Josoa 9:11 - DIEM PROTESTANTA

¹¹ Izany no nitenenan’ireo loholonay sy ireo olona rehetra mpiray tanindrazana aminay mba hanomana vatsy ho an’ny dia ka handeha hihaona aminareo; nasainy manolo-tena hanompo anareo izahay sy mangataka anareo hanao fanekempihavanana aminay.

Baiboly Protestanta Malagasy 2011

¹¹ Dia niteny taminay ny loholonay sy ny mponina rehetra amin’ny taninay hoe: Mitondrà vatsy eny an-tananareo ho any amin’ny haleha, dia mandehana hitsena azy ka lazao aminy hoe: Mpanomponareo izahay, koa ankehitriny manaova fanekena aminay.

Dikateny Iombonana Eto Madagasikara

¹¹ Izany no nitenenan’ireo loholonay sy ireo olona rehetra mpiray tanindrazana aminay mba hanomana vatsy ho an’ny dia ka handeha hihaona aminareo; nasainy manolo-tena hanompo anareo izahay sy mangataka anareo hanao fanekempihavanana aminay.

Baiboly Katolika

¹¹ Ka hoy ny loholonay sy ny mponina rehetra amin’ny taninay taminay: Mitondrà vatsy ho any an-dalana, ka mandehana mitsena azy ireo, ary lazao aminy hoe: Mpanomponareo izahay, koa ankehitriny aoka mba hanao fanekem-pihavanana aminay ianareo.

Baiboly Protestanta Malagasy

¹¹ Dia niteny taminay ny loholonay sy ny mponina rehetra amin’ny taninay ka nanao hoe: Mitondrà vatsy eny an-tànanareo ho any amin’ny haleha, dia mandehana hitsena azy, ka lazao aminy hoe: Mpanomponao izahay; koa ankehitriny manaova fanekena aminay.

Malagasy Bible

¹¹ Dia niteny taminay ny loholonay sy ny mponina rehetra amin'ny taninay ka nanao hoe: Mitondrà vatsy eny an-tananareo ho any amin'ny haleha, dia mandehana hitsena azy, ka lazao aminy hoe: Mpanomponao izahay; koa ankehitriny manaova fanekena aminay.

La Bible en Malgache

¹¹ Dia niteny taminay ny loholonay sy ny mponina rehetra amin’ny taninay hoe: Mitondrà vatsy eny an-tananareo ho any amin’ny haleha, dia mandehana hitsena azy ka lazao aminy hoe: Mpanomponareo izahay, koa ankehitriny manaova fanekena aminay.

Josoa 9:11 Rohy Ifampitohizana

Genesisy 43:12

Mitondrà vola toy ny taloha ary ento koa ireo vola teo am-bavan-kitaponareo, dia avereno aminy fa angamba nisy fahadisoana.

2Mpanjaka 10:5

Dia nampitondra izao valin-teny izao ho an’i Jehò ilay lehiben’ny tandapa sy ilay mpanapaka ny tanàna mbamin’ireo loholona sy ireo mpanabe nanao hoe: «Mpanomponao izahay ka vonon-kanao izay rehetra andidianao anay; ary tsy hanangana olona ho mpanjaka izahay, koa ataovy izay sitrakao.»

Estera 8:17

Isam-paritany sy isan-tanàna nahatongavan’ny teny aman-didin’ny amperôra, dia ravoravo sy heni-kafaliana ny Jiosy ary nanao fanasana sy lanonana. Maro ny olona tompon-tany no tonga Jiosy, satria nanindry azy ny fahatahorana ny Jiosy.

Lioka 9:3

sady nohafatrafarany hoe: –Aza mitondra na inona na inona ianareo rehefa mandeha, na tehina, na kitapo, na sakafo, na vola, na akanjo hisoloana.

Josoa 1:11

–Ndeha mitety ny toby ka mandidia ny vahoaka hoe: «Manamboara vatsy ho anareo; fa, raha afaka telo andro, dia hiampita an’ity Jôrdàna ity ianareo mba hiditra haka ny tany izay omen’ny TOMPO Andriamanitrareo ho fanananareo».

Josoa 9:10

sy izay rehetra nataony tamin’ireo mpanjaka amorîta roa lahy tany ampitan’i Jôrdàna: dia i Sihôna mpanjakan’i Hesbôna, sy i Hôga mpanjakan’i Basàna izay nonina tany Hastarôta.

Josoa 9:12

Jereonareo ange ny mofonay e! Mbola nafàna izy ireo raha nentinay hatao vatsy fony izahay niala tany an-tranonay hankaty aminareo, nefa ankehitriny efa maina sy bobongolo!

Josoa 9:8

Dia hoy ireo tamin’i Josoa: –Manolo-tena hanompo anao izahay! I Josoa kosa nanontany azy hoe: –Fa iza moa ianareo ary avy aiza?