Marka 12:14 - DIEM PROTESTANTA

¹⁴ ka nony tonga teo ry zareo, dia nanao taminy hoe: –Mpampianatra ô, fantatray fa milaza ny marina Ianao sady tsy mampaninona anao izay mety ho hevitry ny hafa, ary tsy mizaha tavan’olona Ianao fa mampianatra tsotra ny lalana soritan’Andriamanitra. Koa azonay atao ve ny mandoa hetra ho an’ny amperôra rômanina sa tsia? Tokony handoa izahay sa tsy handoa?

Baiboly Protestanta Malagasy 2011

¹⁴ Rehefa tonga ireo dia niteny Taminy hoe: Mpampianatra ô, fantatray fa marina Ianao ka tsy mampiova Anao ny hevitry ny olona ary tsy mba mizaha tavan’olona Ianao fa mampianatra marina ny lalànan’Andriamanitra. Mety va ny mandoa vola hetra ho an’i Kaisara sa tsia? Hanome va izahay sa tsy hanome?

Dikateny Iombonana Eto Madagasikara

¹⁴ ka nony tonga teo ry zareo, dia nanao taminy hoe: –Mpampianatra ô, fantatray fa milaza ny marina Ianao sady tsy mampaninona anao izay mety ho hevitry ny hafa, ary tsy mizaha tavan’olona Ianao fa mampianatra tsotra ny lalana soritan’Andriamanitra. Koa azonay atao ve ny mandoa hetra ho an’ny amperôra rômanina sa tsia? Tokony handoa izahay sa tsy handoa?

Baiboly Katolika

¹⁴ ka nony tonga ireo dia nanao taminy hoe: «Ry Mpampianatra ô, fantatray fa marina ianao ka tsy mampaninona Anao ny olona, satria tsy mba mizaha tavan’olona ianao, fa mampianatra ny lalan’Andriamanitra araka ny marina. Moa mety va sa tsia ny mandoa hetra ho an’i Sezara: handoa izahay sa tsy handoa?»

Baiboly Protestanta Malagasy

¹⁴ Ary rehefa tonga izy ireo, dia nanao taminy hoe: Mpampianatra ô, fantatray fa marina Hianao, ka tsy mampaninona Anao ny hevitry ny olona, fa tsy mba mizaha tavan’olona Hianao, fa mampianatra marina ny làlan’Andriamanitra. Mety va ny mandoa vola hetra ho an’i Kaisara, sa tsia?

Malagasy Bible

¹⁴ Ary rehefa tonga izy ireo, dia nanao taminy hoe: Mpampianatra ô, fantatray fa marina Hianao, ka tsy mampaninona Anao ny hevitry ny olona, fa tsy mba mizaha tavan'olona Hianao, fa mampianatra marina ny lalan'Andriamanitra. Mety va ny mandoa vola hetra ho an'i Kaisara, sa tsia?

La Bible en Malgache

¹⁴ Rehefa tonga ireo dia niteny Taminy hoe: Mpampianatra ô, fantatray fa marina Ianao ka tsy mampiova Anao ny hevitry ny olona ary tsy mba mizaha tavan’olona Ianao fa mampianatra marina ny lalànan’Andriamanitra. Mety va ny mandoa vola hetra ho an’i Kaisara sa tsia? Hanome va izahay sa tsy hanome?

Marka 12:14 Rohy Ifampitohizana

2Tantara 18:13

Fa hoy i Mikaià hoe: –Velona ny TOMPO, ka mianiana aho fa izay lazain’Andriamanitra ihany no hambarako.

2Tantara 19:7

Koa ho ao aminareo anie ny fanajana ny TOMPO! Tandremo sy ataovy izany, fa tsy tia heloka na fizahan-tavan’olona na fandraisan-kolikoly ny TOMPO Andriamanitsika.

Nehemia 9:37

Vokatra marobe tokoa no aterak’ity tany ity kanefa lasan’ireo mpanjaka izay notendrenao hanapaka anay noho ny fahotanay; eny, manapaka ny tenanay sy biby fiompinay araka izay itiavany azy izy, ka ozoim-pahoriana mafy izahay!

Salamo 120:2

«TOMPO ô, mba afaho re aho amin’ny mpilaza lainga sy fitaka!»

Salamo 55:21

Ny olona nihavanany, aninjirany tanana; ny fifanekena nataony, ivadihany.

Jeremia 42:20

Nanao hevitra kinangananga ianareo, raha naniraka ahy hanontany ny TOMPO Andriamanitrareo, ary nangataka ahy hivavaka ho anareo, ka nanao tamiko hoe: «Ampahafantaro anay avokoa izay rehetra nandidian’ny TOMPO anao, dia hataonay izany».

