Biblia Todo Logo
Baiboly an-tserasera
- dokam-barotra -




Josoa 8:33 - DIEM PROTESTANTA

33 Ny Israelita rehetra mbamin’ny loholony sy lehibeny ama-mpitsarany, ary koa ireo hafa firenena niara-nonina taminy, dia nitsangana teo andaniny sy ankilan’ilay Vatamasina mirakitra ny fanekempihavanan’ny TOMPO ka nanatrika ny levita mpisorona izay nitondra azy. Teo akaikin’ny tendrombohitra Gerizima ny antsasak’ireo olona ireo, ary teo akaikin’ny tendrombohitr’i Hebala kosa ny antsasany, araka izay didy efa nomen’i Mosesy mpanompon’ny TOMPO mba hitsofan-drano ny vahoaka Israely.

Jereo ny toko dika mitovy

Baiboly Protestanta Malagasy 2011

33 Ny Israely rehetra sy ny loholony sy ny mpifehy azy ary ny mpitsara azy, na olona hafa firenena na Israely, dia nitsangana teo an-daniny roa amin’ny vata misy ny Fanekena, teo anatrehan’ny levita mpisorona izay nitondra ny vata misy ny faneken’NY TOMPO: Ny antsasany dia nanandrify ny tendrombohitra Gerizima, ary ny antsasany dia nanandrify ny tendrombohitra Ebala, araka izay efa nandidian’i Mosesy, mpanompon’NY TOMPO fahiny, mba hitsodrano ny vahoakan’Israely.

Jereo ny toko dika mitovy

Dikateny Iombonana Eto Madagasikara

33 Ny Israelita rehetra mbamin’ny loholony sy lehibeny ama-mpitsarany, ary koa ireo hafa firenena niara-nonina taminy, dia nitsangana teo andaniny sy ankilan’ilay Vatamasina mirakitra ny fanekempihavanan’ny TOMPO ka nanatrika ny levita mpisorona izay nitondra azy. Teo akaikin’ny tendrombohitra Gerizima ny antsasak’ireo olona ireo, ary teo akaikin’ny tendrombohitr’i Hebala kosa ny antsasany, araka izay didy efa nomen’i Mosesy mpanompon’ny TOMPO mba hitsofan-drano ny vahoaka Israely.

Jereo ny toko dika mitovy

Baiboly Katolika

33 Nitsangana teo an-daniny roa amin’ny fiaran’ny faneken’i Iaveh, i Israely rehetra, ny loholony, ny manamboninahiny, ny mpitsarany, na ny vahiny na ny zanak’i Israely, ny antsasany teo anilan’ny tendrombohitra Garizima, ny antsasany teo anilan’ny tendrombohitra Hebaka, araka ny didy nomen’i Môizy mpanompon’i Iaveh fahiny, mba hitso-drano ny vahoakan’i Israely.

Jereo ny toko dika mitovy

Baiboly Protestanta Malagasy

33 Ary ny Isiraely rehetra sy ny loholony sy ny mpifehy azy ary ny mpitsara azy dia nitsangana teo an-daniny roa amin’ny fiara, teo anatrehan’ny Levita mpisorona, izay nitondra ny fiaran’ny faneken’i Jehovah, na olona hafa firenena, na Isiraely: ny antsasany nanandrify ny tendrombohitra Gerizima, ary ny antsasany nanandrify ny tendrombohitra Ebala, araka izay efa nandidian’i Mosesy, mpanompon’i Jehovah fahiny, mba hitso-drano ny olona Isiraely.

Jereo ny toko dika mitovy

Malagasy Bible

33 Ary ny Isiraely rehetra sy ny loholony sy ny mpifehy azy ary ny mpitsara azy dia nitsangana teo an-daniny roa amin'ny fiara, teo anatrehan'ny Levita mpisorona, izay nitondra ny fiaran'ny faneken'i Jehovah, na olona hafa firenena, na Isiraely: ny antsasany nanandrify ny tendrombohitra Gerizima, ary ny antsasany nanandrify ny tendrombohitra Ebala, araka izay efa nandidian'i Mosesy mpanompon'i Jehovah fahiny, mba hitso-drano ny olona Isiraely.

Jereo ny toko dika mitovy

La Bible en Malgache

33 Ny Israely rehetra sy ny loholony sy ny mpifehy azy ary ny mpitsara azy, na olona hafa firenena na Israely, dia nitsangana teo an-daniny roa amin’ny vata misy ny Fanekena*, teo anatrehan’ny levita* mpisorona izay nitondra ny vata misy ny faneken’NY TOMPO: Ny antsasany dia nanandrify ny tendrombohitra Gerizima, ary ny antsasany dia nanandrify ny tendrombohitra Ebala, araka izay efa nandidian’i Mosesy, mpanompon’NY TOMPO fahiny, mba hitsodrano ny vahoakan’Israely.

