Josoa 4:8 - DIEM PROTESTANTA

⁸ Dia nanao araka izay nandidian’i Josoa azy ny olona voatendry ka naka vato 12 teo afovoan’i Jôrdàna, araka izay nolazain’ny TOMPO tamin’i Josoa sy araka ny isan’ny foko israelita. Ireo vato ireo dia nentiny niaraka taminy ho eo amin’ny toerana izay nitobiany tamin’iny alina iny ka napetrany teo.

Baiboly Protestanta Malagasy 2011

⁸ Dia nanatanteraka izay nandidian’i Josoa ny Zanak’Israely ka naka vato roa amby folo teo afovoan’i Jordana, araka izay nolazain’NY TOMPO tamin’i Josoa, araka ny isan’ny fokon’ny Zanak’Israely, ka noentiny nita niaraka taminy ho eo amin’izay nitobiany ireo ka napetrany teo.

Dikateny Iombonana Eto Madagasikara

⁸ Dia nanao araka izay nandidian’i Josoa azy ny olona voatendry ka naka vato 12 teo afovoan’i Jôrdàna, araka izay nolazain’ny TOMPO tamin’i Josoa sy araka ny isan’ny foko israelita. Ireo vato ireo dia nentiny niaraka taminy ho eo amin’ny toerana izay nitobiany tamin’iny alina iny ka napetrany teo.

Baiboly Katolika

⁸ Notanterahin’ny zanak’i Israely ny didin’i Jôsoe, dia naka vato roa ambin’ny folo teo afovoan’i Jordany, araka ny isan’ny fokon’i Israely, nentiny teo amin’ny fitoerana tsy maintsy handriany amin’ny alina dia napetrany teo.

Baiboly Protestanta Malagasy

⁸ Dia nanao izany ny Zanak’Isiraely araka izay nandidian’i Josoa ka naka vato roa ambin’ny folo teo afovoan’i Jordana, araka izay nolazain’i Jehovah tamin’i Josoa, araka ny isan’ny firenen’ny Zanak’Isiraely, ka nentiny nita niaraka taminy ho eo amin’izay nitobiany ka napetrany teo.

Malagasy Bible

⁸ Dia nanao izany ny Zanak'Isiraely araka izay nandidian'i Josoa ka naka vato roa ambin'ny folo teo afovoan'i Jordana, araka izay nolazain'i Jehovah tamin'i Josoa, araka ny isan'ny firenen'ny Zanak'Isiraely ka nentiny nita niaraka taminy ho eo amin'izay nitobiany ka napetrany teo.

La Bible en Malgache

⁸ Dia nanatanteraka izay nandidian’i Josoa ny Zanak’Israely ka naka vato roa amby folo teo afovoan’i Jordana, araka izay nolazain’NY TOMPO tamin’i Josoa, araka ny isan’ny fokon’ny Zanak’Israely, ka noentiny nita niaraka taminy ho eo amin’izay nitobiany ireo ka napetrany teo.

Josoa 4:8 Rohy Ifampitohizana

Eksodosy 12:28

Avy eo dia lasa izy ireo ka nanatanteraka araka izay rehetra nandidian’ny TOMPO an’i Mosesy sy i Aharôna.

Eksodosy 24:4

Nosoratan’i Mosesy avokoa ny tenin’ny TOMPO taminy; ary nony ampitso dia nifoha maraina izy ka nanamboatra alitara iray teo am-pototry ny tendrombohitra sy nanangana tsangambato 12, ka iray avy isam-poko tao amin’ny Israely.

Josoa 4:20

Dia nasain’i Josoa natsangana tao Gilgala ireo vato 12 nalaina tao Jôrdàna;

Josoa 4:9

Ary i Josoa dia nampanangana vato 12 ihany koa teo afovoan’i Jôrdàna, teo amin’ny toerana izay nijoroan’ny mpisorona nitondra ny Vatamasina mirakitra ny fanekempihavanana; ary mbola ao ihany ireo vato ireo mandraka androany.