Marka 2:24 - DIEM PROTESTANTA

²⁴ Ka hoy ny Farisianina tamin’i Jesoa: –Jereo, nahoana ireto mpianatrao no manao zavatra tsy fanao amin’ny andro sabata?

Baiboly Protestanta Malagasy 2011

²⁴ Dia hoy ny Fariseo Taminy: Jereo, nahoana ireo no manao izay tsy azo atao amin’ny Sabata?

Dikateny Iombonana Eto Madagasikara

²⁴ Ka hoy ny Farisianina tamin’i Jesoa: –Jereo, nahoana ireto mpianatrao no manao zavatra tsy fanao amin’ny andro sabata?

Baiboly Katolika

²⁴ ka hoy ny Farisianina taminy: «Jereo ange e, nahoana izy ireo no manao ny tsy fanao amin’ny sabata?»

Baiboly Protestanta Malagasy

²⁴ Ary ny Fariseo nanao taminy hoe: Indro, nahoana ireo no manao izay tsy mety amin’ny Sabata?

Malagasy Bible

²⁴ Ary ny Fariseo nanao taminy hoe: Indro, nahoana ireo no manao izay tsy mety amin'ny Sabata?

La Bible en Malgache

²⁴ Dia hoy ny Fariseo* Taminy: Jereo, nahoana ireo no manao izay tsy azo atao amin’ny Sabata?

Marka 2:24 Rohy Ifampitohizana

Eksodosy 20:10

Fa ny andro fahafito dia sabata voatokana ho Ahy TOMPO Andriamanitrao; koa aza manao raharaha mihitsy amin’io andro io, na ianao na ny zanakao na ny mpanomponao na ny biby fiompinao na ny vahiny izay ao an-tanànanao.

Eksodosy 31:15

Misy andro enina hiasana isan-kerinandro, fa ny andro fahafito dia sabata, andro fitsaharana voatokana ho Ahy TOMPO. Koa izay olona rehetra miasa amin’ny andro sabata dia hovonoina ho faty.

Isaia 56:2

Sambatra ny olona manatanteraka izay lazaiko sy mifikitra mafy amin’izany, ka mitandrina ny sabata fa tsy manimbazimba azy, ary mitandrina ny tanany tsy hanao ratsy.»

Isaia 56:4

Satria izao no lazain’ny TOMPO: «Ny eonòka mitandrina ny sabatako ka mifidy ny hanao izay sitrako sy mifikitra mafy amin’ny fanekempihavanako,

Isaia 56:6

Ho an’ny hafa firenena miraiki-po amin’ny TOMPO mba hanao fanompoam-pivavahana aminy sady tia Azy ary tonga mpanompony dia izao no teny hentitra ataon’ny TOMPO aminy: «Raha mitandrina ny sabata izy ka tsy manimbazimba azy sy mifikitra mafy amin’ny fanekempihavanako,

Isaia 58:13

Hoy koa ny TOMPO hoe: «Raha atsahatrao ny fanosihosena ny sabata, ka tsy ny tombontsoanao no enjehinao amin’ny andro voatokana ho Ahy, raha ny sabata no lazainao hoe andro mahafinaritra, raha ny andro voatokana ho Ahy no lazainao hoe mendrika hohajaina, raha hajainao tokoa izany ka fadînao ny fanaonao na ny manenjika ny tombontsoanao na ny miteniteny foana,

Matio 12:2

Nahita izany ny Farisianina ka nanao tamin’i Jesoa hoe: –Jereo ny mpianatrao fa manao zavatra tsy fanao amin’ny andro sabata!

Marka 2:16

Rehefa nahita an’i Jesoa niara-nisakafo tamin’ny mpanota sy ny mpamory hetra ireo mpahay lalàna anisan’ny antokom-pivavahana Farisianina, dia nilaza tamin’ny mpianatr’i Jesoa hoe: –Dia miara-misakafo amin’ny mpamory hetra sy ny mpanota ve Izy io?

Marka 2:25

Dia novalian’i Jesoa hoe: –Tsy mbola novakînareo tao amin’ny Soratra Masina angaha izay nataon’i Davida raha tsy nanan-kohanina ka noana izy mbamin’ireo olona niaraka taminy?

Marka 2:7

«Nahoana no miteny toy izany ilay ity? Manevateva an’Andriamanitra! Iza no mahavela heloka afa-tsy Andriamanitra irery ihany?»

Hebreo 12:3

Eritrereto tsara i Jesoa, Izay niaritra ny fanoherana mafy nafitsoky ny mpanota taminy; ka aza kivy, aza ketraka ianareo.