Levitikosy 26:14 - DIEM PROTESTANTA

¹⁴ «Fa raha tàhiny tsy henoinareo kosa Aho, ka tsy tanterahinareo ireo didy rehetra ireo,

Baiboly Protestanta Malagasy 2011

¹⁴ Fa raha tsy mihaino Ahy kosa ianareo ka tsy mankatò ireo didy rehetra ireo

Dikateny Iombonana Eto Madagasikara

¹⁴ «Fa raha tàhiny tsy henoinareo kosa Aho, ka tsy tanterahinareo ireo didy rehetra ireo,

Baiboly Katolika

¹⁴ Fa raha tsy mihaino Ahy kosa ianareo, ka tsy mankatò ireo didy rehetra ireo,

Baiboly Protestanta Malagasy

¹⁴ Fa raha tsy mihaino Ahy kosa hianareo ka tsy mankatò ireo didy rehetra ireo,

Malagasy Bible

¹⁴ Fa raha tsy mihaino Ahy kosa ianareo ka tsy mankatò ireo didy rehetra ireo,

La Bible en Malgache

¹⁴ Fa raha tsy mihaino Ahy kosa ianareo ka tsy mankatò ireo didy rehetra ireo

Levitikosy 26:14 Rohy Ifampitohizana

2Mpanjaka 22:13

–Ndeha anontanio ny TOMPO ho ahy sy ho an’ny vahoaka manerana an’i Joda manontolo ny amin’ny teny raketin’ity boky vao hita ity. Ireo razantsika manko tsy nihaino ny tenin’ity boky ity sady tsy nanao araka izay rehetra voasoratra ao anatiny, hany ka hirehitra mafy amintsika ny fahatezeran’ny TOMPO.

2Tantara 34:24

‹Indro Aho hahatonga loza amin’ity tanàna ity sy ny mponiny, dia ny ozona rehetra voasoratra ao anatin’ilay boky izay novakîna teo anatrehan’ny mpanjakan’i Joda.

2Tantara 7:19

Nefa kosa raha mivily ianareo ka mandao ny lalàna sy ny didy izay napetrako teo anoloanareo, ka mandeha manompo andriamani-kafa sy miankohoka eo anatrehany,

Salamo 81:12

Kanjo ny vahoakako tsy nihaino Ahy, ny Israelita tsy nila Ahy,

Ohabolana 3:33

Ozonin’ny TOMPO ny tranon’ny olon-dratsy fa ny fonenan’ny olo-marina kosa tahîny.

Jeremia 11:8

Nefa tsy nihaino na niraharaha akory izy fa samy nikiry tamin’ny ditram-pony mahatsiravina ka nampiharako ny teny rehetra tao amin’ity fanekempihavanana ity, satria tsy nanaraka izay nodidiako harahiny izy.»

Jeremia 17:27

Fa raha tsy mihaino Ahy kosa ianareo ka tsy manokana ny andro sabata ho Ahy fa mbola mitondra entana mandalo amin’ireo vavahadin’i Jerosalema ireo amin’ny andro sabata ihany, dia handrehetako afo ao anaty tanàna; ka handevona ireo tranony tsara tarehy izany afo izany sady tsy ho faty.»

Jeremia 26:4

Koa ambarao azy hoe: Izao no lazain’ny TOMPO: ‹Mihainoa Ahy ianareo ka araho ny lalàna izay nomeko anareo;

Jeremia 28:8

Efa nisy tokoa mpaminany hatry ny ela talohanao sy talohako. Ireny mpaminany ireny dia manambara hafatra tamin’ireo tany matanjaka sy fanjakana malaza; nefa ady sy loza ary areti-mandringana no nambarany mazàna.

Jeremia 32:23

Tonga teto tokoa izy ary naka ny tany ho fananany; saingy tsy nihaino izay nolazainao izy, ary tsy nanaraka ny lalànao sady tsy nanatanteraka ny zavatra rehetra nasainao nataony; koa izany no nampiharanao izao loza rehetra izao aminy.

Jeremia 40:2

Teo izy no nalain’ny lehiben’ny mpiambina ka nilazany hoe: «Ny TOMPO Andriamanitrao no nanambara mialoha izao loza manjo ity tanàna ity izao.

Fitomaniana 1:18

Rariny ny nataon’ny TOMPO, satria efa nanohitra ny baikony aho. Mihainoa tsara, rey olona rehetra eto ka jereo ny fijaliako: ny tovovaviko sy ny tovolahiko dia samy lasa ho any an-tsesitany.

Fitomaniana 2:17

Nataon’ny TOMPO izay efa nosaintsaininy, notanterahiny izay nambarany, dia izay efa notapahiny hatry ny ela: nandravarava Izy ka tsy niantra. Nampitotorebika ny fahavalo Izy noho ny nanjo anao ary nampiakatra ny reharehan’ny mpandrafy anao.

Daniela 9:13

Araka izay voasoratra tao amin’ny lalànan’i Mosesy, ireo loza rehetra ireo dia tonga taminay, kanefa tsy nifona teo anatrehanao Tompo Andriamanitray izahay mba hialanay amin’ny helokay sady tsy niraika akory tamin’ny fahamarinanao.

Hosea 7:12

Iny izy mankany iny kosa no velariko aminy ny haratoko, ka ataoko izay hilatsahany ao toy ny voromanidina; avy eo dia faiziko izy araka ny zavatra ratsy nataony.

Levitikosy 26:18

«Raha amin’izany no tsy henoinareo ihany Aho, dia mbola hofaiziko impito henin’izany ianareo noho ny fahotanareo.

Asan’ny Apostoly 3:23

Izay rehetra tsy hihaino izany mpaminany izany dia haringana tsy ho eo amin’ny vahoakan’Andriamanitra intsony.»

Hebreo 12:25

Mitandrema àry! Aza manentsin-tadîny amin’izay miteny aminareo. Fa raha tsy afa-nandositra ireo nanentsin-tadîny tamin’ilay nilaza hafatr’Andriamanitra taminy teto an-tany, mainka fa isika raha miala amin’Ilay miteny amintsika avy any an-danitra.

Josoa 23:15

Saingy tahaka izay nahatanterahan’ny zava-tsoa rehetra nampanantenain’ny TOMPO Andriamanitrareo taminareo no hampiavy aminareo ny loza rehetra, mandra-paharingany anareo tsy ho eto amin’ity tany soa nomeny anareo ity,

Mpitsara 2:15

Isaky ny nandeha nanafika ireo Israelita, dia nataon’ny TOMPO resy foana araka izay efa nambarany mialoha sady efa nianianany; ka nijaly mafy ireo.

1Samoela 12:15

Fa raha tsy mankatò ny tenin’ny TOMPO sy tsy mitandrina ny didiny kosa ianareo, dia haneho ny heriny aminareo ny TOMPO, tahaka izay efa nataony fahiny tamin’ny razanareo.