Levitikosy 9:9 - DIEM PROTESTANTA

⁹ Ary nentin-janany ho eo amin’i Aharôna ny ran’ilay ombilahikely; dia nanatsoboka ny fanondrony tamin’ny ra i Aharôna, ka notentenany ny tandroky ny alitara; ary ny ra sisa dia naidiny teo am-pototry ny alitara.

Baiboly Protestanta Malagasy 2011

⁹ Ary noentin’ireo zanak’i Arona ho eo aminy ny ra dia natsobok’i Arona tamin’ny ra ny fanondrony ka nahosony tamin’ireo tandroky ny alitara; ny ra sisa kosa dia naidiny teo am-pototry ny alitara.

Dikateny Iombonana Eto Madagasikara

⁹ Ary nentin-janany ho eo amin’i Aharôna ny ran’ilay ombilahikely; dia nanatsoboka ny fanondrony tamin’ny ra i Aharôna, ka notentenany ny tandroky ny alitara; ary ny ra sisa dia naidiny teo am-pototry ny alitara.

Baiboly Katolika

⁹ Ary natolotr’ireo zanak’i Aarôna azy ny ra, ka natsobony tao ny rantsan-tanany, notentenany ny tandroky ny ôtely, ary naidiny teo an-tongotry ny ôtely ny ra.

Baiboly Protestanta Malagasy

⁹ Ary nentin’ny zanak’i Arona ho eo aminy ny ra, dia nanoboka ny fanondrony tamin’ny ra Arona, ka notentenany ny tandroky ny alitara ary ny ra sisa dia naidiny teo am-bodin’ny alitara;

Malagasy Bible

⁹ Ary nentin'ny zanak'i Arona ho eo aminy ny rà, dia nanoboka ny fanondrony tamin'ny rà Arona, ka notentenany ny tandroky ny alitara ary ny rà sisa dia naidiny teo am-bodin'ny alitara;

La Bible en Malgache

⁹ Ary noentin’ireo zanak’i Arona ho eo aminy ny ra dia natsobok’i Arona tamin’ny ra ny fanondrony ka nahosony tamin’ireo tandroky* ny alitara; ny ra sisa kosa dia naidiny teo am-pototry ny alitara.

Levitikosy 9:9 Rohy Ifampitohizana

Ezekiela 43:15

Ny fanambonin’ny alitara, izay misy ny fatana, dia roa metatra ny haavony, ka tandroka efatra no teo amin’ny zorony efatra.

Ezekiela 43:20

Dia hangalanao ny rany ka hatentinao amin’ny tandroka efatry ny alitara sy amin’ny zorony efatry ny marin-tampona ambony ary amin’ny morony manodidina. Toy izany no hanadiovanao ny alitara sy hanokananao azy.

Levitikosy 16:18

dia hivoaka hankeo amin’ny alitara eo anoloan’ny Tranolay fihaonana izy, ka hanao ny fombam-pivavahana fanadiovana io alitara io. Samy hangalany avy ny ran’ny ombilahy sy ny ran’ny osilahy hanentenany ny tandroky ny alitara eo amin’ny zorony efatra;

Levitikosy 4:25

Hangalan’ny mpisorona amin’ny fanondrony ny ran’ilay osilahy ka hatentiny eo amin’ny tandroky ny alitara fanaovan-tsorona dorana; ary ny ra sisa dia haidiny eo am-pototr’io alitara io ihany.

Levitikosy 4:30

Hangalan’ny mpisorona amin’ny fanondrony ny ra, ka hatentiny eo amin’ny tandroky ny alitara fanaovan-tsorona dorana; ary ny ra sisa rehetra dia haidiny eo ampototr’io alitara io ihany.

Levitikosy 8:15

Novonoin’i Mosesy io ary nangalany ny ra ka notentenany tamin’ny fanondro ny tandroky ny alitara mba ho fanadiovana ny alitara manontolo; ary ny ra sisa dia naidiny teo am-pototry ny alitara: toy izany no nanokanan’i Mosesy ny alitara mba hahazoana manao fombam-pivavahana famelan-keloka eo amboniny.

Levitikosy 9:10

Ny jaborany kosa sy ny voany roa ary ny ila atiny, avy tamin’ilay sorona fanalana ny ota, dia nodorany hanetona teo ambonin’ny alitara, araka izay nandidian’ny TOMPO an’i Mosesy;

Levitikosy 9:12

Dia novonoin’i Aharôna koa ny ondrilahy hatao sorona dorana manontolo; ka rehefa natolotr’ireo zanany azy ny ra, dia nafafiny tamin’ny lafin’ny alitara.

Levitikosy 9:18

Farany, novonoin’i Aharôna ny ombilahy sy ondrilahy izay nentin’ny vahoaka hatao sorom-pihavanana; dia natolotry ny zanany azy ny ra, ka nafafiny manodidina tamin’ny lafin’ny alitara.

Hebreo 2:10

Eny, Andriamanitra, Izay nahary ny zavatra rehetra sady anton’ny nahariana ny zavatra rehetra, dia te hitondra zanaka maro ho any amin’ny voninahitra; ka rariny raha nataon’Andriamanitra ho tanteraka tamin’ny alalan’ny fijaliana tokoa i Jesoa, ilay mpitari-dalana azy ireo ho amin’ny famonjena.