Josoa 3:3 - DIEM PROTESTANTA

³ ary nandidy azy hoe: –Raha vao hitanareo fa entin’ny Levita mpisorona ilay Vatamasina mirakitra ny fanekempihavanan’ny TOMPO Andriamanitrareo, dia ialao ity toerana misy anareo ity ka mandehana manaraka azy.

Baiboly Protestanta Malagasy 2011

³ ka nandidy ny olona hoe: Rehefa hitanareo ny vata misy ny faneken’NY TOMPO Andriamanitrareo entin’ny levita mpisorona dia miaingà avy amin’izay itoeranareo ka manaraha azy.

Dikateny Iombonana Eto Madagasikara

³ ary nandidy azy hoe: –Raha vao hitanareo fa entin’ny Levita mpisorona ilay Vatamasina mirakitra ny fanekempihavanan’ny TOMPO Andriamanitrareo, dia ialao ity toerana misy anareo ity ka mandehana manaraka azy.

Baiboly Katolika

³ ka nandidy ny vahoaka hoe: «Rehefa hitanareo ny fiaran’ny faneken’i Iaveh Andriamanitrareo, entin’ny mpisorona Levita, dia mialà eo amin’ity toerana ity, ka miaingà manaraka azy.

Baiboly Protestanta Malagasy

³ ka nandidy ny olona hoe: Rehefa hitanareo ny fiaran’ny faneken’i Jehovah Andriamanitrareo ary ny Levita mpisorona mitondra azy, dia mialà amin’ izay itoeranareo, ka manaraha azy

Malagasy Bible

³ ka nandidy ny olona hoe: Rehefa hitanareo ny fiaran'ny faneken'i Jehovah Andriamanitrareo ary ny Levita mpisorona mitondra azy, dia mialà amin'izay itoeranareo, ka manaraha azy

La Bible en Malgache

³ ka nandidy ny olona hoe: Rehefa hitanareo ny vata misy ny faneken’NY TOMPO Andriamanitrareo entin’ny levita* mpisorona dia miaingà avy amin’izay itoeranareo ka manaraha azy.

Josoa 3:3 Rohy Ifampitohizana

2Samoela 6:13

Rehefa namindra inenina ireo mpitondra ny Vatamasin’ny TOMPO, dia nanao sorona omby sy zanak’omby matavy i Davida.

2Samoela 6:3

Tao an-tranon’i Abinadaba teo an-kavoana ilay Vatamasina, dia nataingina teo ambany sarety vaovao ary nentina. I Hozà sy i Ahiao samy zanakalahin’i Abinadaba no nitondra ny sarety,

1Mpanjaka 8:3

Rehefa tonga avokoa ny loholon’i Israely, dia noraisin’ireo mpisorona ny Vatamasina.

Jeremia 33:18

Ary ny mpisorona taranak’i Levỳ tsy ho tapaka olona hijoro eo anatrehako hanolotra sorona dorana manontolo, ary hampakatra ny eton’ny fanatitra sy ny sorom-pihavanana fanao isan’andro.

Nomery 10:33

Niala tao an-tendrombohitry ny TOMPO ireo Israelita ka nandeha lalana telo andro. Nialoha azy ireo tamin’izany lalana telo andro izany ny Vatamasina mirakitra ny fanekempihavanan’ny TOMPO mba hitady izay toerana hahafahan’ny vahoaka mitoby.

Nomery 4:15

Rehefa hifindra toby ny Israelita dia ho vitan’i Aharôna sy ny zanany ny famonosana ny Toeramasina sy ny fanaka rehetra momba ny Toeramasina, dia ho avy amin’izay ny taranak’i Kehàta hitondra azy. Tsy hikasika ny fitaovana masina mivantana izy sao maty. Izany no anjara entan’ny taranak’i Kehàta ny amin’ny Tranolay fihaonana.

Matio 16:24

Avy eo dia hoy i Jesoa tamin’ireo mpianany: –Raha misy te hiara-dia amiko, dia aoka izy handà ny tenany ka hitondra ny hazofijaliany ary hiaraka amiko.

Matio 8:19

Nisy anefa mpahay lalàna nanatona Azy ka nilaza taminy hoe: –Mpampianatra ô, hiaraka aminao aho na aiza na aiza alehanao!

Deoteronomia 31:25

dia nofeperany ny Levita, izay mpitondra ny Vatamasina mirakitra ny fanekempihavanan’ny TOMPO ka nataony hoe:

Deoteronomia 31:9

Dia nataon’i Mosesy an-tsoratra izany Lalànan’Andriamanitra izany, ka natolony tamin’ireo mpisorona, taranak’i Levỳ, dia ireo mpitondra ny Vatamasina mirakitra ny Fanekempihavanan’ny TOMPO, ary koa tamin’ireo rehetra loholon’i Israely.

Josoa 3:4

Izany no hahafantaranareo ny lalana halehanareo satria tsy mbola nandalovanareo mihitsy io lalana io talohan’izao. Kanefa aza manatona akaikin’ny Vatamasina ianareo fa aoka hisy tokony ho iray kilaometatra ny elanelanareo aminy.

Josoa 3:6

Tamin’ny andro manaraka, dia nibaiko ny mpisorona i Josoa hoe: –Entonareo ny Vatamasina mirakitra ny fankempihavanana ka miampità eo alohan’ny vahoaka. Dia nitondra ilay Vatamasina ireo ka nandeha teo alohan’ny vahoaka.

Josoa 3:8

Ianao kosa mandidia ireo mpisorona mitondra ny Vatamasina mba hijanona ao anaty ranon’i Jôrdàna raha vao tafaroboka.

Josoa 4:10

Ny mpisorona nitondra ny Vatamasina kosa dia nijoro teo afovoan’i Jôrdàna ambara-pahatanteraky ny teny rehetra izay nodidian’ny TOMPO holazain’i Josoa amin’ny vahoaka, araka izay rehetra efa nandidian’i Mosesy an’i Josoa. Dia nita faingana ny vahoaka;

Josoa 6:6

Dia niantso ny mpisorona i Josoa zanakalahin’i Nona ka nanao taminy hoe: –Entonareo ilay Vatamasina mirakitra ny fanekempihavanan’ny TOMPO, ary aoka hisy mpisorona fito mitondra trompetra eo alohany.

Apokalipsy 14:4

Ireo no tsy nandoto tena tamin’ny fomban-tsampy, satria madio toetra. Ireo no mpanaraka ny Zanakondry na aiza na aiza alehany. Ireo no efa navotana avy tamin’ny olona, mba ho santa-bokatra atolotra ho an’Andriamanitra sy ho an’ny Zanakondry.

1Samoela 6:15

Nampidinin’ny Levita ny Vatamasin’ny TOMPO sy ny vata kely nisy ireo sarin-javatra volamena niaraka taminy, ary dia samy napetrany teo ambonin’ilay vato lehibe. Tamin’io andro io ihany dia nanao sorona dorana manontolo sy sorom-pihavanana ho an’ny TOMPO ny olona tao Bèty-Semesy.