Jereo ny toko dika mitovy




Josoa 8:33
22 Rohy Ifampitohizana  

«Fepetra mitovy no ampiharina amin’ny Israelita sy ny vahiny valovotaka eo amin’ny taninareo.»


«Fitsipika tokana no hitondrana anareo, na vahiny na tompontany, fa Izaho no TOMPO Andriamanitrareo.»


Mitovy ihany ny fitsipika ho an’ny mpiray fiangonana, na ho anareo na ho an’ny vahiny izay eo aminareo, ary dia hanan-kery amin’ny taranaka rehetra mifandimby izany; tsy hisy hafa ianareo sy ny vahiny eo anatrehako.


Lalàna sy fitsipika iray ihany no mifehy anareo sy izay vahiny eo aminareo.»


Mitovy ihany ny lalàna na amin’ny Israelita na amin’ny vahiny izay eo aminy, raha toa ka misy ny manota tsy nahy.


Ireo razanay Samaritanina dia nivavaka teto amin’ity tendrombohitra ity; fa ianareo Jiosy kosa milaza fa any Jerosalema no tsy maintsy ivavahana.


Rahatrizay ny TOMPO Andriamanitrareo hahatafiditra anareo any amin’ny tany izay hidiranareo mba halainareo ho fananana, dia ny fitahiana no tonony eo an-tendrombohitra Gerizima, ary ny ozona kosa tonony ao an-tendrombohitra Hebala.


Vorio ny vahoaka rehetra, na lehilahy, na vehivavy, na ankizy madinika, ary na dia ny vahiny ao an-tanànanareo aza, mba hihainoany sy hianarany izany ka hanajany ny TOMPO Andriamanitrareo sy himasoany hanatanteraka ny teny rehetra raketin’ity Lalàna ity.


dia nofeperany ny Levita, izay mpitondra ny Vatamasina mirakitra ny fanekempihavanan’ny TOMPO ka nataony hoe:


Dia nataon’i Mosesy an-tsoratra izany Lalànan’Andriamanitra izany, ka natolony tamin’ireo mpisorona, taranak’i Levỳ, dia ireo mpitondra ny Vatamasina mirakitra ny Fanekempihavanan’ny TOMPO, ary koa tamin’ireo rehetra loholon’i Israely.


koa nantsoiny avokoa ny Israelita rehetra, anisan’izany ireo loholony sy lehibeny ary mpitsarany sy manamboninahiny, ka nilazany hoe: –Efa antitra be aho izao.


Namory ny fokon’i Israely rehetra tao Sekema i Josoa. Nantsoiny avokoa ireo loholony sy lehilahy ary mpitsarany sy manamboninahiny, ka tonga niseho teo anatrehan’Andriamanitra.


Dia nandao ny toby mba hiampita an’i Jôrdàna ny vahoaka; ary ny mpisorona nitondra ny Vatamasina mirakitra ny fanekempihavanana no teo alohany.


ary nandidy azy hoe: –Raha vao hitanareo fa entin’ny Levita mpisorona ilay Vatamasina mirakitra ny fanekempihavanan’ny TOMPO Andriamanitrareo, dia ialao ity toerana misy anareo ity ka mandehana manaraka azy.


Tamin’ny andro manaraka, dia nibaiko ny mpisorona i Josoa hoe: –Entonareo ny Vatamasina mirakitra ny fankempihavanana ka miampità eo alohan’ny vahoaka. Dia nitondra ilay Vatamasina ireo ka nandeha teo alohan’ny vahoaka.


Ny mpisorona nitondra ny Vatamasina kosa dia nijoro teo afovoan’i Jôrdàna ambara-pahatanteraky ny teny rehetra izay nodidian’ny TOMPO holazain’i Josoa amin’ny vahoaka, araka izay rehetra efa nandidian’i Mosesy an’i Josoa. Dia nita faingana ny vahoaka;


Ary niakatra ireo mpisorona nitondra ny Vatamasina; ka raha vao nigadona teo an-tanety ny tongony, dia niverina tamin’ny laoniny indray ny ranon’i Jôrdàna ary nihoatra ny morony rehetra toy ny teo aloha.


Dia niantso ny mpisorona i Josoa zanakalahin’i Nona ka nanao taminy hoe: –Entonareo ilay Vatamasina mirakitra ny fanekempihavanan’ny TOMPO, ary aoka hisy mpisorona fito mitondra trompetra eo alohany.


Araho izahay:

dokam-barotra


dokam-barotra