Marka 6:52 - DIEM PROTESTANTA

⁵² satria tsy azony an-tsaina ilay nampitomboana ny mofo, noho ny hamafin’ny fony.

Baiboly Protestanta Malagasy 2011

⁵² satria tsy takatry ny sainy ny fahagagana ny amin’ny mofo fa mbola mafy ny fony.

Dikateny Iombonana Eto Madagasikara

⁵² satria tsy azony an-tsaina ilay nampitomboana ny mofo, noho ny hamafin’ny fony.

Baiboly Katolika

⁵² fa tsy azony an-tsaina ity fahagagana tamin’ny mofo teo noho ny hadonton’ny fony.

Baiboly Protestanta Malagasy

⁵² Ary tsy fantany ny amin’ny mofo; fa efa mafy ny fony.

Malagasy Bible

⁵² Ary tsy fantany ny amin'ny mofo; fa efa mafy ny fony.

Marka 6:52 Rohy Ifampitohizana

Isaia 63:17

TOMPO ô, nahoana re izahay no avelanao haniasia lavitra ny lalanao, sy hampikiry ny fonay tsy hanaja Anao? Miverena noho ny fitiavanao ny mpanomponao, dia izahay foko anjara fanananao.

Marka 16:14

Ary farany dia izy 11 lahy teo am-pisakafoana no nisehoan’i Jesoa, ka nomeny tsiny noho izy malain-kino sy mafy fo satria tsy nety nino ireo nahita Azy efa tafatsangana velona.

Marka 3:5

Dia tezitra i Jesoa nanopy maso manodidina nijery azy ireo, sady nalahelo tokoa noho ny hamafin’ny fony, ka niteny tamin-dralehilahy hoe: –Atsory ny tananao! Dia natsotran’ilay marary ny tanany ka sitrana.

Marka 7:18

ka hoy i Jesoa taminy: –Hay ve ianareo koa mba tsy mahafantatra? Tsy takatrareo ve fa izay rehetra avy etỳ ivelany ka miditra ao amin’ny olona dia tsy mahaloto azy,

Lioka 24:25

Dia hoy i Jesoa tamin’izy roa lahy: –Olona votsa saina ianareo ary ela vao mino izay rehetra voalazan’ny mpaminany!

Jaona 12:40

«Andriamanitra efa nanajamba ny mason’ireo sy nanamafy ny fony; hany ka ny masony tsy hahita, ny fony tsy hahafantatra, ary tsy hiverina amiko ireo mba hositraniko, hoy Andriamanitra.»

Romana 11:7

Ahoana àry? Tsy nahazo izay nokatsahiny akory ny vahoaka Israely, fa ireo voafidin’Andriamanitra no nahazo izany. Nohamafisina kosa ny fon’ny hafa rehetra,