Josoa 13:3 - DIEM PROTESTANTA

³ izany hoe ny faritra noheverina ho kanahanita manomboka hatreo amin’ny lohasahan-driaka Sihôra izay sisin-tany atsinanan’i Ejipta ka hatrany amin’ny faritanin’i Hekrôna any avaratra; ao no misy ireo fanjakana dimy tamin’ny Filistinina, dia i Gazà, i Asdôda, i Askelôna, i Gata ary i Hekrôna; ao koa no misy ny Havita

Baiboly Protestanta Malagasy 2011

³ hatrany Sihora izay atsinanan’i Ejipta, ka hatrany amin’ny sisintanin’i Ekrona eo avaratra izay isaina ho an’ny Kananita, an’ireo mpanjaka dimy amin’ny Filistina, sy ny Gazita, ny Asdodita, ny Askelonita, ny Gatita, ny Ekronita ary ny Avita

Dikateny Iombonana Eto Madagasikara

³ izany hoe ny faritra noheverina ho kanahanita manomboka hatreo amin’ny lohasahan-driaka Sihôra izay sisin-tany atsinanan’i Ejipta ka hatrany amin’ny faritanin’i Hekrôna any avaratra; ao no misy ireo fanjakana dimy tamin’ny Filistinina, dia i Gazà, i Asdôda, i Askelôna, i Gata ary i Hekrôna; ao koa no misy ny Havita

Baiboly Katolika

³ hatramin’i Sikôra, izay eo atsinanan’i Ejipta ka hatrany amin’ny faritanin’i Akarôna eo avaratra, izay tokony hatao ho tany Kananeanina; ny andrian’ny Filistinina dimy, ny an’i Gazà, ny an’i Azota, ny an’i Askalôna, ny an’i Geta, ny an’i Akarôna;

Baiboly Protestanta Malagasy

³ hatrany Sihora, izay atsinanan’i Egypta, ka hatramin’ny fari-tanin’i Ekrona eo avaratra, izay atao ho an’ny Kananita, ireo andriana dimy amin’ny Filistina–dia ny Gazita sy ny Asdodita sy ny Askelonita sy ny Gatita sy ny Ekronita ary ny Avita

Malagasy Bible

³ hatrany Sihora, izay atsinanan'i Egypta, ka hatramin'ny fari-tanin'i Elzrona eo avaratra, izay atao ho an'ny Kananita, ireo andriana dimy amin'ny Filistina dia ny Gazita sy ny Asdodita sy ny Askelonita sy ny Gatita sy ny Ekronita ary ny Avita

La Bible en Malgache

³ hatrany Sihora izay atsinanan’i Ejipta, ka hatrany amin’ny sisintanin’i Ekrona eo avaratra izay isaina ho an’ny Kananita, an’ireo mpanjaka dimy amin’ny Filistina, sy ny Gazita, ny Asdodita, ny Askelonita, ny Gatita, ny Ekronita ary ny Avita

Josoa 13:3 Rohy Ifampitohizana

Genesisy 10:6

Ny zanakalahin’i Hama dia i Kosy sy i Mitsiraîma ary i Poto sy i Kanahàna.

Genesisy 15:18

Tamin’izay andro izay ny TOMPO dia nanao fanekempihavanana tamin’i Abrama, ka niteny hoe: –Omeko ny taranakao ity tany ity, manomboka eo amin’ny ranon-driakan’i Ejipta ka hatrany Eofrata ony lehibe

1Mpanjaka 8:65

Tamin’io volana fahafito io koa no niarahan’i Salômôna nankalaza ny fetin’ny Tranotomboka tamin’ny Israelita rehetra izay tafangona marobe, tonga avy amin’ny lafy valo hatreo Lebô-Hamata ka hatrany amin’ny lohasahan-driakan’i Ejipta. Koa nankalaza fety teo anatrehan’ny TOMPO Andriamanitsika izy nandritra ny fito andro indroa: izany hoe 14 andro.

1Tantara 13:5

Dia novorin’i Davida i Israely lafy valo, manomboka amin’ny sisin-tanin’i Ejipta ka hatrany Lebô-Hamàta, mba handeha haka ny Vatamasina, any Kiriata-Jeharima.

Isaia 23:3

Izay afafy eny amoron’i Neily dia i Tsidôna no mioty azy; izy no mandray ny tombombarotr’ireo firenena.

Jeremia 2:18

Ankehitriny, inona no soa ho anao amin’ny fankanesana any Ejipta? Hisotro ny ranon’i Neily ve? Ary inona no soa ho anao amin’ny fankanesana any Asiria? Hisotro ny ranon’i Eofrata ve?

Deoteronomia 2:23

Ny amin’ny Havita izay nonina tamin’ireo tanàna mipaka hatrany Gazà kosa, dia ny Kaftôrita avy tany Kaftôra no nandringana azy ka nonina nisolo azy.)

Josoa 13:13

Tsy noroahin’ny Israelita anefa ny mponina tao Gesora sy Mahekà; koa miara-monina amin’ny Israelita ry zareo mandraka androany.

Mpitsara 16:5

Ary niakatra hankany amin’ilay vehivavy ireo mpanjaka filistinina ka nanao taminy hoe: –Langolangoy i Samsôna mba hampahalala anao izay iavian’ny heriny lehibe sy ny fomba hahazoanay mandresy azy, dia hafatotray izy ka hofolahinay. Ary samy hanome anao vola sekela 1 100 avy izahay.

Mpitsara 3:3

Koa ireto avy àry ireo firenen-kafa ireo: ny mponina tamin’ny fanjakana dimin’ny Filistinina, ny Kanahanita rehetra, ny Tsidônianina, ary ny Hivita izay nipetraka tany amin’ny tendrombohitra Libano, manomboka hatreo an-tendrombohitra Bahala-Hermôna ka hatrany Lebô-Hamata.

1Samoela 5:1

Azon’ny Filistinina àry ny Vatamasin’Andriamanitra ka nentiny nankany Asdôda avy tao Ebena-Hezera.

1Samoela 5:10

Dia nalefany nankany Hekrôna ny Vatamasin’Andriamanitra; nefa nony tonga tany izany, dia niantsoantso mafy ny mponin’i Hekrôna hoe: –Nafindra atỳ aminay mba hahafaty anay mianakavy ny Vatamasin’ilay Andriamanitr’i Israely.

1Samoela 5:8

Dia nampiantso ireo andriana dimy filohan’ny Filistinina izy ireo mba hivory any aminy ka nanontany azy hoe: –Hataonay ahoana ny Vatamasin’ilay Andriamanitr’i Israely? Dia hoy ireo filoha taminy: –Aoka hafindra hankany Gata izany! Dia nafindra nankany Gata ilay Vatamasina;

1Samoela 6:4

Hoy kosa ny Filistinina hoe: –Fa inona àry no fanonerana haterinay aminy? Dia hoy ny navalin’ny mpisorona sy ny mpimasy: –Araka izay isan’ireo andriana filohan’ny Filistinina, dia mba anatero sarin-kitso volamena dimy sy totozy volamena dimy; fa aretina iray ihany no mahazo anareo rehetra mbamin’ny filohanareo.