Josoa 8:18 - DIEM PROTESTANTA

¹⁸ Dia hoy ny TOMPO tamin’i Josoa: –Ambano amin’ny lefona eny an-tananao i Hay satria hatolotro eo an-tananao izy. Dia nanambanan’i Josoa ny tanàna ilay lefona teny an-tanany.

Baiboly Protestanta Malagasy 2011

¹⁸ Ary hoy NY TOMPO tamin’i Josoa: Atondroy an’i Ay ny lefona izay eny an-tananao fa hatolotro eo an-tananao i Ay. Dia natondron’i Josoa ny tanàna ny lefona izay teny an-tanany.

Dikateny Iombonana Eto Madagasikara

¹⁸ Dia hoy ny TOMPO tamin’i Josoa: –Ambano amin’ny lefona eny an-tananao i Hay satria hatolotro eo an-tananao izy. Dia nanambanan’i Josoa ny tanàna ilay lefona teny an-tanany.

Baiboly Katolika

¹⁸ Ary hoy i Iaveh tamin’i Jôsoe: «Atsory mankany Haia ny lefona eny an-tananao, fa efa natolotro ho eo ambany fahefanao izy.» Dia natondron’i Jôsoe ny tanàna ny lefona teny an-tanany.

Baiboly Protestanta Malagasy

¹⁸ Ary hoy Jehovah tamin’i Josoa: Atondroy an’i Ay ny lefona izay eny an-tànanao; fa hatolotro eo an-tànanao Ay. Dia natondron’i Josoa ny tanàna ny lefona izay teny an-tànany.

Malagasy Bible

¹⁸ Ary hoy Jehovah tamin'i Josoa: Atondroy an'i Ay ny lefona izay eny an-tananao; fa hatolotro eo an-tananao Ay. Dia natondron'i Josoa ny tanàna ny lefona izay teny an-tànany.

La Bible en Malgache

¹⁸ Ary hoy NY TOMPO tamin’i Josoa: Atondroy an’i Ay ny lefona izay eny an-tananao fa hatolotro eo an-tananao i Ay. Dia natondron’i Josoa ny tanàna ny lefona izay teny an-tanany.

Josoa 8:18 Rohy Ifampitohizana

Joba 15:25

Izany no tonga dia satria ny olon-dratsy naninji-tanana hanohitra an’Andriamanitra sady nirehareha nihantsy an’ilay Tsitoha.

Joba 39:23

Mikorintsana eo an-damosiny ny tranon-jana-tsipîka; manjelanjelatra kosa ny lefona sy ny sabatra.

Eksodosy 14:16

Ingao ny tehinao, ka ahinjiro eo ambony ranomasina ny tananao. Ary saraho ny rano, dia hamaky eo afovoan’ny rano eo amin’ny tany maina ny Israelita.

Eksodosy 8:1

Hoy koa ny TOMPO tamin’i Mosesy: –Asaovy ahinjitr’i Aharôna ny tanany mitana ny tehinao ho eny ambonin’ny renirano sy ny lakan-drano ary ny farihy mba hiakaran’ny sahona ho eny amin’ny tany Ejipta.

Eksodosy 8:5

Fa hoy i Mosesy tamin’ny Farao: –Raiso ho voninahitrao ny mametra ny fotoana hangatahako amin’ny Tompo ho anao sy ny mpanomponao ary ny vahoakanao mba hanesorana ny sahona aminao sy amin’ny lapanao, ka tsy hisy havela afa-tsy ny ao Neily ihany.

Ezekiela 30:25

Eny, hiraviravy tsy hanan-kery ny sandrin’ny Farao; fa homeko tanjaka kosa ny sandrin’ny mpanjakan’i Babilôna, ka ny sabatro mihitsy no hapetrako eo an-tanany sy harangarangany hamelezana an’i Ejipta. Amin’izay dia hoekena fa Izaho no TOMPO.

Josoa 8:17

Tsy nisy lehilahy tavela intsony tao Hay fa samy nivoaka hanenjika ny Israelita avokoa, ary namela ny tanàna hidanadana teo.

Josoa 8:19

Fa raha vao naninji-tanana i Josoa, dia niroatra avy tao amin’ny fiafenany faingana ireo Israelita namitsaka, ary nihazakazaka niditra ny tanàna ka naka azy sady nandoro azy avy hatrany.

Josoa 8:26

Tsy nampidinin’i Josoa ny tanany nanambana lefona ambara-paharingan’ny mponina rehetra tao Hay.

Josoa 8:7

Amin’izay ianareo no hipoitra avy ao amin’ny famitsahana ka haka ny tanàna, satria hatolotry ny TOMPO ho eo an-tananareo i Hay.

1Samoela 17:41

i Gôliata etsy andaniny, ialohavan’ilay mpitondra ny ampingany, sady manatona tsikelikely an’i Davida.

1Samoela 17:45

Dia hoy ny navalin’i Davida azy: –Manatona ahy amin’ny sabatra sy ny lefona ary ny lefom-pohy ianao, izaho kosa manatona anao amin’ny anaran’ny TOMPOn’izao rehetra izao, Andriamanitry ny tafik’i Israely, Izay efa nohantsinao.