Josoa 8:14 - DIEM PROTESTANTA

¹⁴ Raha nahita izany ny mpanjakan’i Hay, dia nampamoha vao maraina ny lehilahy tao an-tanàna; ary nivoaka faingana hifanehatra amin’ny Israelita izy mbamin’ny miaramilany rehetra, ka niroso nankany amin’ny toerana efa nifamotoanany teo aloha, any amin’ny lohasahan’i Jôrdàna; nefa tsy fantatry ny mpanjaka fa misy miaramila namitsaka hamely azy tao ivohon’ny tanàna.

Baiboly Protestanta Malagasy 2011

¹⁴ Rehefa hitan’ny mpanjakan’i Ay izany dia nifoha vao maraina ny olona tao an-tanàna ka nandeha haingana hiady tamin’ny Israely, teo amin’ny toerana nifamotoanany tandrifin’i Arabà, ireo moa dia ny mpanjaka sy ny vahoakany: Satria tsy fantany ho nisy vela-pandrika hamely azy tao ambadiky ny tanàna.

Dikateny Iombonana Eto Madagasikara

¹⁴ Raha nahita izany ny mpanjakan’i Hay, dia nampamoha vao maraina ny lehilahy tao an-tanàna; ary nivoaka faingana hifanehatra amin’ny Israelita izy mbamin’ny miaramilany rehetra, ka niroso nankany amin’ny toerana efa nifamotoanany teo aloha, any amin’ny lohasahan’i Jôrdàna; nefa tsy fantatry ny mpanjaka fa misy miaramila namitsaka hamely azy tao ivohon’ny tanàna.

Baiboly Katolika

¹⁴ Vao nahita izany ny mpanjakan’i Haia dia nifoha maraina koa faingana ny lehilahy tao an-tanàna ka nivoaka hitsena an’i Israely. Nandroso niaraka tamin’ny vahoaka rehetra ny mpanjaka nankeo amin’ny toerana nifanekena tandrifin’ny lohasaha, fa tsy nahalala hoe misy otrika hamely azy ao ivohon’ny tanàna.

Baiboly Protestanta Malagasy

¹⁴ Ary rehefa hitan’ny mpanjakan’i Ay izany, dia nifoha maraina koa ny olona tao an-tanàna ka nivoaka faingana hiady tamin’ny Isiraely, teo amin’ny tany nifamotoanany tandrifin’ny tani-hay, dia ny mpanjaka sy ny vahoakany: fa tsy fantany ho nisy otrika hamely azy tao ankoatry ny tanàna.

Malagasy Bible

¹⁴ Ary rehefa hitan'ny mpanjakan'i Ay izany, dia nifoha maraina koa ny olona tao an-tanàna ka nivoaka faingana hiady tamin'ny Isiraely, teo amin'ny tany nifamotoanany tandrifin'ny tani-hay, dia ny mpanjaka sy ny vahoakany: fa tsy fantany ho nisy otrika hamely azy tao ankoatry ny tanàna.

La Bible en Malgache

¹⁴ Rehefa hitan’ny mpanjakan’i Ay izany dia nifoha vao maraina ny olona tao an-tanàna ka nandeha haingana hiady tamin’ny Israely, teo amin’ny toerana nifamotoanany tandrifin’i Arabà, ireo moa dia ny mpanjaka sy ny vahoakany: Satria tsy fantany ho nisy vela-pandrika hamely azy tao ambadiky ny tanàna.

Josoa 8:14 Rohy Ifampitohizana

Mpitoriteny 9:12

Tsy misy olona mahafantatra ny fotoana hiavian’ny loza. Fa toy ny trondro azon’ny harato, ary tahaka ny voron-kely voam-pandrika no hahitany loza mahavoa azy tampotampoka.

Isaia 19:11

Tena adala mihitsy ireo printsy ao Tsôhàna. Ary tena very saina ireo olon-kendrin’ny Farao. Ahoana no samy ilazanareo amin’ny Farao hoe: «Izaho dia zanak’olon-kendry sady taranak’ireo mpanjaka fahagola?»

Isaia 19:13

Lasa adala ny printsin’i Tsôhàna ary tena voafitaka ny ao Memfisa; ireo filohan’ny faritaniny ireo ihany no nampivembena an’i Ejipta.

Daniela 4:31

Rehefa tapitra ny fetr’andro, izaho Nebokadnetsara dia niandrandra ny lanitra; ka nody tamiko indray ny saiko. Nisaotra ny Avo Indrindra Izay velona mandrakizay aho, ary nidera sy nankalaza Azy fa ny fanapahany dia maharitra mandrakizay ary ny fanjakany dia mihatra amin’ny taranaka mifandimby.

Matio 24:39

ary tsy nanampo na inona na inona ny olona mandra-pahatongan’ny safodrano izay nandringana azy rehetra. Dia ho tahaka izany koa ny fiavian’ny Zanak’olona.

Matio 24:50

dia ho tonga ilay tompony amin’ny andro tsy ampoiziny sy amin’ny ora tsy fantany.

Deoteronomia 1:1

Ireto avy no lahateny nataon’i Mosesy tamin’ny Israelita rehetra, fony ireo mbola tsy niampita ny ony Jôrdàna. Tanatin’ny taniefitr’i Harabà, teo akaikin’i Sofa, ny Israelita tamin’izay, dia tanelanelan’i Paràna an-kilany ary Tôfela sy Labàna mbamin’i Hatserôta sy Dizahaba an-daniny.

Josoa 8:13

Ny tafika ankapobeny dia nitoby tao avaratry ny tanàna ary ny andiany sasany kosa tao andrefana, fa i Josoa nandany ny alina tao an-dohasaha.

Josoa 8:15

Nody resy teo anatrehany kosa i Josoa sy ny Israelita rehetra ka nandositra tamin’ny lalana mankany an-taniefitra.

Josoa 8:16

Dia nifampiantso hanenjika azy ny lehilahy rehetra tao an-tanàna, ary nanenjika an-dry i Josoa ka voatarika ho lasa lavitry ny tanàna.

Josoa 8:5

Izaho sy ny olona rehetra miaraka amiko kosa hanatona ny tanàna; ary rehefa mivoaka hifanehatra aminay toy ny tamin’ny voalohany ny mponin’i Hay, dia handositra eo anoloany izahay.

2Petera 2:3

Tia harena loatra ry zareo ka hataony filàm-bola ianareo amin’ny fampiasana teny mamitaka; saingy hatry ny ela dia tsy mitsahatra ny fanamelohana azy ary efa hihatra aminy koa ny fahaverezana.

Mpitsara 20:37

Ireo miaramila niafina ireo dia niroatra haingana nankany Gibehà ka namely ny tanàna manontolo sy nandringana ny mponina tao.