Josoa 2:6 - DIEM PROTESTANTA

⁶ Kanjo efa nampiakarin-dravehivavy any an-tampon-trano izy roa lahy ary nafeniny tao anaty tahon-drongony izay efa nalahany teo.

Baiboly Protestanta Malagasy 2011

⁶ Kanjo efa nampiakarin-dRavehivavy tany an-tampon-trano izy ireo ka nafeniny tao amin’ny tahon-drongony izay nalahany teo an-tampon-trano.

Dikateny Iombonana Eto Madagasikara

⁶ Kanjo efa nampiakarin-dravehivavy any an-tampon-trano izy roa lahy ary nafeniny tao anaty tahon-drongony izay efa nalahany teo.

Baiboly Katolika

⁶ Kanjo nasainy niakatra any ambony tafon-trano izy ireo, dia nafeniny tao ambony tafon-trano.

Baiboly Protestanta Malagasy

⁶ Kanjo efa nampiakarin-dravehivavy any an-tampon-trano izy ka nafeniny ao amin’ ny tahon-drongony, izay efa nalahany teo amin’ny tampon-trano.

Malagasy Bible

⁶ Kanjo efa nampiakarin-dravehivavy any an-tampon-trano izy ka nafeniny ao amin'ny tahon-drongony, izay efa nalahany teo amin'ny tampon-trano.

La Bible en Malgache

⁶ Kanjo efa nampiakarin-dRavehivavy tany an-tampon-trano* izy ireo ka nafeniny tao amin’ny tahon-drongony izay nalahany teo an-tampon-trano.

Josoa 2:6 Rohy Ifampitohizana

2Samoela 11:2

Indray takariva dia niarina avy teo am-pandriany i Davida ka nitsangantsangana teo an-tafon-trano marin-tampon’ny lapam-panjakana. Avy teny no nahatazanany vehivavy iray nandro. Tsara tarehy aoka izany ravehivavy.

2Samoela 17:19

Naka labasy ny vadin’ilay rangahy tompon-trano ka narakony teo am-bavan’ny lava-pantsakana sy nanahazany voan-javatra mba tsy hanampoizana na inona na inona.

1Mpanjaka 18:13

Moa tsy mba notantaraina taminao va, tompoko, izay nataoko tamin’ny namonoan’i Jezebela ho faty ireo mpaminanin’ny TOMPO? Zato tamin’ireny mpaminanin’ny TOMPO ireny no nafeniko nitsinjara dimampolo avy tany anaty zohy ka novatsiko mofo sy rano.

1Mpanjaka 18:4

fa tamin’ny nandringanan’i Jezebela ny mpaminanin’ny TOMPO, dia mpaminany zato no voavonjin’i Hôbadià rehefa nafeniny nitsinjara dimampolo avy tany anaty zohy ka novatsìny mofo sy rano.

2Mpanjaka 11:2

Kanefa i Jôsebà zanakavavin’i Jôrama mpanjaka sady anabavin’i Ahazià dia naka an’i Jôàsy zanakalahin’i Ahazià, ka namonjy azy mbamin’ny mpitaiza azy teo anivon’ireo rahalahiny efa novonoina, ary nitondra azy hankao an’efitrano fandriana ao amin’ny tempoly; nafenin’i Jôsebà an’i Hatalià i Jôasy, ka dia tsy mba voavono ho faty.

Eksodosy 2:2

Bevohòka ravehivavy ka niteraka zazalahy. Hitany fa tsara tarehy ilay zazalahy ka nafeniny nandritra ny telo volana.

Jeremia 36:26

fa vao mainka aza nomeny baiko i Jerahimèla, andriana zanakalahin’ny mpanjaka, sy i Seraià zanakalahin’i Hazriela sy i Selemià zanakalahin’i Habdèla mba hisambotra an’i Baròka mpanoratra sy i Jeremià mpaminany; saingy ny TOMPO efa nanafina azy roa lahy.

Matio 24:17

izay any an-tampon-trano aoka tsy hidina haka izay zavatra ao an-tranony;

Deoteronomia 22:8

Raha manao trano vaovao ianareo, dia hasianareo aro-fanina manodidina ny tampon-tranonareo; fandrao hisy olona hianjera avy eny ka tsy ny tranonareo no hizaka ny andraikitra amin’ny fahafatesan’ilay olona.

Kolosiana 3:3

Fa efa maty ianareo, ka ny fiainanareo dia miara-miafina amin’i Kristy ao amin’Andriamanitra.

Hebreo 11:23

Finoana no nanafenan’ny ray aman-drenin’i Mosesy azy telo volana, raha vao teraka izy. Hitany manko fa zazakely mahafatifaty i Mosesy, ka tsy natahorany izay baikon’ny mpanjaka.

Jakoba 2:25

Toy izay koa i Rahaba vehivavy janga: nahazo ny fahamarinana avy amin’Andriamanitra izy noho ny asa nataony, fony izy nampiantrano ireo iraka israelita ary nampandeha azy tamin’ny lalan-kafa.

Josoa 2:5

Saingy nony hariva ny andro ka hohidiana ny vavahadin’ny tanàna, dia lasa ireo ka tsy fantatro izay nalehany. Enjeho faingana izy fa ho tratranareo!

Josoa 2:7

Dia niainga ireo iraky ny mpanjaka hanenjika ny mpitsikilo teny an-dalàna mankany Jôrdàna ka hatrany amin’ny fitàna. Ary raha vao lasa ireto mpanenjika, dia nohidiana ny vavahady.

Josoa 2:8

Fa talohan’ny hatorian’ny mpitsikilo no niakatra nankao aminy tao an-tampon-trano i Rahaba

Josoa 6:25

Fa i Rahaba mpivaro-tena mbamin’ny fianakaviany manontolo kosa dia novelomin’i Josoa noho ny nanafenan-dravehivavy an’ireo mpitsikilo izay nalefany tany Jerikao. Nonina teo anivon’ny Israelita i Rahaba ary mbola ao mandraka androany ny taranany.