Josoa 3:4 - DIEM PROTESTANTA

⁴ Izany no hahafantaranareo ny lalana halehanareo satria tsy mbola nandalovanareo mihitsy io lalana io talohan’izao. Kanefa aza manatona akaikin’ny Vatamasina ianareo fa aoka hisy tokony ho iray kilaometatra ny elanelanareo aminy.

Baiboly Protestanta Malagasy 2011

⁴ Kanefa asio elanelany tokony ho roa arivo hakiho aminareo sy izy, fa aza manakaiky azy, mba ho fantatrareo ny lalana izay mety halehanareo fa tsy mbola nalehanareo akory izao lalana izao.

Dikateny Iombonana Eto Madagasikara

⁴ Izany no hahafantaranareo ny lalana halehanareo satria tsy mbola nandalovanareo mihitsy io lalana io talohan’izao. Kanefa aza manatona akaikin’ny Vatamasina ianareo fa aoka hisy tokony ho iray kilaometatra ny elanelanareo aminy.

Baiboly Katolika

⁴ Asio elanelany sahabo ho arivo hakiho anefa aminareo sy izy, mba hahitanareo ny lalana hombanareo, fa lalana mbola tsy nalehanareo na oviana na oviana izany.»

Baiboly Protestanta Malagasy

⁴ (kanefa asio elanelany, tokony ho roa arivo hakiho, aminareo sy izy, fa aza manakaiky azy), mba ho fantatrareo ny làlana izay mety halehanareo; fa tsy mbola nalehanareo akory izao làlana izao.

Malagasy Bible

⁴ (kanefa asio elanelany, tokony ho roa arivo hakiho, aminareo sy izy, fa aza manakaiky azy), mba ho fantatrareo ny lalana izay mety halehanareo; fa tsy mbola nalehanareo akory izao lalana izao.

La Bible en Malgache

⁴ Kanefa asio elanelany tokony ho roa arivo hakiho* aminareo sy izy, fa aza manakaiky azy, mba ho fantatrareo ny lalana izay mety halehanareo fa tsy mbola nalehanareo akory izao lalana izao.

Josoa 3:4 Rohy Ifampitohizana

Genesisy 31:2

Hitan’i Jakôba nisoritra teny amin’ny tarehin’i Labàna fa tsy toy ny teo aloha intsony ny fiarahany aminy.

1Tantara 11:2

Fahiny, fony mbola nanjaka aza i Saoly, dia ianao ihany no mpitarika ny miaramilan’i Israely tamin’ny ady. Ary ny TOMPO Andriamanitrao efa nilaza taminao hoe: «Ianao no hitondra ilay Israely vahoakako, ary ianao no ho mpanapaka azy.»

Salamo 25:12

Raha misy olona manaja ny TOMPO, dia hotoroany ny làlan-kofidina koa izy.

Salamo 89:7

TOMPO ô, tsy misy tahaka Anao any an-danitra; ary tsy misy mitovy aminao ireo andriamanitra.

Eksodosy 19:12

Farito ny manodidina ny tendrombohitra, ka asaovy mitandrina ny olona mba tsy hianika ny tendrombohitra na hanatona ny sisiny akory, fa izay rehetra manatona ny tendrombohitra dia hatao maty.

Eksodosy 3:5

Dia hoy ny TOMPO hoe: –Aza manatona ny roimemy! Esory ny kapa amin’ny tongotrao fa tany masina ny toerana ijoroanao.

Eksodosy 4:10

Ary hoy i Mosesy tamin’ny TOMPO: –Indrisy, ry Tompo, fa tsy mba olona mahay mandaha-teny aho na taloha na hatramin’izao nitenenanao tamiko izao, fa votsa vava sady bada miambakavaka.

Isaia 30:33

Fa efa voaomana hatry ny ela ny fandoroana, ary ho an’ny mpanjaka ihany koa izany. Faritra boribory, malalaka sady lalina, no namoriana kitay betsaka handrehetana afo; ary dia ny fofonain’ny TOMPO, izay toy ny riakan-tsolifara miredareda, no hampirehitra izany toeram-pandoroana izany.

Isaia 48:17

Ry firenen’i Jakôba, ny TOMPO mpanavotra anao, Ilay Masin’i Israely dia miteny aminao hoe: «Izaho TOMPO Andriamanitrao no mampianatra anao izay mahasoa anao sy mitarika anao amin’ny lalana tokony halehanao.

Josoa 3:3

ary nandidy azy hoe: –Raha vao hitanareo fa entin’ny Levita mpisorona ilay Vatamasina mirakitra ny fanekempihavanan’ny TOMPO Andriamanitrareo, dia ialao ity toerana misy anareo ity ka mandehana manaraka azy.

Josoa 3:5

Ary hoy i Josoa tamin’ny vahoaka: –Diovy ny tenanareo fa rahampitso dia hanao zava-mahagaga eo anivonareo ny TOMPO.