hombàm-pitahiana amin’ny anaran’ny Tompo anie Ilay avy, ilay Mpanjakan’i Israely!

Jaona 16:14

Ny Fanahy fahamarinana no hanome voninahitra Ahy, satria handray avy amin’izay ananako Izy ary hanambara izany aminareo.

Jaona 4:21

Fa izao no tenin’i Jesoa taminy: –Minoa Ahy ianao, ramatoa! Avy ny andro izay tsy hivavahana amin’ny Ray eto amin’ity tendrombohitra ity na any Jerosalema intsony.

Jaona 6:14

Rehefa nahita ny famantarana nataon’i Jesoa teo ny olona, dia vaky vava hoe: –Ity tokoa ilay Mpaminany voalaza fa tsy maintsy ho tonga amin’izao tontolo izao!

Jaona 7:31

Maro kosa tamin’ny vahoaka no nino Azy sady niteny hoe: «Rehefa tonga ny Mesia, moa ve hanao famantarana maro mihoatra ny nataon’Izy io?»

Hebreo 10:37

Fa hoy ny Soratra Masina: «Kely foana sisa dia ho tonga Ilay tsy maintsy ho avy, fa tsy hitaredretra.