Mika 3:8

Izaho kosa, noho ny Fanahin’ny TOMPO, dia feno tanjaka sy rariny ary herim-po, mba hanambara amin’ny taranak’i Jakôba ny helony, eny, mba hanambara amin’ny vahoakan’i Israely ny fahotany.

Matio 22:16

Ary naniraka ny mpianany mbamin’ny Herôdianina ry zareo ho any amin’i Jesoa, ka hoy ireto iraka hoe: –Mpampianatra ô, fantatray fa olo-marina Ianao ary mampianatra tsotra ny lalana soritan’Andriamanitra; sady tsy mampaninona Anao izay mety ho hevitry ny hafa, satria tsy mizaha tavan’olona Ianao.

Matio 22:17

Koa mba lazao aminay izay hevitrao ny amin’ity: Azonay atao ve ny mandoa hetra amin’ny amperôra rômanina sa tsia?

Marka 12:13

Nisy iraka sasantsasany avy amin’ny Farisianina sy ny Herôdianina nankeo amin’i Jesoa hamandrika Azy amin’ny fanontaniana;

Marka 12:15

Fantatr’i Jesoa anefa ny fihatsarambelatsihin’ireo, ka hoy Izy taminy: –Nahoana no maka fanahy Ahy ianareo? Itondray vola denàry anankiray Aho hojereko.

Marka 14:45

Vao tonga i Jodasy, dia nanatona an’i Jesoa avy hatrany ka nanao taminy hoe: –Mpampianatra ô! Dia nanoroka Azy i Jodasy.

Lioka 20:22

Koa azonay atao ve ny mandoa hetra ho an’ny amperôra rômanina sa tsia?

Lioka 23:2

ary nanomboka niampanga Azy nanao hoe: –Ity olona ity hitanay manakorontana ny firenenay sy mandrara tsy handoa hetra amin’ny amperôra rômanina ary mihambo ny tenany ho Mesia mpanjaka.

Jaona 7:18

Izay miteny zavatra avy amin’ny tenany fotsiny dia mitady ny voninahitra ho an’ny tenany; fa izay mitady ny voninahitr’ilay naniraka azy no azo antoka sady tsy misy fitaka ao aminy.

Romana 13:6

Izany ihany koa no antony andoavanareo hetra; fa ny mpiasam-panjakana miandraikitra izany dia mpandraharahan’Andriamanitra mitozo amin’io asa io.

2Korintiana 2:17

Izahay dia tsy toy ny sasany manao ny tenin’Andriamanitra ho filàm-bola, fa miteny toy ny olona irahin’Andriamanitra sady mahitsy fo eo anatrehan’Andriamanitra, araka ny maha mpanompon’i Kristy anay.

2Korintiana 2:2

Fa raha ampalaheloviko ianareo, dia mba iza indray no hampifaly ahy? Moa tsy ireo nampalaheloviko ihany ve?

2Korintiana 4:1

Izahay no manana izany fanompoana izany, dia noho ny indrafon’Andriamanitra taminay; koa tsy mety ketraka izahay.

2Korintiana 5:11

Fantatray ny atao hoe fahatahorana ny Tompo, ka miezaka hampanaiky ny olona izahay. Tena mahalala anay Andriamanitra, ary antenaiko fa mahalala ahy ao amin’ny fieritreretanareo koa ianareo.

2Korintiana 5:16

Ka hatramin’ny naha kristianina anay, dia tsy mihevitra na iza na iza araka ny fisainan’olombelona intsony izahay. Na dia nihevitra an’i Kristy araka ny fisainan’olombelona aza izahay fahiny, dia tsy manao toy izany intsony ankehitriny.

Galatiana 1:10

Olombelona ve ankehitriny no ilàko sitraka? Tsia, fa Andriamanitra no ilàko sitraka! Sa ny ho mamy hoditra amin’ny olombelona no tadiaviko? Raha mbola ny ho mamy hoditra amin’ny olombelona no tadiaviko, dia tsy mpanompon’i Kristy aho.

Galatiana 2:6

Ireo noheverina ho tena tompon’andraikitra kosa, – na ahoana na ahoana fahefàny, dia tsy mampaninona ahy izany, satria Andriamanitra tsy mba mizaha tavan’olona! –, ireo tompon’andraikitra dia tsy nandidy ahy hampihatra fepetra hafa na inona na inona.

Deoteronomia 16:19

Aza manao fitsarana miangatra, aza mizaha tavan’olona, ary aza mandray kolikoly; fa ny kolikoly mahajamba ny mason’ny hendry ka mampamadika ny raharahan’ny manan-drariny.

1Tesaloniana 2:4

fa Andriamanitra no efa nizaha toetra anay ka nanankina taminay ny Vaovao Mahafaly, ary dia araka izany no itenenanay: tsy mila sitraka amin’olombelona izahay, fa amin’Andriamanitra Izay mizaha toetra ny fonay.